Bengoetxea, EHUren norabidea aldatu nahi duen errektorea
Joxerramon Bengoetxea (Irun, 1963) izango da Euskal Herriko Unibertsitatearen lemazain berria, atzo errektore izateko hauteskundeak aise irabazita. Zuzenbidearen Teoriako irakaslea da EHUn eta katedrarako aitortza du; ikerketan lau seiurteko ditu pilatuta, eta irakaskuntzan, sei bosturteko.
Filosofia eta Zuzenbidea ikasi zituen EHUn, eta Edinburgoko Unibertsitatean doktoratu zen, Neil MacCormicken zuzendaritzapean. Bere tesitik ateratako The Legal Reasoning of the European Court of Justice liburua 1993an publikatu zuen Oxfordeko Unibertsitateak.
Mundu osoko dozenaka ikerketatan hartu du parte, ia denak zuzenbidearen filosofiarekin lotutakoak. Hala, elkarrizketa judizialak, epaileen soziologia, zuzenbidearen argumentazioa edota logika juridikoa izan ditu aztergai. Orotara, gaiokin zerikusia izan duten hamaika doktore tesi zuzendu ditu, eta berrehundik gora artikulu publikatu ere bai, sona handiko aldizkarietan: ingelesez, frantsesez, euskaraz eta gaztelaniaz zabaldu ditu bere lanak. Bost libururen egilea ere bada.
Bere ibilbide akademiko oparoagatik, Honoris Causa doktore izendatu zuen Helsinkiko Unibertsitateak 2023an, eta Euskal Herrian ere, hainbat aitortza jaso ditu: 2010ean Eusko Ikaskuntza saria jaso zuen, eta 2021ean, Jesus Maria Leizaola saria.
Irakasle eta ikertzaile gisa ibilbide emankorra izateaz gain, politikan ere arrastoa utzitakoa da irundarra; Lan eta Gizarte Segurantza sailburuordea izan zen 1998 eta 2001 artean, —Sabin Intxaurraga (EA) zen sailburua—, Jose Antonio Ardanza eta Juan Jose Ibarretxe lehendakarien gobernu banatan. Europako Justizia Auzitegi Nagusiko letratua ere izandakoa da.
Errektore izateko hauteskunde kanpainan, EHU eraldatzea agindu du, eta horretarako, besteak beste, gobernantza horizontalagoa eta lan egiteko beste modu bat abian jartzeko konpromisoa agertu du, "behekoei" entzungo diela hitz emanez. Bere lehentasunen artean kokatu ditu unibertsitateko kolektibo guztien baldintzak hobetzea, ikerketa bultzatzea eta euskara erdigunean jartzea. "Unibertsitatea eraldatu, bere noraeza zuzendu eta denon artean adostutako norabideari jarraitzea, bikaintasunean lora dadin", esan zuen.
Hamar emakumek eta sei gizonezkok osatzen dute bere lantaldea: Leire Garmendia izango da idazkari nagusia, eta errektoreorde, berriz, Estitxu Garai (Bizkaia), Ixone Fernandez de Labastida (Araba) eta Juana Goizueta (Gipuzkoa).
Zure interesekoa izan daiteke
Liztor asiatikoa, espezie inbaditzaile eta kezkagarria
Bi aste eskasetan hiru pertsona hil dira Galizan liztor asiatikoaren ziztadez. Horrek espezie inbaditzaile honekiko kezka areagotu egin du Euskal Herrian ere. Zer egin beharko genuke liztor asiatikoaren habia ikusten badugu? Oier Alberdi liztor beltzaren tratatzaileak zenbait aholku eman ditu gai konplexu honen aurrean.
Taldean egindako eraso faxista eta LGTBIfobiko bat salatu dute Gorraitzeko jaietan
Berhezi Berdintasun Kontsultorioak azaldu duenez, taldeak ikur frankistak eta falangistak zeramatzan. Bestalde, Kontsultorioak Eguesibko Udalaren isiltasuna kritikatu du, irailean gertatutako erasoaren aurrean.
Motor-gidari bat hil da Lemoizen gertatutako trafiko-istripu batean
Istripua gertatu den BI-3152 errepidea itxita dago, eta Ertzaintzak izapideak ireki ditu arrazoiak argitzeko.
Sarrigurenen atxilotutako gizona espetxeratu dute, adingabe bati sexu-erasoa egiteagatik
Fiskaltzak behin-behineko espetxeratzea eskatu du, komunikatua eta fidantzarik gabea, 16 urteko adingabe bati penetrazioarekin egindako sexu-eraso (bortxaketa) delitu batengatik.
Hizkuntza Ofizialen Kontseilu berria eratu da, "forma eta funtsa" aldatuta
Osaera berria izango du, eta berritasun nagusienetako da kontseilura batuko direla autonomia erkidegoetako hizkuntza politiketako ordezkariak.
Lagun bat ospitaleratu dute Gasteizen, patinetea lehertu eta kea arnasteagatik
Ibilgailuak lokal baten barruan egin zuen eztanda, eta jabeek bateria bertatik atera eta su-itzalgailu batekin busti zuten, suhiltzaileak iritsi aurretik.
Gizon bat atxilotu dute bikotekide ohia hiltzea leporatuta, Huelvan
47 urteko emakumezko biktimaren lankideek horren gorpua aurkitu zuten, indarkeria zantzuekin, lan egiten zuen eta bizi zen nekazaritza-lursailean bertan. Emakumearen alabak joan den astean Guardia Zibilari jakinarazi zionez, atxilotuak ama mehatxatu egin zuen, beste pertsona batekin ezkonduko zela iragarri ondoren.
Gabonetako trena, gaueko lasterketa eta mahai-futbol txapelketa: Bilboko metroak 30 urte bete ditu, eta ospatzen dabil
Bilboko metroak hiru hamarkada beteko ditu aurten, eta kontzertuak, zozketak eta dekorazio bereziak egingo ditu, baita Gabonetako trena, futbolin-txapelketa eta Underrun gaueko lasterketa ere.
Emakume bat San Ignazioko metro geltokian erditu da, Bilbon
Emakumea, senarrarekin batera, Lutxanako geltokian zegoen, eta zenbait bidaiarik ohartarazi dute urak egin dituela, eta, bagoirik bagoira, mediku bila aritu dira.
Bernedoko kanpalekuak antolatzen dituen elkartearen aurkako zehapen-espedientea abiatu du Arabako Aldundiak
Sarrea Euskal Udaleku Elkartearen aurkako zehapen-espedientea ireki du Aldundiak, araudiaren "bi betebehar ez betetzea" leporatuta: eskumena duen departamentuari jardueraren berri ez ematea eta eskatutako dokumentazioa Aldundiari ez helaraztea. Orain arte, 21 salaketa aurkeztu dituzte udaleku horietan parte hartu zuten adingabeen familiek, sexu-erasoak eta exhibizionismoa egitea egotzita.