Ertzaintzaren esku jarraitzen du Gasteizko zahar-etxe batean emakume bat hiltzea egotzita atxilotutako gizonak
Gasteizko zahar-etxe batean 94 urteko emakume egoiliar bat hil duelakoan atxilotutako 68 urteko gizonak Ertzaintzaren esku jarraitzen du, epailearen aurrera noiz eramango zain. Bien bitartean, Ertzaintzak gertaturikoa ikertzen jarraitzen du.
Ikerketako iturrien arabera, —gizona Gasteizko IMQ Igurco Araba egoitzako erabiltzailea da biktima den bezala— ustezko hiltzaileari 25 urteko kartzela-zigorra ezarri zioten duela 27 urte, aita hiltzeagatik. Iturri horiexen arabera, atxilotuak nahasmendu psikiatrikoak ditu.
Hilketa atzo goizaldean gertatu zen aipaturiko Arabako hiriburuko zahar-etxean. 04:00ak aldera, Gasteizko IMQ Igurco Araba egoitzatik Ertzaintzari deitu zioten; erabiltzaile batek beste egoiliar bati eraso egin ziolako eta zauri larriak eragin zizkiolako.
Bertaratutako patruilek egiaztatu ahal izan zutenez, biktimak (emakume bat) zauriak zituen aurpegian, odola zeriela, eta, antza denez, objektu zorrotz batekin eragindakoak, arkatz batekin, esaterako.
Anbulantzia bateko osasun langileek emakumea artatu zuten, eta Txagorritxuko ospitalera eraman zuten, baina bertan hil zen.
Gertaturikoaren berri izan orduko, agenteek erasotzailea bilatzeari ekin zioten. Azkenik, egoitzako aldagela batean aurkitu zuten, ezkutatuta, eta atxilotu egin zuten, hilketa delitua leporatuta.
Ertzaintzak ikerketa abiatu du adinekoen zentroan gertatutakoa argitzeko, eta, hasiera batean, hilketa bat izan dela dirudi.
IMQ-Igurco egoitzak azaldu du ez dela aurretik inolako gertakaririk izan emakumearen eta ustezko hiltzailearen artean, eta adierazi du ikerketa polizial eta judizialetan ahal beste laguntza ematen ari dela, gertatutakoa argitzeko.
Ohar baten bidez, zentroak deitoratu egin du gertatutakoa, eta "atsekabe eta tristura handia" agertu du.
Hildako egoiliarraren familiari doluminak eta erabateko babesa helarazi dizkio, eta gainerako egoiliarrei jakinarazpen bat bidali die, zentroko arduradunak haien esanetara daudela jakinarazteko.
Egoitzak "normaltasun osoz" funtzionatzen du, eta senideen, egoiliarren eta langileen eskura jarri du laguntza emozionalerako zerbitzu bat, profesional espezializatuekin.
Zure interesekoa izan daiteke
Gipuzkoako hainbat garajetan eta trastelekutan ustez lapurretak egin dituen gaizkile talde bat desegin dute
Batez ere, Goierri inguruan egin dituzte lapurretak. Ertzaintzak dei egin die lapurreta horien biktima izan diren herritarrei, Beasaingo komisariara joan daitezen, euren objektuak han dauden egiaztatzera.
Ia 30 graduko tenperaturarekin, uda itxura hartu du Pazko Astelehenak
Ezohiko itxura hartu du Pazko Astelehenak. Eguraldi beroak, hondartzak eta kaleak jendez gainezka utzi ditu. Hotelen betetze-maila % 80-90 ingurukoa izan da Aste Santuan.
Gasteizek lotura zuzena izango du Kanaria Handiarekin ekainaren 15etik irailaren amaiera arte
VIA sozietatearen esleipena lortu ondoren, Binter airelineak astelehen eta ostegunetan jardungo du Forondan. Ibilbide horri esker, Kanarietako artxipelagoko beste aireportuekin lotura egin ahal izango da, bai eta Portugalgo eta Afrika mendebaldeko beste aireportu batzuekin ere.
Hiru pertsona zauritu dira Berangon, lau autok elkar jo ostean
Zauritutako lagunak Gurutzetako ospitalera eraman dituzte, eta auto-ilarak sortu dira istripua gertatu den lekuan. 14:00etarako, baina, bere onera itzuli da zirkulazioa.
Gizon bat atxilotu dute Berrizen emaztea labankadaz larri zauritzeagatik
Gertatutakoa salatzeko, Berrizko Mugimendu Feministak manifestazio zaratatsua deitu du biharko, arratsaldeko 18:30ean, Udaletxe paretik abiatuta.
Aske geratu dira Gasteizen adingabe bat sastatzea leporatuta atxilotutako zazpi gazteak
Asteburuan epailearen aurretik igaro ostean, guztiak utzi dituzte libre, azken biak igandean, Segurtasun Sailak jakinarazi duenez.
Eusko Jaurlaritzak 'Ttipi Ttapa' gida aurkeztu du, oinez egitea osasun eta kohesio sozialerako tresna bihurtzeko
Osasun Sailak udalerrien eskura jarri du jarduera fisikoa eta harreman sozialak sustatzeko gida praktikoa. Ekimenak ongizate fisiko eta emozionala hobetzea eta komunitateak indartzea du helburu.
Trafiko gorabeherak gaur Bilbon, Itzulia Basque Country lasterketa dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
?fmt=webp-alpha&qlt=80)
Picassoren margolan bat, 100 euroren truke: Alzheimerraren ikerketa finantzatzeko ekimena
Tête de femme (1941) Pablo Picassoren lan original honen zozketa apirilaren 14an egingo da, Parisen, eta oraindik milaka partaidetza daude saltzeko. Ekimen solidario honek mundu osoko parte-hartzaileak erakarri ditu.
Epailearen esku utzi dituzte Gasteizen adingabe bat sastatzea leporatuta atxilotutako zazpi gazteak
Ostegunean jazo zen erasoa, 18:30 aldera, bost gizonek adin txikikoa sastatu eta ibilgailu batean ihes egin zutenean. Atxilotuek 19 eta 21 urte bitartean dituzte, baina ikerketak zabalik jarraitzen du.