2025erako berriztagarriek ikatzari aurrea hartuko diote argindar iturri nagusi moduan, IEAren arabera
Datorren urtearen hastapenetan energia berriztagarriak izango dira argindarra sortzeko iturri nagusi, ikatzari berari aurrea hartuta, gainera, Energiaren Nazioarteko Agentziaren (IEA, ingelesez) txosten batek aurreikusi duenez.
Argindar merkatuaren inguruan azterketa egiten du urtero Agentziak. Aurtengo txostenak 2026an jarri du begirada. Urte horretarako, energia berriztagarrien bidez lortutako argindarra % 37ra igoko da (2023an % 30 izan zen), batez ere eguzki energiaren kostuak behera egingo dutelako.
Ifrentzuan, ikatzaren erabilerak behera egingo du, urtero % 1,7 batez beste, Txinak iragarritako jatsiera tarteko bereziki. Horregatik, berotegi efektuko gasak "egiturazko gainbeheran" daudela ondorioztatu du erakundeak.
Argindarra sortzeko energia fosilen erabilera % 54ra jaitsiko da 2026an (% 61eko izan zen 2023an), eta hortaz, lehen aldiz, % 60ko langatik behera kokatuko da.
"Energia sortzeak beste ezein sektorek baino isuri gehiago eragiten ditu, beraz, itxaropentsua da ikustea energia berriztagarriak gora egiten ari direla eta energia nuklearra modu iraunkorrean zabaltzen ari dela", adierazi du Fatih Birol Agentziako zuzendari exekutiboak.
Ekoizpen nuklearra, markak hausten
Ekoizpen nuklearrak gora egiten jarraituko duela iragarri du Energiaren Nazioarteko Agentziak, 2025ean errekorra ezartzeraino. Aurreikuspenen arabera, orduko 3.000 terawatt ekoizteko gai izango da, Txinan, Indian, Hego Korean eta Europan martxan jarriko diren erreaktoreei esker. Japoniak ere amatatuta zituen hainbat zentral piztuko ditu.
Hori horrela, 2026rako ekoitziko den argindarraren ia erdia energia garbien eta energia nuklearrari esker erdietsiko da (iaz % 40koa izan zen).
Argindar eskariak, halaber, gora egingo du, auto elektrikoen salmentak eta bero ponpen instalazioak nabarmen haziko baitira. Iaz % 2,2 hazi zen argindar eskaera mundu mailan, baina IEAren arabera, urteko igoera % 3,4koa izango da 2026ra arte.
Ildo beretik, datu-zentroek, adimen artifizialak eta kriptotxanponen sektoreak kontsumitzen duten argindar kopuru handiaren ondorioz, kontsumoa orduko 460 terawatt (TWh) izatetik 1.100 TWh-koa izatera igaroko da 2026an, halako bi pasatxo.
Albiste gehiago gizartea
Milaka pertsona atera dira gaur kalera Hego Euskal Herrian, Palestinaren alde
Gasteizen, Bilbon eta Iruñean arratsaldeko zazpietan abiatu dira Palestinaren aldeko Borroka Eguna dela eta antolatutako mobilizazioak. Deialdia Gazarako Mugimendu Globalak eta Global Sumud Flotillak egindako nazioarteko ekimenari erantzunez gauzatu da, “Apur dezagun Gazako blokeoa. Defenda dezagun Global Sumud Flotilla” lelopean. Goizean ere, protesta egin dute Gasteizen, Legebiltzarraren kanpoaldean.
Komunitate palestinarrak genozidioaren aurkako manifestazioa deitu du asteazkenerako Zinemaldian
Palestina-Euskal Herria Elkartasun Batzordeak “The Voice of Hind Rajab” filmaren proiekzioa baliatuko du Israelen erasoa eta horren inguruko isiltasun “konplizea” salatzeko Donostiako kaleetan.
Donostiako masajistak ukatu egin ditu sexu-erasoen akusazioak
Fiskaltzak eta akusazio partikularrek 45 urteko kartzela-zigorra eskatu dute akusatuarentzat.
"Nahasmendu delirantea" diagnostikatu diote medikuek Kabiecesen 400 haur baino gehiago txertatu gabe utzi zituen erizainari
Epaiketaren laugarren egunean, auzipetua auzitegian aurkeztu da, baina deklaratzeko moduan ez dagoela onartu du.
Iruñeko Planetarioa berreraikitzeko lanak hasi dira
Urtarrilean kupula larriki kaltetu zuen sutearen ondoren, Iruñeko Planetarioa Tornamira Aretoa zaharberritzen eta eraikina osorik modernizatzen hasi da. Kultura sailburu Rebeca Esnaolak zentroa zientzia eta astronomia dibulgaziorako abangoardiako gune gisa berreskuratzea helburu duten jarduerak azaldu ditu.
Sindikatuek eta pentsiodunek protesta egin dute Eusko Legebiltzarraren aurrean
Pentsioak Lanbide arteko Gutxieneko Soldatara (LGS) arte osatzeko Herri Ekimen Legegilea (HEL) Jaurlaritzak aintzat hartu ez izanagatik protesta egin du pentsiodunen mugimenduak. Bestalde, enplegu publikoko prozesuetan izandako euskararen aurkako "erasoaldi judiziala" salatu du LAB sindikatuak.
Bi gizon atxilotu dituzte Azkoitian gizon bati sexu-erasoa egin eta legez kanpo atxikitzeagatik
Joan den asteartean, gizon bat Ertzaintzaren egoitzara joan zen sexu-eraso baten biktima izan zela eta bere borondatearen aurka atxiki zutela eta eraso fisikoa eta sexuala egin ziotela salatzeko.
Euskal Selekzioak eta Palestinak lagunarteko futbol partida jokatuko dute San Mamesen azaroaren 15ean
Espainiako agintarien arabera, ez da kirol ekitaldi huts bat izango, eta Palestinan pairatzen ari diren "giza eskubideen urraketa guztiak" ikusarazteko ere baliatuko dute lagunartekoa.
Baso-sute arriskua oso handia izango da Nafarroan ostegunetik larunbatera
Aurreikuspenen arabera, arriskua nabarmen murriztuko da larunbateko azken orduan, prezipitazio-fronte bat sartuko baita.
Euskararentzat "arkitektura juridiko berria" eskatu du Kontseiluak, "langile publikoek euskararen ezagutza izatea" bermatzeko
Euskalgintzaren Kontseiluak eta Bagera Donostiako euskaltzaleen elkarteak deituta, bilkura egin dute, arratsaldean, Donostiako epaitegi batek euskararen aurka kaleratu berri duen epai bat salatzeko. Idurre Eskisabel Kontseiluko idazkari nagusiaren hitzetan, "ezinbestekoa da euskarari behar duen arkitektura juridiko berria eskaintzea", "botere judizialetik ezarritako blokeoa gainditzeko".