Bost pertsona atxilotu dituzte Gasteizen emakume atzerritarrekin ezkontzak hitzartzea egotzita
Espainiako Poliziak bost pertsona, emakume bat eta lau gizon, atxilotu ditu Gasteizen, emakume atzerritarrekin ezkontzak hitzartzea leporatuta. Agenteek sare horren zazpi biktima atzeman dituzte guztira, baina ikerketa zabalik dago, eta ez da baztertzen gehiago egotea, ezta pertsona gehiago atxilotzea ere.
Espainiako Gobernuak EAEn duen Ordezkariordetzak ohar baten bidez jakinarazi duenez, iazko azaroan hasi ziren ikertzen, Gasteizen hitzartutako ezkontzak egiten ari ziren hiru pertsona zeudela jakin zutenean. Hilabete horretan bertan atxilotu zuten emakumea, sarearen ustezko burua, eta baita bi gizon ere. Otsailean atxilotu zituzten beste biak, operazioaren bigarren fasean.
Ikertzaileek egiaztatu dutenez, sareak Espainiako Estatuan modu erregularrean bizi nahi zuten emakumeak topatzen zituen Dominikar Errepublikan. Promesa faltsuen bidez, bizi kalitate hobea, lana eta diru asko irabazteko aukera eskaintzen zizkieten. Tratuagatik, baina, 10.000-15.000 euro ordaindu behar izaten zituzten biktimek.
Behin biktima aukeratuta, taldeko gizon batek herrialdera bidaiatzen zuen eta emakumearekin ezkontzen zen. Ezkontza paperak jasotakoan, sarearen ustezko buruak "familia berrelkartzeko" izapideak egiten zituen. Behin onartuta, Espainiaratu egiten zuten, eta Gasteizera eramaten zuten zuzenean, emakumearen etxebizitzara.
Orduan konturatzen ziren amarruaz. Bertan, diru gehiago eskatzen zieten, eta etxebizitzako logela batean ematen zieten ostatu, alokairua kobratuta. Etxeko beharrak egitera eta sareko buruzagiaren seme-alabak eskolara eramatera behartzen zituzten, inongo soldata edo kontraturik gabe. Gainera, biktimetako bat behintzat prostituitzera behartu zuten, zorra kitatzeko.
Honako delituak egozten dizkiete: immigrazio irregularra sustatzea, langileen eskubideen kontrako delitua, prostituitzera behartzea eta gaizkile taldeko kide izatea.
Zure interesekoa izan daiteke
Astelehen honetan hasiko da Euskadin 2026-2027 ikasturterako aurrematrikulazio epea
Otsailaren 13ra arte egongo da zabalik aurrematrikula egiteko epea. Derrigorrez egin behar dute bi urteko ikasgeletako ikasleek, baita ikastetxe batera lehen aldiz sartzen direnek edo hizkuntza-eredua aldatu nahi dutenek ere.
Gizon batek bikotekidea hil du Pontevedran eta bere buruaz beste egin du ondoren, atxilotu aurretik
Emakumearen gorpua ahizpak aurkitu du, bere etxebizitzako lurrean, eta gizona ihes egiten ikusi du. Gizona etxebizitza batean gotortu da eta Guardia Zibila berarekin negoziatzen aritu da arratsalde osoan, entregatu zedin, baina bere buruaz beste egin du azkenean.
Lau urteko haur bat oso larri Oionen, bigarren solairutik erorita
13:30 aldera gertatu da istripua, eta helikopteroz eraman dute Gurutzetako ospitalera, buruan kolpe handi bat zeukala.
Talde animalistek protestak egin dituzte Bilbon eta Iruñean, ehizaren eta ehiza-txakurren erabileraren aurka
Espainiako Estatuko 44 hiritan eta beste 41 herrialdetan izan da mobilizazioaK, Galgoaren Munduko Egunarekin bat eginez.
Diru bilketa abiatu dute Aroztegia auzian zigortutako zazpi kideei jarritako isunei aurre egiteko
Zazpi ekintzaileek ez zuten kartzela zigorrik jaso, baina 62.000 euroko isuna ordaintzera kondenatu zituzten. Isunez gain, defentsa eta gainerako gastuak ordaintzeko bilketa egingo du orain Aroztegiko Elkartasun Komiteak.
Joko areto baten aurka protesta egiteagatik auzipetutako Sopelako lau gazteen aurkako epaiketa atzeratu dute, data jarri gabe
32 urteko kartzela zigorra eta 112.400 euroko isuna eskatu dute lau sopeloztarrentzat. Auzia birritan artxibatu dute, eta akusazio partikularra da pertsonatutako akusazio bakarra. Hain justu, auzipetuei elkartasuna adierazteko manifestazioa egin zuten atzo Sopelan.
Osasun Sailak zehaztu du iraungitako txerto hexabalenteak Iztietako (Errenteria) eta Ondarretako (Donostia) osasun-zentroetan jarri zituztela
Osakidetza hasi da kaltetutako 30 pertsonak (25 haurtxo eta 5 heldu) berriro txertatzen. Iraungitako txerto tetrabalentea edo hirukoitz birikoa jaso zutenek (75 bat lagun) asteon jasoko dute gertakin zuzena.
Matrikulazioa % 5 jaitsiko dela uste du Hezkuntza Sailak, baina ikasturtean zehar heldutako ikasleekin orekatu daitekeela erantsi du
Begoña Pedrosa Hezkuntza sailburuak azaldu duenez, matrikula kopuruak % 5 inguru egin du behera, datu demografikoak kontuan hartuta egindako estimazioen arabera. Dena dela, iragarri du beherakada "matrikulazio biziak" konpentsatuko duela; izan ere, irailetik 5.400 ikaslek eman dute izena EAEko hezkuntza sisteman.
Gidari bat ikertzen ari dira istripu batetik ihes egin eta alkoholemia proba egiteari uko egiteagatik
Ertzaintzak ikertu gisa inputatu du bart Trapagaranen beste ibilgailu baten kontra istripua izan eta ihes egiten saiatu zen gidari bat, bide-segurtasunaren aurkako ustezko delitu bat egotzita. Eusko Jaurlaritzako Segurtasun Sailak jakinarazi duenez, larunbatean, 21:00ak aldera, bi ibilgailuk talka egin zuten Bizkaiko udalerri horretan, eta gidarietako bat bertan artatu behar izan zuten. Beste gidaria, onik atera zena, ihes egiten saiatu zen, baina agenteek geldiarazi egin zuten. Gizonak uko egin zion alkoholemia proba egiteari.
Hiru pertsona artatu dituzte Usurbilen, sute batean kea arnasteagatik, eta beste bat Errenterian
Usurbile, hiru pertsonak tokian bertan artatu dituzte, baina Errenterian, Donostia Ospitalera eraman behar izan dute emakume bat. Barañaingo supermerkatu batean ere sutea izan da larunbat honetan baina ez da inor zauritu.