Bi urte eta erdiko kartzela-zigorra Alviako makinistarentzat eta Adifeko goi-kargudun ohi batentzat
Santiago de Compostelako Zigor-arloko 2 zenbakiko Epaitegiak bi urte eta sei hilabeteko kartzela-zigorra ezarri die Francisco Garzoni, Angroiseko bihurgunean 2013ko uztailean errailetatik atera zen Alvia treneko makinistari, eta garai hartan Adifeko Zirkulazioaren Segurtasuneko zuzendari zen Andres Cortabitarteri.
Galiziako Justizia Auzitegi Nagusiak ostiral honetan emandako epaiaren arabera, 79 homizidio delitu eta 143 lesio deliturengatik zigortu dituzte, zuhurtziagabekeria larria egotzita.
Gainera, lau urte eta erdiz euren lanbideetan aritzeko gaitasungabetu dituzte. Azkenik, biktimei 25 milioi euroko kalte-ordaina ematera kondenatu ditu eta erantzunkizun zibila ezarri die QBE eta Allianz Global erakundeei (Renfe Operadora eta Adifen aseguru-etxeak, hurrenez hurren).
María Elena Fernandez Curras magistratuak errailetatik irtetearen arrazoitzat jo du segurtasun-sistema batekin zirkulatzeko arriskua arintzeko neurririk ez hartzea. Epaian azaltzen denez, neurri faltak "erantzukizun guztia gidariaren esku uzten zuen", eta gidariak "deskuidua" izan zuen Antonio Martin Marugan ontziko kontu-hartzailearen deia jaso zuenean.
Istripuaren biktimek 11 urte eman dituzte justizia eske, eta "pozik" agertu dira Cortabitarte kondenatu duen epaiarekin. Horien ustez, "saldu nahi ziguten egia ofiziala bertan behera erori da, alegia, makinista zela erantzule bakarra. Hemen zabarkeria asko zegoen Adifen aldetik; haiek sinatu zuten segurtasuna murriztu zuen proiektu-aldaketa". Europak "arrazoia" ematen ziela gogorarazi dute, eta epaia emateko orduan "independentea eta ausarta" izatea eskertu diote Fernandez epaileari.
Adifeko iturriek adierazi dute ez dutela epaiaren notifikazio formalik jaso, eta, jasotzen dutenean, "oinarri juridikoak eta epaia ongi aztertuko" dituztela, "errekurtsoa jartzeko asmoz".
Makinistaren abokatuak ere epaiaren aurkako helegitea aurkezteko asmoa agertu du, ez zaiolako "zuzena iruditzen bien kondena parekatzea". Horren ustez, epailea "ez da ausartu" bere defendatuari zigor txikiagoa jartzen, nahiz eta "epaiaren garapena ikusita argi eta garbi ematen duen hala beharko lukeela".
Istripua 2013ko uztailaren 24an gertatu zen. Trena errailetatik atera zen A Grandeirako bihurgunean, Santiagoko Angrois auzoan, geltokitik hiru kilometrora. 80 pertsona hil ziren, andoaindar bat eta gasteiztar bat tartean, eta 143 zauritu ziren. Epaiketa 2022an izan zen, eta makinista eta Adifeko zuzendari ohia eseri ziren aulkian.
Zure interesekoa izan daiteke
47 urteko gizon bat atxilotu dute Ermuan, anaia sastatzea egotzita
Erasoa 06:00ak aldera gertatu da, San Pelaio auzoko etxebizitza batean. 46 urteko biktima larri eraman dute ospitalera, gorputzeko hainbat lekutan zauriak baitzituen.
12 edukiontzi erre dituzte Getxoko hainbat kaletan
Areeta auzoko bost kaletan eman diete su edukiontziei, eta kalte material ugari eragin. Getxoko Udaltzaingoa pertsona susmagarri bat identifikatzeko lanean ari da.
Gizon batek alaba adingabea hil du Torreviejan
Guardia Zibila indarkeria bikarioko krimen gisa ikertzen ari da bi edo hiru urte zituen haurraren hilketa.
Preso bat hilik aurkitu dute Baionako espetxean
23 urteko gizonak bere buruaz beste egin du. Arazo psikiatrikoak zituen, eta bakarkako ziega batean zegoen preso.
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.
Gizon batek emazte ohia hil du tiroz Zaragozan
Espainiako Gobernuaren ordezkariaren esanetan, gizona emakumearen zain egon da kalean, tiroka hiltzeko.
Garazi eta Jon, maitasunarekin eta euskararekin engaiatuta
Korrikaren 387. kilometroa egin dute, Caparrosotik Valtierrara bidean, trajez eta zuriz jantzita, maitasunarekin eta euskararekin duten konpromisoa erakutsiz. Aurtengo irudi bitxietako bat utzi digu irailean ezkonduko den Zamudioko bikoteak.
Gero eta baso gehiago dugu Euskal Herrian: larreek zuhaitzei leku utzi diete
Lur Geroak baso-kudeaketa planak egin ohi ditu Nafarroako udalentzat. Izan ere, bertan mendi eta baso gehienak publikoak dira; Nafarroako udalek dute basoen % 80 ingururen jabegoa. Nafarroako araudiaren arabera, baso-kudeaketa planak finantzatzeko eskuduntza Foru Gobernuak dauka, baina udalek plan horiek onartu behar izaten dituzte eta askok herritarren parte-hartzea eskatzen dute. Aholkularitza enpresak, besteak beste, baso horiek modu sostenigarrian nola ustiatu proposatzen du; alegia, baso bakoitzetik zenbat egur atera daitekeen 10 edo 15 urtetan, basoak bolumenik galdu gabe. Horrez gainera, udalak behartuta daude mendian inbertitzera haien ustiapenetik (egurraren salmentatik edota lursailen alokairutik) jasotzen duten diruaren % 20. Inbertsio horiek nola egin ere aholkatzen du.
Pinutik eukaliptora: eraldatzen ari diren basoen erradiografia
Azken 30 urteetan, Araba, Bizkaia eta Gipuzkoako basoek hartzen duten eremuaren azalerak gora egin du. Ez da jauzi handia izan, baina bai joera-aldaketa bat. Gaur egun, zuhaiztiek EAEko zoruaren % 54,81 hartzen dute, eta presentzia gehien duen espeziea intsinis pinua da oraindik ere, nahiz eta % 17,81 atzera egin duen.
Teruelgo aireportua hegazkinez beteta dago, gerra dela eta ezin direlako Ekialde Hurbilera itzuli
Ostiralean, 10 hegazkin komertzial lurreratu dira, gehienak Qatar Airlines konpainiakoak. Teruelgo aireportua 140 hegazkinen aparkaleku izan zen pandemian.