Errenteria, etxebizitza eremu tentsionatu izendatu duten EAEko lehen udalerria
Errenteriak bizitegi-merkatuko eremu tentsionatu izendapena jaso du eta EAEn erremu tentsionatu izendapena jaso duen lehendabiziko udalerria da. "Mugarri" bat izango da, eta bidea irekiko die eremu tentsionatu gisa identifikatzeko baldintzak betetzen dituzten udalerriei.
Denis Itxaso Eusko Jaurlaritzako Etxebizitza sailburuak eta Aizpea Otaegi Errenteriako alkateak gaur goizean eskaini duten prentsaurrekoan egikaritu da deklarazioa. Biak ala biek uste dute etxebizitzaren arazoari ikuspegi integral batetik eta erakundeen arteko lankidetzatik erantzun behar zaiola.
Itxaso pozik mintzatu da gaur emandako pausoarekin, eta izendapena etiketa bat baino zerbait gehiago dela nabarmendu du. Azaldu duenez, udalerriari aitortzen zaio etxebizitza krisi betean dagoela, hots, eskaria eskaintza baino askoz handiagoa dela.
Otaegik, bere aldetik, azpimarra jarri nahi izan du izendapenak udalerriari eskainiko dizkion tresnetan, baina etxebizitzaren arazoari ikuspegi integral batetik erantzun behar zaiola gaineratu du. Ildo horretan, eremu tentsionatu izendatzeko bidea hartzera gonbidatu ditu Donostialdeko beste udalerriak, etxebizitzaren arazoak mugarik ez duelako eta gehiago badira eragin handiagoa izango duelako.
Errenteriako Udalak otsailean egin zion eskaria Eusko Jaurlaritzari, eta geroztik bi administrazioek dokumentazioa lantzen jardun dute hura egikaritzeko. Nolanahi ere, datorren urteko urtarrilera arte ez da sartuko indarrean neurria, orduan emango baitio, aurreikuspenen arabera, baiezkoa Espainiako Gobernuak.
Errenteriaren diagnostikoak jasotzen duenez, alokairuko etxebizitzarik "ia ez dago" herrian, eta hilean 950 eurotik gorako eskaintzak egiten dira. Erregistratutako salerosketen batez besteko prezioa 200.000 eurotik gorakoa da, eta metro koadroaren batez besteko prezioa 3.000 eurotik gorakoa izan zen 2023ko lehen hiruhilekoan.
Horrez gainera, dokumentuak adierazten du udalerriko biztanleen batez besteko errenta "Donostialdekoa eta Gipuzkoakoa baino askoz ere txikiagoa" dela, eta etxebizitza babestuaren eskatzaile gisa izena emanda dauden familien % 75 alokairu-erregimenean daudela erregistratuta. Horien artean, gainera, "zati handi batek" diru-sarrera maila txikiak ditu eta alokairuko etxebizitza bat eskatzen du.
Memoriak dio errenta eta etxeko oinarrizko gastuak ordaintzeko ahalegin ekonomikoa % 33koa dela herrian (Etxebizitzari buruzko Estatuko Legean eremu tentsionatu izendatzeko irizpide gisa ezarritako % 30aren gainetik).
Zer esan nahi du?
Udalerri bat etxebizitza eremu tentsionatu izendatzeak esan nahi du kontratua amaitzen zaien errentariek gehienez urtebeteko hiru luzapen egin ahal izango dituztela, indarrean dagoen kontratuaren baldintza berberetan. Errentari berrientzat, alokairuaren prezioa aurretik etxebizitza alokatu zutenen errentara mugatzen da, urteroko eguneratze-klausula batekin. Aurreko bost urteetan etxebizitza hutsik egon bada, prezioak etorkizuneko erreferentzia-prezioen indizeei erreparatu beharko die; sistema hori Euskadirako Etxebizitza eta Hiri Agenda Ministerioak ezarri beharko du, eta edukitzaile handiek (eremu tentsionatuan hamar etxe edo gehiagoren jabeek) ere hori bete beharko dute.
Neurri horiekin batera, udalerriak ekintza-plana jarri beharko du abian. Administrazioen arteko edo administrazioaren eta sektore pribatuaren arteko lankidetzaren bidez eta hutsik dauden etxeak mobilizatuz, laguntza espezifikoak ezarri beharko ditu, edo alokairu- eta salmenta-prezioak murrizteko finantzaketa-neurriak ere ezarri ahalko ditu.
Beste udalerriak
Euskal Etxebizitzako Behatokiak egindako diagnostikoaren arabera, eremu tentsionatu gisa identifika daitezkeen 43 udalerri daude EAEn, Etxebizitza Eskubidearen aldeko Estatuko Legeak ezarritako baldintzak betetzen dituztelako.
Denis Itxasok gaurko agerraldian azaldu duenez, Etxebizitza Saila lanean ari da Zumaia, Galdakao eta Lasarte-Oria ere etxebizitza eremu tentsionatu izendatzeko. Halaber, iragarri du hilabete amaierarako espero dituztela Donostiako eta Irungo Udalen eskaerak.
Zure interesekoa izan daiteke
Blusa eta nesken kalejiraren ibilbidea moldatzea proposatu du Gasteizeko Udalak, segurtasun arrazoiengatik
Andre Mari Zuriaren plazan hasi eta bukatuko den ibilbide zirkularra jarri du mahai gainean Udalak. Orain, kuadrillek hilabeteko epea dute proposamena aztertu eta ekarpenak egiteko.
Adituek ongi ikusten dute 16 urtetik beherakoei sare sozialak debekatzea
Psikologo eta pedagogoentzat erreferentziazko adin bat izatea onuragarria da, nahiz eta argi duten ez dela erraza izango debekua betetzea. Kalean, berriz, denetariko iritziak daude, baina askorentzat debekuak ez du arazoa konponduko.
Iraungitako txertoa jaso zuten 23 pertsonari txerto hexabalentea jarri diete berriro
Alberto Martinez Osasun sailburuak azaldu duenez, iraungitako txerto hexabalentea 29 pertsona gehiagori jarri ote zitzaien ikertzen ari dira, baina erregistroan egindako akatsak izan daitezkeela aurreratu du. Dena den, txertoen intzidentzia "bideratuta" dagoela eta orain gertaturikoa argitzea falta dela adierazi du.
Hiru pertsona atxilotu dituzte Obanosen, horietako bat larri zaurituta, etxebizitza batean izandako leherketa batean
Lehen hipotesien arabera, hiru atxilotuak leherketa eragin duen osagairen bat manipulatzen ari ziren.
Espainiako Gobernuak sare sozialetan sartzea debekatuko die 16 urtetik beherakoei
Pedro Sanchezek iragarri du Espainiak sare sozialen zuzendariak erantzule egingo dituela legez kanpoko eta gorrotozko edukiengatik.
Goiz gorabeheratsua Kataluniako Rodaliesen, zirkulazioa bi bider eten da eta
Lehen mozketa 07:10 eta 07:15 artean gertatu da; bigarrena, berriz, 08:08 eta 08:19 artean. Renfek adierazi duenez, trenak normaltasunez dabiltza dagoeneko.
38 urteko gizon bat hil da Bergaran, auto batek harrapatuta
Ezbeharra 07:15ean gertatu da, Ibarra kalean.
Auto-ilarak Bilbon, hainbat ibilgailuk istripua izan baitute Zorrotza parean
Hiru ibilgailuk talka egin dute eta ondorioz erreietako bat itxi dute. Hori dela eta, lau kilometrorainoko auto-ilarak sortu dira.
Albiste izango dira: iraungitako txertoak, San Blas eguna eta EEEa Tubos Reunidosen
Gaurkoan Orain-en albiste izango direnen laburpena, bi hitzetan.
Zaldi-probek beteko dute idi-proben lekua Abadiñoko San Blas egunean
Erroskilla eta eztarria babesteko lokarriekin batera, idi-probek leku berezia izan ohi dute sanblasetan, baina, aurtengoan, egitarauan moldaketak egin behar izan ditu Udalak, dermatosiaren ondorioz.