Aldaketa klimatikoak beroarekin lotura duten heriotzak hirukoiztuko ditu Europan hemendik eta 2100. urtera
Beroak eragindako heriotzak hirukoiztu egin daitezke Europan hemendik eta 2100. urtera, egungo politika klimatikoekin, batez ere hegoaldeko eremuetako biztanleen artean, 'The Lancet Public Health' aldizkarian argitaratutako ikerketa baten arabera.
Ikerketa horren ondorioek agerian uzten dute beharrezkoa dela politikak indartzea berotze globala mugatzeko eta, horrela, biztanleak tenperaturen igoeraren ondorioetatik babesteko.
Oro har, 3º C-ko berotze globalarekin (egungo politika klimatikoetan oinarritutako estimazio maximoa), Europan, beroarekin lotutako heriotzen kopurua 43.729tik 128.809ra igo daiteke mende amaieran.
Hiru graduko berotze horrekin, tenperaturarekin lotutako heriotzak ehuneko 13,5 igoko direla aurreikusten da, eta horrek 55.000 heriotza gehiago eragingo ditu urtero, beroak eragindako heriotzen igoerak bultzatuta. Heriotza gehienak 85 urtetik gorakoen artean gertatuko dira.
Era berean, hotzari egotzitako heriotzak (gaur egun beroak eragindakoak baino askoz gehiago dira) handiak izaten jarraituko lukete 2100. urtean: 363.809tik 333.703ra igaroko lirateke, jaitsiera txiki batekin.
Azterlanaren arabera, tenperatura beroek eta hotzek 407.538 heriotza eragiten dituzte urtean Europan, eta horietatik 363.809 hotzarekin daukate lotura, eta beste 43.729 beroarekin.
Zure interesekoa izan daiteke
Lehen aldiz ikusi dute ibis eremita hegaztia Nafarroan
"Giselbert 916" izena duen hegazti-alea bere espezieko lehena da eskualdean, eta Eremita Proiektuari esker dokumentatutako migrazio-ibilbide baten barruan kokatzen da.
Euskal Herriko saharar diasporak bere gaitzespena adierazi du Marokoko autonomia planaren aurrean
Euskal Herriko saharar diasporak elkarretaratzea egin du gaur Gasteizen, Mendebaldeko Sahararen autonomia plana gaitzetsi, eta Marokoren subiranotasunaren pean jarriko lukeen plana errefusatzeko. Sahararren hitzetan, Espainiako Estatua da "gure lurra abandonatu behar izatearen erantzulea", eta, hori dela eta, Espainiako Gobernuari exijitu diote autonomia plana publikoki baztertzeko, independentzia erreferenduma bat egin ahal izateko.
Argentina euskal giroan murgildu da: 2025eko Euskal Aste Nazionala hartu du Tandilek
Hiria Argentinako euskal diasporaren topagune bihurtu da. Dantza, herri kirol eta kalejira artean, mila lagun baino gehiago bildu dira euskal kultura aldarrikatzeko.
AP-8ko sarbidea bost gauez itxiko dute Zarautzen, ordainlekuetan lanak egiteko
Mozketak astelehenetik ostiralera egingo dira, 22:00etatik 06:00etara.
Ertzaintzak dagoeneko identifikatu eta salatu du Zumarragan kontrol batetik ihes egin duen gidaria
Ikerketak lehen emaitzak eman ditu, agenteek 48 urteko gizonezkoa identifikatzea lortu baitute. Dena den, ez dute oraindik aurkitu, ezta atxilotu ere.
Hegoaldeko haizearekin eta 20 gradu inguruko tenperaturekin hasiko da astea
Asteazkenera arte, behintzat, ez da aldaketa handirik espero. Eguzkia eta udaberriko tenperatutak izango dira jaun eta jabe Euskal Herri osoan.
Zerbitzua etengo dute Bizkaia Zubian astelehenetik hilaren 22ra, ontziaren kableak aldatzeko
Zerbitzuak funtzionatzen ez duen bitartean, itsasadarra zeharkatzen duen txalupa-zerbitzua indartu egingo da, eta bi ontzi aldi berean ibiliko dira 06:00etatik 22:00etara, astelehenetik ostiralera.
"Niño Juan" askatu dute, ostiralean Madrilen bahitu ostean
Juan Maria Gordillo Plaza bizirik agertu da Madrilen, jipoia jaso izanaren zantzuak zituela.
Gizon bat atxilotu dute Sarrigurenen bere bikotekidearen alabari sexu-erasoa egitea egotzita
Eguesibarreko Udaltzaingoak atxilotu du ustezko erasotzailea.
"Niño Juan" bahitu dute Madrilen, 10 ertzain zauritu zituen lapur talde baten burua
Poliziaren esanetan, kontu-garbitze bat medio bahitu dute "Niño Juan", nahiz eta ez duten baztertu beste arrazoi batzuk ere egotea. Iaz, Garbera merkataritza-gunean lapur talde batek egindako lapurretaren buru izan zen bera.