Antzar Eguna Lekeition, ehundik gora parte-hartzailerekin
Antzar Eguna ospatuko gaur, Lekeition, irailaren 1etik 8ra bitartean egiten dituzten San Antolin jaietako egun handia.
104 txalupak parte hartuko dute eguneko lehiaketan, antzara artifizial bati helduta ahalik eta jasoaldi gehien lortzeko borrokan. 84 kuadrilla lekeitiarrak eta eskualdeko udalerrietakoak izango dira, eta beste 20 urrutiagokoak.
Parte-hartzaileak ahalik eta altxaldi gehien egiten saiatuko dira, soka bati lotutako gomazko antzara bati gogor helduta.
Jai-giroa 10:00etatik aurrera hasi da pizten herriko karriketan, udal bandaren kalejirarekin, baina lehiaketa ez da 16:00ak arte hasiko. Altxaldiak 19:00etarako amaitzea aurreikusten du Udalak. Helburua da hiru orduan ahalik eta txalupa gehienek parte hartzea.
Aurtengo antzara pisutsuagoa izango da, eta lepo laburragoa izango du. Gomazko modalitateak tradizionalki erabilitako benetako animalia ordezkatu du: hasiera batean, bizirik, eta azken hamarkadetan, hilda.
Antzar jokoaren ostean, kukañaren txanda iritsiko da, edonork parte hartzeko moduko jolasa. Eta, gauean, Trikizio erromeria, DJ Gurru eta DJ Ibon Insausti arituko dira.
Jendetza espero denez, Udalak herriko erdigunea itxiko du ibilgailuentzat, goizean goizetik.
Lekeitioko Antzar Eguna, gaur, ETB1en eta eitb.eus atarian, zuzenean
Euskal Herriko jairik ezagunenetako bat da Lekeitioko Antzar Eguna, eta EITB Mediak zuzenean eskainiko du emankizuna. Ez galdu, gaur arratsaldean, 15:45etik aurrera, ETB1en eta eitb.eus atarian.
Albiste gehiago gizartea
Jaialdiak amaiera borobila eman dio Boisen, sei egun zirraragarriren ostean
Ekitaldiak zortzigarren edizioa itxi du, 1987an sortu zenetik izandako arrakastatsuenetako eta jendetsuenetako bat bezala.
Palestinarekin Elkartasuna plataformak euskal hiriburuetako jaietan mobilizatzeko deia egin du
Plataformak "hipokrisia" leporatu die gobernuei eta hedabideei, eta manifestazioak deitu ditu Gasteizen (abuztuaren 6an), Donostian (abuztuaren 10ean), Bilbon (abuztuaren 15ean) eta manifestazio nazionala Iruñean (urriaren 4an).
Bilboko kale-saltzaileen aurkako sarekadak areagotu direla salatu dute
Udaltzainenganako errespetua eskatu du Bilboko Udalak. Manteroek diote euren egoera legeztatzea ezinbestekoa da bestelako lanetarako aukera izateko. Sarekadak salatzeko protesta deitu du biharko Bizkaiko Manteroen Elkarteak.
Bi atxilotu Gasteizen, gizon bati indarkeriaz lapurtzea leporatuta
04:15 aldera jazo da lapurreta, hiriburuko parke baten inguruan. 31 eta 29 urteko atxilotuak epailearen esku utziko dituzte, beharrezko izapideak amaitutakoan.
Atxilotu bat Ordizian kokaina, 10.000 euro eta kontrabandoko tabakoa zeramala
Gidaria atxilotu dute substantzia estupefazienteen trafikoko ustezko delitua egotzita, eta deklaratu gabeko tabakoa edukitzeagatik.
Tigre-eltxoaren kontrako fumigazio lanak egin dituzte bart Hendaian
Lapurdin chikungunya gaitzaren lehen kasua agertu ondoren egin dituzte desinfekzio lanak, Hendaiako igerilekutik, tren geltokiraino. 22:00etatik 07:00ak arte kaleak erabat itxita egon dira, eta bizilagunek agintarien aginduak errespetatu behar izan dituzte. Herritarrak kezkatuta agertu dira, ez dakitelako zer-nolako eragina izan dezakeen erabilitako produktuak haien egunerokotasunean. Fumigazioaz arduratutako enpresak dio erabilitako produktua ez dela kaltegarria, eta tigre-eltxoen % 80 bat hiltzea lortzen dutela.
20.000 sinadura, txosnak Euskal Herriko ondare inmaterial izendatzeko
Bizkaiko, Gipuzkoako eta Arabako txosnen batzordeek adierazi dute jaigune horiek "arriskuan" daudela, eta ondare inmaterial izendatzeko eskaera sinatzen eta zabaltzen jarraitzeko deia egin dute.
Zeledonek prest ditu aterkia eta ardo-zahatoa, kanpandorretik jaitsi eta Andre Maria Zuriaren jaiei hasiera emateko
Zuzeneko musikak, kalejirek, ekintza herrikoiek eta familia guztientzako proposamenek beteko dituzte Gasteizko kaleak abuztuaren 4tik 9ra, sei eguneko jai giroan.
Karabela portugaldarrak topatu dituzte Bakioko hondartzan beste egun batez uda honetan
Goizean, marmokak ikusi dituzte Bizkaiko zazpi hondartzatan, eta, atzo arratsaldean, Zurriolako hondartzan bainua hartzea debekatu behar izan zuten, karabela portugaldarrek eragindako "ziztada ugari" zenbatu baitzituzten, horietako batzuk nahiko larriak.
Auroroek Gasteizko Alde Zaharrean barrena abestu dute, Andre Maria Zuriaren jaietarako deia eginez
Igande honetan izandako Arrosarioaren Prozesioak milaka gasteiztar bildu ditu, Andre Maria Zuriaren horma-hobiaren aurrean hasita eta San Migel elizan egindako meza batekin bukatuta.