Herri-epaimahaiak erruduntzat jo du Aintzane Pujana hiltzeagatik auzipetutako bikotea
Herri-epaimahaiak erruduntzat jo du 32 urteko Aintzane Pujana hiltzeagatik auzipetutako bikotea. Epaimahaikideek frogatutzat jo dute gertatutakoa.
Gizonezkoaren kasuan, epaimahaiak egiaztatutzat jo du, halaber, biktima prostituitzera behartu eta legez kanpo atxiki zuela. Hori dela eta, Fiskaltzak espetxealdi iraunkor berrikusgarriaren eskaerari eutsi dio.
Bost emakumek eta sei gizonek osatzen dute epaimahaia, eta gaur arratsaldean eman du jakitera erabakia, Jone Unanue epaileak asteartean kaleratutako epaian jasotako puntu guztiak aho batez bozkatu ondoren.
Akusatuak hilketaren egiletzat jo dituzte. Fiskalak, lehen aldiz, espetxealdi iraunkor berrikusgarria eskatu zuen Gipuzkoan, baina, azkenean, emakumeari ezartzekoa zen zigorra atzera bota zuen, gaixotasun mentala du eta. Hamar urteko espetxe-zigorra eskatu zuen, zentro psikiatriko batean erregimen itxian 20 urte baino gutxiago, eta tratamendu psikiatrikoko eta zaintzapeko askatasuneko hamar gehiago.
Emandako berediktuan, epaimahaiak frogatutzat jo du bi akusatuek "elkarrekin" kudeatzen zutela Pujanaren esplotazioa, haren borondatearen aurka prostituitzera behartzen baitzuten. Gainera, epaimahaiak adierazi du biek bridak jarri zizkiotela biktimari. Emakumeak labankada eman zion gizonaren aginduei jarraituz, eta biktimak ezin izan zuen bere burua defendatu, kontsumitutako alkoholaren eraginez.
Bestalde, epaimahaiak uste du ez dagoela ez txosten psikiatrikorik, ezta lekukotasunik ere emakumea gizonarekiko "beldur gaindiezinaren" biktima izan zela frogatzen duenik, egin zuena egitera bultzatzeko modukoa; baina bai "drogen etengabeko kontsumoak" pairatzen duen patologia mentala larriagotzen zuela.
Berediktua ezagutu ondoren, Jorge Bermudez fiskalak eutsi egin dio zigor-eskaerari; gizonaren defentsak, berriz, absoluzioa eskatu du, baita emakumearenak ere —Pujana gizonaren aginduei jarraituz hil zuelako eta hark bera hiltzeko beldur zelako— , bai eta nahasmendu psikikoaren eta aitorpenaren aringarria aplikatzea ere, komisarian gertatutakoa Ertzaintzari azaltzeagatik.
Gainera, emakumearen abokatuak behin-behineko espetxealdia amaitzea eskatu du, baina fiskalak epaileak epaia eman arte kartzelaldiari eustea eskatu du, "ihes egiteko arrisku handia" dagoela iritzita, eta bi auzipetuentzat "zigor handia ezartzeko aukera soilik" ez, "erabakitasuna" dagoelako.
Hedabideei egindako adierazpenetan, Jorge Bermudez fiskala pozik agertu da epaimahaia "bikain" aritu delako "lanean eta berediktoaren motibazioan", eta, bere ustez, erabaki "oso sendoa" da.
Zure interesekoa izan daiteke
Minbizia ez da borroka bat, ez da gerra bat
Minbizia borroka gisa definitzen da askotan, hizkera belikoa erabiltzen da, eta borroka hori irabazteko ardura pazienteari ematen zaio. Gaixoaren jarreran eta borondatean egiten da azpimarra, baina, hainbat ikerketa psikologikoren arabera, pentsamendu hori ez da batere egokia eta gaixotasuna gainditzea zaildu ere egiten du.
Herritarrak etxetik ateratzen hasi dira Grazaleman, azken orduotako uholdeak direla eta
Grazalema udalerriko (Cadiz) Ribera de Gaidovar inguruko bizilagunak etxetik ateratzen ari dira. Fresnillo presatik oso gertu bizi dira, eta ur-maila oso altua da han. Azken orduotan, metro koadroko 478 litro ur pilatu dira. "Alerta gorena" ezarri dute.
Telegrameko sortzaileak Sanchezen aurka egin du, sare sozialen plana dela eta: "Kontrolerako urratsak dira"
Mezua igorri die Estatu Espainiarreko erabiltzaileei, ohartaraziz Pedro Sanchezek atzo iragarritako neurriek "zaintzapeko estatu" bihur dezaketela Espainia, "babesaren aitzakian".
Arratiako Koruak 75 urte bete ditu santa eskean
1951n sortu zen, Artea eta Areatzan zeuden abesbatza bana batu zirenean, eta ordutik ez du inoiz hutsik egin otsailaren 4an. Bizkaiko hainbat herritan abestu ondoren, hiriburuan aritzen dira kantuan, azken urteetan bezala, Caritas elkartearentzat dirua biltzen.
Mouliaak Errejonen aurkako salaketa erretiratu du "osasun arrazoiengatik", baina ez du akusazioetan atzera egin
Herri-akusazioak bere horretan jarraitzen du "biktimaren eskubideak" babesteko. Bestalde, diputatu ohiak aktorearen kontrako kereilarekin jarraituko du.
Bideo bat zabaldu dute Iker Aranari foam bala batekin tiro egiteagatik ikertutako ertzainaren bertsioa gezurtatzeko
Justizia Aranarentzat plataformak bideo bat argitaratu du, ertzaintzaren abokatuak auzia artxibatzea eskatu ondoren. Iker Arana gazteak salaketa jarri zuen barrabil bat galtzeagatik Bilboko Etxarri Gaztetxea utzarazteko operazioan ertzainek tiro egin ostean.
Osasunbideako langile bati zortzi urteko espetxe zigorra ezarri diote, alabaren eta biloben datu klinikoak baimenik gabe ikusteagatik
Ama-alaben arteko harremanak hautsita zeuden aspalditik, eta emakumea bere lanbideaz baliatzen zen konfidentzialak diren datuak ikusteko, delitu dena. Altsasuko osasun zentroan administrari laguntzaile zela 1.300 aldiz baino gehiagotan sartu zen senitartekoen datu klinikoak ikustera.
Amaia, bularreko minbizia duen pazientea: "Orain hemen nago, baina oso gogorra izan da eta indarra erakusten saiatu naiz"
Urtero 16.000 minbizi-kasu berri diagnostikatzen dira Euskadin, baina biziraupena % 57tik gorakoa da. Bularreko minbizia edo prostatakoa dira gehien gainditzen direnak. Amaia kasu horietako bat da. 31 urterekin diagnostikatu zioten bularreko minbizia.
Nafarroako Gobernuak esan du "protokoloaren arabera" jokatu duela tutoretzapeko zentro batean adingabe bati ustez egindako sexu-erasoaren inguruan
Javier Remirez bozeramaileak "agente, komunikabide eta alderdi politiko guztiei erantzukizuna" eskatu die, "adingabeen babesgabetasun-egoerak sortzen dituzten informazio zehazgabeei bide ez emateko". Ildo horretan, "eskuin muturrak" egoera aprobetxatu nahi duela gaitzetsi du, "adingabe jakin batzuk jatorriaren edo nazionalitatearen arabera estigmatizatzen dituen diskurtso faltsu bat markatzeko".
Adina egiaztatzea, adingabeak sare sozialetan sartzea eragozteko oztopo nagusia
Aurpegiaren azterketa biometrikoak, kreditu-txartelaren zenbakiak edo NANak ez dute konbentzitzen, datu sentikorrak babesteko arriskuagatik. Gakoa da adina egiaztatzeko sistemak aurkitzea, baina behar bezalako anonimotasunarekin.