Brainlab laborategia sortu dute, Alboko Esklerosi Amiotrofikoa, parkinsona edo esklerosi anizkoitza ikertzeko
Gurutzetako Ospitalean (Barakaldo) dagoen Biobizkaia Osasun Ikerketa Institutuak nerbio sistemaren gaixotasunak ikertzeko zentro berri bat izango du aurrerantzean: Brainlab laborategia. Eritasun horien artean daude, besteak beste, Alboko Esklerosi Amiotrofikoa (AEA), parkinsona edo esklerosi anizkoitza.
Laborategia, lankidetza publiko eta pribatuaren arteko ekimena (Jaurlaritza eta BBK Fundazioa), gaur inauguratu dute Alberto Martinez Osasun sailburuak, Xabier Sagredo BBK-ko presidenteak eta Pazienteen Erakundeen Plataformako (POP) eta DaleCandELA elkarteko arduradunek.
Bertan azaldu dutenez, laborategiaren helburua da "ikerketak sustatzea ezagutzaren mugan, nerbio-sistemako gaixotasunetarako soluzioak bilatuz, gaixotasun neurodegeneratiboetan eta bizitza luzatzeak planteatzen dizkigun erronketan oinarrituta, eta pazienteei aplikatzeko prozesua bizkortzeko helburuarekin".
Osasun sailburuaren hitzetan, laborategia gaixoen ekimenera dago zabalik. Hartara, euren beharretan oinarritutako ikerketa jarduera bultzatuta, bertan lortutako emaitzak praktika klinikora azkar eramatea bilatuko dute. Ingurumari horretan, Pazienteen Erakundeen Plataformaren eta, proiektuaren behin betiko bultzatzaile gisa, DalecandELAren zeregina nabarmendu ditu.
Biobizkaia Osasun Ikerketa Institutuak 400 ikerketa-proiektutan parte hartzen du, gaixotasun neurodegeneratiboetan 120 saiakuntza kliniko baino gehiago eginez.
Zure interesekoa izan daiteke
Athleticeko presidenteak jazarpena eta mehatxuak salatu ditu
Jon Uriartek Ertzaintzaren aurrean salatu duenez, futbolarekin lotutako gazte erradikalak bere etxeko atarian sartu dira eta mezu iraingarriak utzi dizkiote.
Luzaiden dantzan, Korrikaren lekukoa eskuan!
Arnegitik Luzaiderako bidean, Luzaideko Bolantak taldeak dantzan hartu du Korrikaren lekukoa. 126. kilometroan izan da, 04:00ak aldera. Azken urteotako tradizioari eutsiz, dantzan jarri dira lekukoa hartu dutenean.
Jendetza bildu du Korrikak Maulen
Lurraldeko eta hiriburuko hainbat elkarte eta herriko etxe ikusi ditugu parte-hartzen, hala nola, Sohütako pastorala, UEU, Palestinaren aldeko elkartea, Pitxu gaztetxea, Xiberoko Botza eta beste hainbat. Handik Nafarroa Beherea alderako bidea hartu du. Gaueko 22:00 pasata sartuko da lurralde hartan Aiherratik.
Pertsona bat erietxera eraman behar izan dute Baionan gertatu den sute baten ondorioz
Sua 14:15ak inguruan piztu da garra Baiona Tipiko Kupelgileak karrikako eraikin batean. Suhiltzaileek eraikina hustu dute bertaratu orduko. Hirugarren solairuan zegoen gizonezko bat larrialdi zerbitzuen laguntzarekin atera behar izan dute eta Baionako erietxera eraman dute kea arnastuta. Garrak itzali badituzte ere, auzo guztiko elektrizitatea eta gasa moztu dituzte, prebentzio neurri gisa. Eraikinak kalte ugari izan ditu eta bere egoera hurrengo orduetan aztertu beharko da. Bizilagunek gaua etxetik kanpora igaroko dute.
Atharratzetik abiatu da 24. Korrika, festa giroan, pizkundearen akuilu izatea xede
Ibilbide osoa zuzenean ikusteko aukera dago ETB ON plataforman, EITBren telebista plataforma digital berrian. Euskararen lekukoa martxan da jada, eta Atharratzetik abiatu den oihuak Euskal Herri osoa zeharkatuko du beste behin. Bilbon amaituko da, martxoaren 29an, igandez.
Euskal jatorriko 114.400 pertsona atzerrian bizi dira, duela urtebete baino % 5,5 gehiago
Gehienak Amerikan bizi dira, Argentinan zehazki, INEk urtero argitaratzen duen Atzerrian bizi diren espainiarren erroldaren (AEE) arabera.
32 urteko emakumezko bat zauritu da Iruñean, ibilgailu batek harrapatuta
Ezbeharra 07:32an gertatu da, Arrosadia auzoan. Emakumeak kolpe ugari jasan ditu, hortaz, Iruñeko Unibertsitate Ospitalera eraman dute, pronostiko erreserbatuarekin.
Trafikoa bere onera itzuli da A-8an Irun parean, baina auto-ilara txikiak oraindik daude Kantabriarako noranzkoan, Abanton
Zubiaren hasieran trafiko-eragozpenak izan dira A-8 autobidean.
Furgoneta-gidari bat zauritu da A-1 errepidean, Asparrenan, errepidetik atera eta bazter-babesaren aurka talka eginda
Istripua ostegun honetako 08:45ean jazo da. Zauritutako gidaria ospitalera eraman dute.
Albiste izango da: Korrikaren hasiera, Ekialde Hurbileko azken ordua eta Europako Kontseiluaren bilera
Gaurkoan Orainen albiste izango direnen laburpena, bi hitzetan.