Sestao-Rayo Majadahonda partida bertan behera Rayoko atezainari irain arrazistak egiteagatik
Lehen Federazioko 1. multzoko Sestao River Club-Rayo Majadahonda partida bertan behera geratu da 87. minutuan, Sestao 2-1 irabazten ari zela, Cheikh Kane Sarr atezain bisitariak irain arrazistak jaso ondoren.
Sestaok Rayo Majadahondak bigarren zatian lortutako 0-1ekoa irauli eta minutu gutxira lehertu da istilua.
Iñaki Acha Rayo Majadahondako presidenteordeak Cadena Ser irrati kateko "Carrusel Deportivo" saioari egindako adierazpenetan azaldu duenez, "epaileak bertan behera utzi du partida, guk jokatzeari uko egiten diogulako".
"Tximu madarikatua" eta "beltz madarikatu zikina", Majadahondako atezainak salatzen dituen irainen artean
Acharen esanetan, "badirudi gure atezainak denbora zeramala irain arrazistak jasotzen, baina Sestaoren bigarren goletik aurrera areagotu egin dira. Talde handi samar bat zegoen ate horren atzean, eta irainka hasi zaizkio 'beltza' deituz".
Madrilgo klubeko presidenteordearen arabera, atezainari "egoerak gainezka egin dio, hesiaren bestaldera joan delako, eta hori ez zuen inoiz egin behar. Ondorioz, epaileak kanporatu egin du". Atezaina "lur-jota joan da aldagelara, taldekideak berarekin joan dira eta ez dute berriro zelaira atera nahi izan", azaldu du.
Rayoko zuzendariak argi utzi nahi izan du "Sestaorekin" gauzak "oso ondo" joan direla. "Klub honekin primeran moldatzen gara", adierazi du.
"Haiek gure esanetara egon dira une oro, eta atsekabetuta zeuden 3.000 edo 4.000 zaleren artean gutxi batzuekin arazo hori izateagatik", esan du.
"Ertzaintzaren istiluen aurkako taldeek inguruko harmaila hustu dute, atezaina erabat lur-jota zegoen, jokalariek (Rayokoak) ez dute irten nahi izan" eta "epaileak bertan behera utzi du partida, guk jokatzeari uko egin diogulako", azaldu du.
Rayo Majadahondak honakoa adierazi du bere sare sozialen bidez: "Gure taldea ez da berriro partidara itzuliko, gure jokalariari irain arrazista onartezinak egin ostean". "Kirolean era guztietako irain arrazistak gaitzesten ditugu", gaineratu du klub madrildarrak.
Sestao River Clubek irainen frogak eskatu ditu
Sestao River Clubek, bere aldetik, esan du arrazakeria ekintza oro gaitzesten duela, baina klubeko inork ez duela eraso arrazistarik ikusi edo entzun. Horregatik, frogak eskatu ditu erasoa gaitzetsi aurretik.
Sestaoko Udalak, berriz, ez du itxaron, eta adierazpen bat kaleratu du Las Llanas udal futbol zelaian izan den arrazakeria kasuaren aurrean atsekabea agertzeko.
"Sestaoko Udalak indarkeria, bazterkeria eta arrazakeria ekintza ororen aurkako jarrera berresten du. Etengabe egingo dugu lan inklusioa eta errespetua sustatzeko gure gizartearen arlo guztietan. Elkarrekin lortuko dugu kirola guztientzako eremu segurua izatea", azpimarratu du Udalak.
Ezkerraldean gertatutakoak oihartzun handia izan du, eta Vinicius Jr. Real Madrileko jokalariak ere aipatu du sare sozialetan Espainiako Estatuko futbolarentzat egun txarra izan dela, "hiru arrazakeria kasu deitoragarri" izan direlako, Sestaon Majadahondako atezainarekin eta Getafen Marcos Acuña Sevillako jokalariarekin eta Quique Sanchez Flores entrenatzailearekin gertatutakoari erreferentzia eginez.
Zure interesekoa izan daiteke
47 urteko gizon bat atxilotu dute Ermuan, anaia sastatzea egotzita
Erasoa 06:00ak aldera gertatu da, San Pelaio auzoko etxebizitza batean. 46 urteko biktima larri eraman dute ospitalera, gorputzeko hainbat lekutan zauriak baitzituen.
12 edukiontzi erre dituzte Getxoko hainbat kaletan
Areeta auzoko bost kaletan eman diete su edukiontziei, eta kalte material ugari eragin. Getxoko Udaltzaingoa pertsona susmagarri bat identifikatzeko lanean ari da.
Gizon batek alaba adingabea hil du Torreviejan
Guardia Zibila indarkeria bikarioko krimen gisa ikertzen ari da bi edo hiru urte zituen haurraren hilketa.
Preso bat hilik aurkitu dute Baionako espetxean
23 urteko gizonak bere buruaz beste egin du. Arazo psikiatrikoak zituen, eta bakarkako ziega batean zegoen preso.
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.
Gizon batek emazte ohia hil du tiroz Zaragozan
Espainiako Gobernuaren ordezkariaren esanetan, gizona emakumearen zain egon da kalean, tiroka hiltzeko.
Garazi eta Jon, maitasunarekin eta euskararekin engaiatuta
Korrikaren 387. kilometroa egin dute, Caparrosotik Valtierrara bidean, trajez eta zuriz jantzita, maitasunarekin eta euskararekin duten konpromisoa erakutsiz. Aurtengo irudi bitxietako bat utzi digu irailean ezkonduko den Zamudioko bikoteak.
Gero eta baso gehiago dugu Euskal Herrian: larreek zuhaitzei leku utzi diete
Lur Geroak baso-kudeaketa planak egin ohi ditu Nafarroako udalentzat. Izan ere, bertan mendi eta baso gehienak publikoak dira; Nafarroako udalek dute basoen % 80 ingururen jabegoa. Nafarroako araudiaren arabera, baso-kudeaketa planak finantzatzeko eskuduntza Foru Gobernuak dauka, baina udalek plan horiek onartu behar izaten dituzte eta askok herritarren parte-hartzea eskatzen dute. Aholkularitza enpresak, besteak beste, baso horiek modu sostenigarrian nola ustiatu proposatzen du; alegia, baso bakoitzetik zenbat egur atera daitekeen 10 edo 15 urtetan, basoak bolumenik galdu gabe. Horrez gainera, udalak behartuta daude mendian inbertitzera haien ustiapenetik (egurraren salmentatik edota lursailen alokairutik) jasotzen duten diruaren % 20. Inbertsio horiek nola egin ere aholkatzen du.
Pinutik eukaliptora: eraldatzen ari diren basoen erradiografia
Azken 30 urteetan, Araba, Bizkaia eta Gipuzkoako basoek hartzen duten eremuaren azalerak gora egin du. Ez da jauzi handia izan, baina bai joera-aldaketa bat. Gaur egun, zuhaiztiek EAEko zoruaren % 54,81 hartzen dute, eta presentzia gehien duen espeziea intsinis pinua da oraindik ere, nahiz eta % 17,81 atzera egin duen.
Teruelgo aireportua hegazkinez beteta dago, gerra dela eta ezin direlako Ekialde Hurbilera itzuli
Ostiralean, 10 hegazkin komertzial lurreratu dira, gehienak Qatar Airlines konpainiakoak. Teruelgo aireportua 140 hegazkinen aparkaleku izan zen pandemian.