Jaizkibelek konpainia gisa hartuko du parte lehen aldiz Hondarribiko Alardean
Ia hiru hamarkadatan zehar borrokan aritu ondoren, Jaizkibelek konpainia gisa desfilatu ahal izango du irailaren 8an Hondarribian egingo den Alardean, Igor Enparan alkateak baimena eman baitie. Horrela, Udalak Jaizkibel onartu du Alardean, 1680an foru miliziek frantsesen aurka lortutako garaipena gogora ekartzen duen eszenaratzean, ateratzen diren konpainietako bat bezala.
Orain arte, Jaurlaritzako Segurtasun Sailari manifestazio gisa irteteko baimena eskatuta atera ahal izan dira Hondarribiko kaleetara. Urte hauetan, hainbat aldiz eskatu izan diote baimena Udalari konpainia gisa irteteko, Jaizkibel konpainiako Izaskun Larruskainek EITB Taldeko irratiei adierazi dienez, baina batzuetan ez dute erantzunik jaso eta beste batzuetan beste kale batzuetatik desfilatzeko baimena jaso dute. Hori horrela, azken urteetan ez dute egun horretarako baimenik eskatu Udalean, eta manifestazio gisa atera izan dira.
Inflexio puntua iaz etorri zen, udal hauteskundeen ondoren. Abotsanitz plataformak hartu zuen EAJren erreleboa, eta alkateak baimena eskatzeko gomendioa egin zien. Horrez gainera, Guadalupen egiten den elizkizunean lekua gorde zien, beste konpainiei bezala. Hala ere, "ez ginen ausartu", aitortu du Larruskainek: entseguetarako baimena Udalean eskatu zuten, baina Alarde egunerako eskaera Segurtasun Sailean egin zuten.
Hainbat elkarrizketaren ondoren, ordea, aurten pauso bat aurrera egin, eta baimena eskatu dute. Udalak onartu egin du, eta konpainia gisa atera ahal izango dira.
Erabaki "historiko eta sinbolikoa" dela adierazi du Jaizkibeleko ordezkariak. "Historikoa da lehen aldiz herriak onartu egin duelako Jaizkibel eta bere lekuan jarri duelako", esan du. Aldiz, "sinbolikoa" ere badela uste du, "ez dugulako gure helburua lortu: gure helburua ez da konpainia bat gehiago izatea; hori ere bai, baina Alarde parekide baten barruan. Oraindik lanean jarraitu behar dugu".
Hori horrela, Larruskainek ez du uste kanpotik begiratuta aldaketa handirik nabarituko denik aurreko urteekin alderatuta, ez dira Alarde baztertzailearekin batera aterako. Jaizkibelek bazuen "konpainia baten egitura", eta honek, batik bat, "aldaketa administratiboa" dakar, azaldu du.
Hurrengo ostiralean elkartuko dira taldeko kideak berrikuntzen berri eman eta aurrera begira hartu beharreko erabakiak hartzeko.
Konpainia inklusiboa
Pertsona guztiek dutela desfilean parte hartu eta jaiez gozatzeko aukera defendatzen du Jaizkibelek. "Konpainia inklusibo" gisa, Nahia Salaberria izango dute aurten kantinera, batetik bestera gurpildun aulki batean ibiltzen den emakumea.
Albiste gehiago gizartea
Euskal Selekzioak eta Palestinak lagunarteko futbol partida jokatuko dute San Mamesen azaroaren 15ean
Espainiako agintarien arabera, ez da kirol ekitaldi huts bat izango, eta Palestinan pairatzen ari diren "giza eskubideen urraketa guztiak" ikusarazteko ere baliatuko dute lagunartekoa.
Baso-sute arriskua oso handia izango da Nafarroan ostegunetik larunbatera
Aurreikuspenen arabera, arriskua nabarmen murriztuko da larunbateko azken orduan, prezipitazio-fronte bat sartuko baita.
Euskararentzat "arkitektura juridiko berria" eskatu du Kontseiluak, "langile publikoek euskararen ezagutza izatea" bermatzeko
Euskalgintzaren Kontseiluak eta Bagera Donostiako euskaltzaleen elkarteak deituta, bilkura egin dute, arratsaldean, Donostiako epaitegi batek euskararen aurka kaleratu berri duen epai bat salatzeko. Idurre Eskisabel Kontseiluko idazkari nagusiaren hitzetan, "ezinbestekoa da euskarari behar duen arkitektura juridiko berria eskaintzea", "botere judizialetik ezarritako blokeoa gainditzeko".
Palestinaren aldeko mobilizazioak egingo dituzte ostegunean Hego Euskal Herrian
Protestak eguerdian eta arratsaldean izango dira, Gasteizen, Bilbon eta Iruñean.
EHUk 247 milioi euroko egitasmoei uko egin die Israelen parte hartzea dutelako
Joxerramon Bengoetxea errektorearen hitzetan, “herri palestinarraren genozidioaren auzia lehentasuna da” EHUrentzat. Gogorarazi du 2024ko apiriletik ez dutela harremanik Palestinan egindako krimenak gaitzesten ez dituzten unibertsitate eta erakundeekin.
EHUk uko egin dio 247 milioi euroko ikerketa-proiektuetan parte hartzeari, Israelekin loturak zituztelako
Joxerramon Bengoetxea Euskal Herriko Unibertsitateko (EHU) errektoreak asteazken honetan berretsi duenez, "Palestinako herriaren genozidioaren auzia lehentasuna da gure unibertsitatean", eta aditzera eman du EHUk uko egin diela, azken hilabeteetan, 247 milioi euroko ikerkuntza-proiektuei, biomedikuntzaren edo konputazio-zientzien arloetan, proiektu horiek Israelgo estatuarekin zuten loturagatik. Agerraldian, Bengoetxeak Europako Batzordeari eta Espainiako Gobernuari eskatu die Israelgo unibertsitateak, ikerketa-zentroak eta erakundeak bazter utz ditzatela ikerketa elkarlanak, akademikoak edo kulturalak laguntzeko europar funtsetatik.
Labar pinturak dituen historiaurreko aztarnategi bat aurkitu dute Gamiz-Fikan
Bizkaiko Foru Aldundiak jakinarazi duenez, Juan Carlos Lopez Quintanak eta Juan Carlos Izagirrek aurkitu zuten, Atxispeko San Pedro ermitaren ingurunea berreskuratzeko interbentzio programa baten baitan, 2025eko ekainaren 26an. Haitzuloa ikertu duten adituen arabera, eremu kantauriarrean dokumentatutako lehen hipogeo mistoa da.
Pertsona bat hil da Tafallan furgoneta baten eta uzta biltzeko makina baten artean izandako istripuan
Polizia-iturriek jakitera eman dutenez, istripua 09:00etan gertatu da, NA-132 errepidean, Tafalla parean, eta hildako pertsona furgonetan zihoana da.
San Mamesera sartzeko inguruak jarraitzaile zuri-gorriz bete dira, Txapeldunen Ligako hitzorduan
Zuri-gorriek Arsenalen aurka neurtuko dituzte indarrak astearte honetan, Txapeldunen Ligako 1. jardunaldiko neurketan. Athleticeko milaka zale bildu dira gaur arratsaldean partida honetan, taldea animatzeko helburuarekin.
Osakidetzak 10.000 haurtxo immunizatuko ditu bronkiolitis akutuaren aurka
Hasieran, katarroaren antzeko sintomak agertzen dira, hala nola mukiak, eztula edo sukarra, baina egun batzuen buruan beste sintoma batzuk ager daitezke, adibidez, arnasa hartzeko zailtasunak, txistuak edo nekea, eta neke horrek esnea hartzean eragiten die haurtxoei.