Emakumezkoen esku daude ordaindutako lanpostuen % 48, duela 40 urte baino % 18,4 gehiago
1981ean, ordaindutako lanpostuak betetzen zituzten emakumeen kopurua ez zen % 30era iristen. Lan egiteko adina zutenen artean, % 34,4 zeuden beharrean garai hartan.
Gaur egun, ostera, emakumezkoen esku daude ordaindutako lanpostuen % 48, eta 18 eta 65 urte bitarteko emakumeen % 67,2k dute ordaindutako lanpostu bat.
1981ean, bestalde, langabezia tasa % 22,8koa zen emakumeen artean; gaur egun, % 7,8koa da.
Era berean, aldatu egin da unibertsitate ikasketak dituztenen portzentajea. 1985-86 ikasturtean goi mailako ikasketak egiten ari ziren ikasleen % 47,6 emakumeak ziren. Hamar urte geroago, % 54,5eraino igo zen portzentajea, eta berdintsua da oraindik ere.
Ordezkaritza politikoa
1980an, % 7 baino gutxiago ziren emakumezkoak Eusko Legebiltzarrean. Hamarkada bat geroago, % 16ra igo zen portzentaje hori, eta handik 20 urtera, % 33ra. Urrats bat gehiago emanda, 2005etik, parekatuta dago emakumezkoen eta gizonezkoen ordezkaritza.
Emakumeen bizi itxaropena
Biztanleriaren zati handi bat betetzen dute adineko emakumeek. Euskal Autonomia Erkidegoan, 86,1 urteko bizi itxaropena zuten, hain zuzen ere, emakumeek 2022an; 40 urte lehenago, 76,9 urtekoa zen.
Horrenbestez, 13,7 puntu hazi da 65 urtetik gorako adinekoen kopurua. Zehazki, biztanleen % 9,8 ziren 1981ean, eta % 23,5 dira gaur egun. Hartara, % 135 igo da 65 urtetik gorako emakumeen kopurua, eta % 43 jaitsi da 20 urtez azpikoena.
Gizartean aldaketa izan da, eta horrek ekarri du geroz eta emakume gehiago bakarrik bizitzea. 85 urtetik gorako emakumeen % 38,5 bakarrik bizi dira.
Eguneko zentroetako erabiltzaileen % 71,6 eta adinekoen egoitzetako % 68,8 emakumeak dira.
Albiste gehiago gizartea
Aurkikuntza arkeologiko oso garrantzitsua Iruñean: Barbazanako dorrearen barruan dagoen Kanonigoen atea
Iruñean, arkeologia aurkikuntza berria bat da albiste. Katedral ondoan dago eta Joseba Asiron alkateak eta urbanismo batzordeak bisitatu berri dute. Aurkikuntza ikusgarri eta garrantzitsuaz mintzatu da Iñaki Sagredo arkeologoa. Bertara bisita gidatua egiteko aukera du nahi duenak.
Giza Eskubideen Behatokiak kereila bat bultzatu du 1974ko Asturiagako segadagatik
Iragarri du kereila bat aurkeztuko duela 1974an Hondarribian izandako polizia-operazio frankista batean hildako Roque Méndez Villada eta José Luis Mondragón Elorzaren heriotzagatik.
Zazpi ibilgailuk istripua izan dute Txorierriko igarobidean, eta auto-ilara luzeak daude errepideetan
Ezbeharra asteazken honetako goizeko zortziak baino lehen gertatu da, eta ez da inor zauritu, Eusko Jaurlaritzako Segurtasun Sailak jakinarazi duenez.
Adunako prostituzio-etxe bateko arduraduna atxilotu dute, sexu-esplotazioa eta sexu-eraso saiakera bat egitea leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.