EAEko Auzitegi Nagusiaren arabera, posible da seme edo alaba bat herentziarik gabe uztea
Euskal Autonomia Erkidegoko Auzitegi Nagusiak berriki emandako epai baten arabera, posible da seme edo alaba bat herentziarik gabe uztea. Zehazki, Bergarako (Gipuzkoa) alargun baten testamentuaren kasua aztertuta hartu du erabakia. Bost seme-alaba zituen, eta 2016ko irailean hil zen. Horietako lauri senipartea ukatu zien (herentziaren herena), eta alaba bakarra izendatu zuen oinordeko.
Gauzak horrela, emakume horren lau semek ez dute haren senipartea lortzeko eskubiderik, urte horretara arte indarrean zegoen Kode Zibila betez amak horretara behartuta egon baitzen. Epaiak zehazten duenez, ezin da aurkako errekurtsorik jarri.
Oinordekoa 2018an joan zen notariotzara, eta amaren etxebizitza baten jabe bakar esleitu zen. Anaietako bik helegitea jarri zuten auzitegietan, eta demanda aztertu zuten Durangoko Lehen Auzialdiko 1 zenbakiko Epaitegiak eta Bizkaiko Auzitegiko Hirugarren Sekzioak. Biek eman zieten arrazoia anaiei.
Alabaina, Euskal Autonomia Erkidegoko Auzitegi Nagusiak onartu egin du oinordekoaren kasazio-errekurtsoa, eta atzera bota du eskritura baliogabetzea eskatzen zuten anai-arreben demanda. Epaiaren arabera, testamentuaren inguruabarrak, seniparteen kasuan, Euskal Zuzenbide Zibilari buruzko Legearen "argitan" aztertu behar dira, lege hori kausatzailea hil zenean indarrean baitzegoen, eta ez Kode Zibilaren arabera, 2015ean Euskal Auzotasun Zibilari buruzko Legeak ordezkatu baitzuen.
"Ondorioztatu behar dugu testamentugilearen nahia bere seme-alaba gehienak baztertzea zela, hori posible izan balitz, edo, behintzat, ondorio hori kontrakoa baino askoz ere zentzuzkoagoa dela; izan ere, legeak behartzen zion gutxienekoa utzi zien, eta, gainera, haren herentzia dirurik gabe uzten saiatu zen, gutxieneko hori ere jaso ez zezaten", nabarmendu du Euskal Autonomia Erkidegoko Auzitegi Nagusiak.
Zure interesekoa izan daiteke
Albiste izango da: Korrikaren hasiera, Ekialde Hurbileko azken ordua eta Europako Kontseiluaren bilera
Gaurkoan Orainen albiste izango direnen laburpena, bi hitzetan.
Atharratzetik Bilbora, Korrikak euskararen paisaia guztiak zeharkatuko ditu
Euskararen aldeko ekimenak hizkuntzaren errealitate guztiak zeharkatuko ditu 11 egunez eta 10 gauez. 2.175 kilometro inguru egingo ditu Korrikak eta 460 herritatik igaroko da. ETB On plataformak etenik gabe eskainiko du ibilbidea, eguneko 24 orduetan.
ELAk berretsi du CCOOko kide batzuek euskaldunen kontrako hizkuntza eskubideen aurkako kanpaina abiatu dutela
ELAk babes osoa adierazi dio AEKri, Korrikaren antolatzaileari, eta CCOOko zuzendaritza lasterketatik baztertzeko erabakia babestu du. ELA sindikatuak “euskararen aurka antolatutako kanpaina” baten parte izatea leporatu dio CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzeko erabakia hartu izana.
CCOO Korrikatik kanpo geratu da AEK-k lekukoa ez eramateko erabakia hartu ostean, "euskararen aurkako jarrerak sustatzeagatik"
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.
% 77,8ra igo da Euskadi plurala izan dadin nahi duten herritarren kopurua
Ikuspegiren azken txostenaren arabera, herritarren % 24,2k adierazi dute azken urtean diskriminazio-egoeraren baten lekuko izan direla eta % 14,6k diskriminazio motaren bat jasan dutela aitortu dute, lanpostu edo alokairu bila izan direnean batez ere. Kolektibo diskriminatuenak ijitoak eta migratzaileak dira, inkestaren arabera.
Medikuek grebaldian jarraitzen dute, estatutu propioaren alde
EAEko medikuak aste honetan bigarrenez kalera irten dira Osasun Ministerioak adostutako estatutu orokorraren aurka. Medikuek lan baldintzak negozioatzeko ahalmena izatea eskatzen diote Osasun Ministerioari. Gutxieneko zerbitzuak ostiralera arte ezarriko dira, medikuen eskubideak aldarrikatzeko.
Ane Elordi: “Ez dugu bateragarri ikusten CCOOren jardunbidea eta 'Euskara gara' aterkipean egingo dugun Korrikan parte hartzea”
Euskadi Irratiko "Faktoria" irratsaioan egindako elkarrizketan Ane Elordi Korrikaren koordinatzaileak adierazi duenez, Errenteriako Lan Deialdi Publikoan gertatu dena "mugarria" izan da Korrikako antolatzaileen ustez. Hortaz, sindikatuko kideekin egindako bileran, azaldu zieten ez zutela bateragarri ikusten haien jardunbidea eta 24. Korrikan parte hartzea.
'Aita Mari' Italiako Vibo Valentiako portura iritsi da, erreskatatutako 32 migratzailerekin
Aita Mari ontzia astearte honetan iritsi da Italiako Vibo Valentiako portura, erreskatatutako 32 migratzailerekin. Mediterraneo erdialdeko uretan topatu zuten ontzia igandean, jendez gainezka, "oso baldintza eskasetan". Erreskatatutako lagunen artean bederatzi adingabe eta haurdun dagoen emakume bat daude.
Zabalik dago AP-8 autobidea, Iurreta parean, istripu baten ondorioz itxita egon ondotik
Kamioi bat irauli da gaur goizean AP-8an, Iurreta parean eta Donostiarako noranzkoan. Istripuaren ondorioz, bi errei itxi dituzte.