23 urteko emakume nafar bat da Palmako ezbeharrean hildako lauretako bat
Atzo Palmako hondartzan jatetxe bat behera etorrita hil ziren lau pertsonetako bat 23 urteko emakume nafarra da —Medusa Beach Club jatetxeko langilea—, Polizia Nazionalak eta Nafarroako Gobernuak baieztatu dutenez. Nafarroan jaioa bazen ere, ez zuen sustrairik Foru Erkidegoan, eta Palman bizi zen.
Beste hiru hildakoak bi emakume eta gizon bat dira: 20 eta 30 urteko bi turista aleman eta 44 urteko bezero senegaldar bat. Azken hori, Aboulaye Diop, ezaguna zen 2017ko abenduan uretatik atera ezinik ari zen pertsona bat erreskatatu zuelako Palmako hondartzan.
Bestalde, 16 zaurituetako 11 Mallorcako hainbat ospitaletan daude, eta gainerakoek sendagiria jaso dute. Zaurituen nazionalitateari dagokionez, 16tik 14 herbeheretarrak dira.
Ezbeharra atzo 20:30 aldera gertatu zen. Medusa Beach Club jatetxeko terraza (eraikinaren lehen solairuan zegoen) sotoraino erori zen, beheko solairuko zorua ere hondoratuz.
Lekukoen arabera, lokalean bezero ugari zeuden, turista atzerritar asko tartean. Balearretan turismo sasoiaren goi denboraldia hasita dago, eta turista alemanak ohikoak dira inguru horretan.
Lehen hipotesien arabera, lehen solairuaren gehiegizko pisuak eta eraikinaren antzinatasunak eragin zuten ezbeharra. Palmako suhiltzaileen burua den Eder Garciak ostiral honetan hedabideen aurrean azaldu duenez, bi arrazoi horiek daude ezbeharraren atzean. Hala ere, Medusa Beach Clubeko terraza zergatik hondoratu zen argitzeko ikerketa zabalik dago.
Eraitsitako terraza teilatu eraberritu batean egin zuten galdetuta, Garciak esan du terraza gisa erabiltzen zela eta baimenak eta lizentziak ba ote zituen aztertu behar dela.
Polizia Nazionala ingurua ikuskatzen aritu da ostiralean, Palmako suhiltzaileek goizaldean hondakinak kentzeko lanak amaitu ondoren.
Palmako Udalak hiru dolu egun ezarri ditu. Balear Uharteetako Gobernuak, bere aldetik, dolu eguna izendatu du biharkoa.
Albiste gehiago gizartea
Euskal Selekzioak eta Palestinak lagunarteko futbol partida jokatuko dute San Mamesen azaroaren 15ean
Espainiako agintarien arabera, ez da kirol ekitaldi huts bat izango, eta Palestinan pairatzen ari diren "giza eskubideen urraketa guztiak" ikusarazteko ere baliatuko dute lagunartekoa.
Baso-sute arriskua oso handia izango da Nafarroan ostegunetik larunbatera
Aurreikuspenen arabera, arriskua nabarmen murriztuko da larunbateko azken orduan, prezipitazio-fronte bat sartuko baita.
Euskararentzat "arkitektura juridiko berria" eskatu du Kontseiluak, "langile publikoek euskararen ezagutza izatea" bermatzeko
Euskalgintzaren Kontseiluak eta Bagera Donostiako euskaltzaleen elkarteak deituta, bilkura egin dute, arratsaldean, Donostiako epaitegi batek euskararen aurka kaleratu berri duen epai bat salatzeko. Idurre Eskisabel Kontseiluko idazkari nagusiaren hitzetan, "ezinbestekoa da euskarari behar duen arkitektura juridiko berria eskaintzea", "botere judizialetik ezarritako blokeoa gainditzeko".
Palestinaren aldeko mobilizazioak egingo dituzte ostegunean Hego Euskal Herrian
Protestak eguerdian eta arratsaldean izango dira, Gasteizen, Bilbon eta Iruñean.
EHUk 247 milioi euroko egitasmoei uko egin die Israelen parte hartzea dutelako
Joxerramon Bengoetxea errektorearen hitzetan, “herri palestinarraren genozidioaren auzia lehentasuna da” EHUrentzat. Gogorarazi du 2024ko apiriletik ez dutela harremanik Palestinan egindako krimenak gaitzesten ez dituzten unibertsitate eta erakundeekin.
EHUk uko egin dio 247 milioi euroko ikerketa-proiektuetan parte hartzeari, Israelekin loturak zituztelako
Joxerramon Bengoetxea Euskal Herriko Unibertsitateko (EHU) errektoreak asteazken honetan berretsi duenez, "Palestinako herriaren genozidioaren auzia lehentasuna da gure unibertsitatean", eta aditzera eman du EHUk uko egin diela, azken hilabeteetan, 247 milioi euroko ikerkuntza-proiektuei, biomedikuntzaren edo konputazio-zientzien arloetan, proiektu horiek Israelgo estatuarekin zuten loturagatik. Agerraldian, Bengoetxeak Europako Batzordeari eta Espainiako Gobernuari eskatu die Israelgo unibertsitateak, ikerketa-zentroak eta erakundeak bazter utz ditzatela ikerketa elkarlanak, akademikoak edo kulturalak laguntzeko europar funtsetatik.
Labar pinturak dituen historiaurreko aztarnategi bat aurkitu dute Gamiz-Fikan
Bizkaiko Foru Aldundiak jakinarazi duenez, Juan Carlos Lopez Quintanak eta Juan Carlos Izagirrek aurkitu zuten, Atxispeko San Pedro ermitaren ingurunea berreskuratzeko interbentzio programa baten baitan, 2025eko ekainaren 26an. Haitzuloa ikertu duten adituen arabera, eremu kantauriarrean dokumentatutako lehen hipogeo mistoa da.
Pertsona bat hil da Tafallan furgoneta baten eta uzta biltzeko makina baten artean izandako istripuan
Polizia-iturriek jakitera eman dutenez, istripua 09:00etan gertatu da, NA-132 errepidean, Tafalla parean, eta hildako pertsona furgonetan zihoana da.
San Mamesera sartzeko inguruak jarraitzaile zuri-gorriz bete dira, Txapeldunen Ligako hitzorduan
Zuri-gorriek Arsenalen aurka neurtuko dituzte indarrak astearte honetan, Txapeldunen Ligako 1. jardunaldiko neurketan. Athleticeko milaka zale bildu dira gaur arratsaldean partida honetan, taldea animatzeko helburuarekin.
Osakidetzak 10.000 haurtxo immunizatuko ditu bronkiolitis akutuaren aurka
Hasieran, katarroaren antzeko sintomak agertzen dira, hala nola mukiak, eztula edo sukarra, baina egun batzuen buruan beste sintoma batzuk ager daitezke, adibidez, arnasa hartzeko zailtasunak, txistuak edo nekea, eta neke horrek esnea hartzean eragiten die haurtxoei.