Epailearen jarrera, Mouliaaren deklarazioan: "Ez da ulertzen aurrera jarraitzea eta ezer ez esatea"
Joan zen ostegunean, urtarrilaren 16an, izan ziren epaitegian Iñigo Errejon Sumar alderdiaren diputatu eta bozeramaile ohia eta Elisa Mouliaa sexu-erasoagatik haren aurka salaketa jarri zuen aktorea. Astelehen honetan deklarazioaren bideo bat filtratu da hedabideetara eta Adolfo Carretero epaileak aktoreari egindako galderek haserrea eragin dute.
Carretero magistratuak sarritan jarri zuen zalantzan Mouliaak 2021eko irailean gertatu zenari buruz emandako bertsioa, mota honetako iruzkinekin: "musu bat ez ezik, ukituak ere egin zizkizun. Ez da ulertzekoa gizon horrekin jarraitzea eta ezer ez esatea".
Horrez gainera, deklarazioan zehar egin zizkion galderek ere salatzaileak esandakoa zalantzan jarri zuten. Besteak beste, honelakoei erantzun zien salatzaileak: "Publikoarekin ohituta zaude, ez al zinen gai izan esateko baldintzak ez zirela onargarriak?" edota "esan al zenion gelditzeko?"
Elisa Mouliaak "ohi baino askoz mozkorrago" zegoela gau hartan adierazi zuen deklarazioa eman zuenean eta epaileak salaketan datu hori ez ematea aurpegiratu zion: "Salaketan ez zenuen hori zehaztu. Seguru oso mozkortuta zeundela?"
Halaber, epaileak modu zorrotzean galdetu zion salaketa jartzeko behar izan zuen denboragatik (gertaerak izan eta hiru urtera salatu zuen). Aktoreak "beldurragatik" izan zela erantzun zion, "alaba bat dudalako". Une horretan, epaileak beste galdera batekin jarraitu zuen: "Ez al zen izan zuk zerbait nahi zenuela eta, ezezkoa eman zizunez, salaketa jarri duzula? Barre egin zizulako?"
Ana Redondo Berdintasun ministroak Carretero epaileak Elisa Mouliaarekin izandako jarrera gaitzetsi du X sare sozialean. Galdeketa mota horrek "emakumeak berriz biktimizatzen" dituela eta "salaketatik eta babesetik urruntzen" dituela baieztatu du.
Osteguneko saioan, Sumarren diputatu ohiak ukatu egin zuen salaketa horrengatik dimisioa eman izana; indar politikoan jarraitzeak zekarren "inkoherentzia" ikusita egin zuela azaldu zuen. Mouliaak, ostera, esan zuen diputatu ohiak "hotz" jokatu zuela eta salaketa jartzeko denbora behar izan zuela. "Nik hanka egin nuelako gelditu zen", argitu zuen.
Zure interesekoa izan daiteke
21 urteko gizonezko bat atxilotu dute Gasteizen bikotekideari eraso egitea eta telefono mugikorra kentzeagatik
Gertakariak joan den larunbatean jazo ziren, 08:30 inguruan.
Asteburu honetan egingo dute udazkeneko bilketa handia elikagaien bankuek
Beharra duten familiei laguntzeko, elikagaiez eta bestelako hainbat produktuz biltegiak betetzea dute helburu elikagaien bankuek. Aurten, dohaintzez gainera, lanerako boluntarioak ere eskatu dituzte.
Liztor asiatikoa, espezie inbaditzaile eta kezkagarria
Bi aste eskasetan hiru pertsona hil dira Galizan liztor asiatikoaren ziztadez. Horrek espezie inbaditzaile honekiko kezka areagotu egin du Euskal Herrian ere. Zer egin beharko genuke liztor asiatikoaren habia ikusten badugu? Oier Alberdi liztor beltzaren tratatzaileak zenbait aholku eman ditu gai konplexu honen aurrean.
Taldean egindako eraso faxista eta LGTBIfobiko bat salatu dute Gorraitzeko jaietan
Berhezi Berdintasun Kontsultorioak azaldu duenez, taldeak ikur frankistak eta falangistak zeramatzan. Bestalde, Kontsultorioak Eguesibko Udalaren isiltasuna kritikatu du, irailean gertatutako erasoaren aurrean.
Motor-gidari bat hil da Lemoizen gertatutako trafiko-istripu batean
Istripua gertatu den BI-3152 errepidea itxita dago, eta Ertzaintzak izapideak ireki ditu arrazoiak argitzeko.
Sarrigurenen atxilotutako gizona espetxeratu dute, adingabe bati sexu-erasoa egiteagatik
Fiskaltzak behin-behineko espetxeratzea eskatu du, komunikatua eta fidantzarik gabea, 16 urteko adingabe bati penetrazioarekin egindako sexu-eraso (bortxaketa) delitu batengatik.
Hizkuntza Ofizialen Kontseilu berria eratu da, "forma eta funtsa" aldatuta
Osaera berria izango du, eta berritasun nagusienetako da kontseilura batuko direla autonomia erkidegoetako hizkuntza politiketako ordezkariak.
Lagun bat ospitaleratu dute Gasteizen, patinetea lehertu eta kea arnasteagatik
Ibilgailuak lokal baten barruan egin zuen eztanda, eta jabeek bateria bertatik atera eta su-itzalgailu batekin busti zuten, suhiltzaileak iritsi aurretik.
Gizon bat atxilotu dute bikotekide ohia hiltzea leporatuta, Huelvan
47 urteko emakumezko biktimaren lankideek horren gorpua aurkitu zuten, indarkeria zantzuekin, lan egiten zuen eta bizi zen nekazaritza-lursailean bertan. Emakumearen alabak joan den astean Guardia Zibilari jakinarazi zionez, atxilotuak ama mehatxatu egin zuen, beste pertsona batekin ezkonduko zela iragarri ondoren.
Gabonetako trena, gaueko lasterketa eta mahai-futbol txapelketa: Bilboko metroak 30 urte bete ditu, eta ospatzen dabil
Bilboko metroak hiru hamarkada beteko ditu aurten, eta kontzertuak, zozketak eta dekorazio bereziak egingo ditu, baita Gabonetako trena, futbolin-txapelketa eta Underrun gaueko lasterketa ere.