10.800 euroko isuna Rubialesi sexu erasoa egiteagatik, Jennifer Hermosori baimenik gabe musu eman baitzion
Auzitegi Nazionalak 18 hilabetez isuna (10.800 euro inguru) ordaintzea ezarri dio Luis Rubiales Espainiako Futbol Federazioaren (RFEF) presidente ohiari, Jennifer Hermoso futbolariari emandako musuagatik.
Epaian, Jose Manuel Fernandez-Prieto magistratuak debekatu egin dio Rubialesi Hermosorengana 200 metroko erradioan hurbiltzea eta urtebetez harekin komunikatzea. Gogoratu behar da Fiskaltzak 2 urte eta 6 hilabeteko espetxe-zigorra eskatu zuela, sexu-eraso eta hertsapen delituengatik.
Epaileak "sinesgarritasun osoa" eman dio Jenni Hermosoren kontakizunari, 2023ko Munduko Txapelketako finalaren ostean Luis Rubialesek eman zion musua ustekabekoa eta baimenik gabekoa izan zela ondorioztatuta, eta jokabide horren "konnotazio sexuala" baieztatu du.
Auzitegi Nazionaleko Zigor Epaitegi Zentralak hartutako erabakiaren arabera, sexu-erasoa beti "gaitzesgarria" den arren, kasu honetan eraso "arinen" artean kokatu du, indarkeriarik edo larderiarik ez dagoelako eta "biktimak bere borondatea baliogabetuta" ez duelako.
Dagoeneko Rubialesek iragarri du "borrokan" jarraitu eta helegitea aurkeztuko duela. Auzitegi Nazionaleko zigor-arloko aretoaren aurrean helegitea jar diezaioke Zigor Epaitegi Zentralaren epaiari. Zigor Epaitegi Zentrala bost urteko kartzela-zigorra gainditzen ez duten delituak epaitzeaz arduratzen da.
Gainera, Albert Luque Espainiako Selekzioaren zuzendari ohia, Jorge Vilda emakumezkoen taldearen hautatzaile ohia eta Ruben Rivera Federazioaren marketin arduradun ohia absolbitzea erabaki du. Ministerio Publikoak urtebete eta 6 hilabeteko kartzela-zigorra eskatu zuen, derrigortze-delitua egiteagatik.
Ahozko saioa otsailaren 3an hasi zen, eta bederatzi saiotan zehar luzatu zen. Rubialesek eta Hermosok berak deklaratu zuten, besteak beste, musu emateko baimenik eman zion ala ez eztabaidatzeko, 2023an Sidneyko emakumezkoen Munduko Futbol Txapelketa irabazi eta gero egin zen domina-banaketan.
Epaiketa Auzitegi Nazionalaren historiako mediatikoenetako bat izan da, eta magistratuak entzun zuen akusatuek ez zutela onartzen Hermosori eta haren ingurukoei egindako hertsapenik egin izana.
Rubialesek eta bere abokatuak esan zuten baimena egon zela, Hermosok onartu egin zuela orduko presidenteak "musutxo bat" ematea, eta "gustatu ez izanak" ez duela horrekin zerikusirik. Hermosoren abokatuak, berriz, kondena-epaia eskatu zuen Rubialesentzat, argi utziz jokalariak ez ziola baimenik eman musu emateko. "Ez zuen baietz esan, sometitu egin zuen", esan du,
Zure interesekoa izan daiteke
Osakidetzak markak hautsi ditu azaroan, 34 transplanteekin, Gurutzetako Ospitalean
Zentroak 25 giltzurrun-transplante eta 9 gibel-transplante egin ditu hilabete bakarrean, eta arlo horretan estatuan eta nazioartean duen lidergoa sendotu du.
Esquadra Mossoek eta Guardia Zibilak IRTA-CReSA laborategiaren egoitza miatu dute, Afrikako txerri-izurria dela eta
Zero gunetik gertu dagoen eraikinean sartu dira gaur goizean, epailearen aginduz. Inguru hori susmopean dago, Afrikako txerri-izurritearen atzean egon daitekeen ihesaldi bat tarteko.
Mancisidor hautatu dute ararteko, EAJ, PSE-EE eta PPren babesarekin, eta EH Bilduren oposizioarekin
Haren aurrekoak, Manuel Lezertuak, ekainaren 19an formalizatu zuen karguari uko egin ziola, eta, harrezkero, Ines Ibañez de Maeztu izan da jarduneko arartekoa.
Hiru pertsona zauritu dira BI-637 errepidean, Erandion, hiru ibilgailuk eta autobus batek izandako istripuan
Ezbeharra 07:50 aldera gertatu da, eta ezkerreko eta erdiko erreiak itxi behar izan dituzte. Ondorioz, hiru kilometroko auto-ilarak sortu dira.
Bizkaibusen Mugi txartela erabilita ibili ahal izango da aurrerantzean
Horrela, hiru lurraldeetako edozein garraio-txartel (Bat, Barik eta Mugi) erabilita, erabiltzaileek Bizkaibusean ibiltzeko aukera izango dute, ordainketa-sistema integratu eta homogeneo baten bidez.
Albiste izango dira: EITB Maratoia, Talgo Euskadira itzuli da eta 2026rako aurreikuspen ekonomikoa
Gaurkoan Orain-en albiste izango direnen laburpena, bi hitzetan.
Baserritar jantziak, maileguan: “Sarerik ez duten familiak etortzen dira gehienbat”
Orioko Herri Ikastolan baserritar jantziak maileguan uzteko egitasmoa antolatu dute, bigarren urtez jarraian, "piztu eta eragin" ekimenaren baitan. Arropak berrabiltzea du helburu, baita herrian sarerik ez duten familiei laguntzea ere. Abarkak, gonak, zapiak, artilezko galtzerdiak... Denetarik bildu dute, eta egunotan familiak hurbilduko dira behar duten hori jasotzera.
Zestoako kasuari buruz gizarte-zerbitzuek egindako txostena "ez zen zuzena", Arartekoaren teknikari baten arabera
Zestoako sei herritarren aurka atzo abiatutako epaiketaren bigarren saioan deklaratu du Herriaren Defendatzailea erakundeko langileak, defentsaren lekuko gisa.
Kirola, musika eta lan gogorra: 110 urteko Isabel donostiarraren sekretua
Isabel Etxeberriak, 110 urterekin, pianoa jotzen jarraitzen du, arratsaldero, Bartzelonako bere etxean. Betidanik egin izan du kirola, eta gaur egun ere oso bizimodu aktiboa duela kontatu digu. Bere iritziz, sasoiz zahartzeko, garrantzitsuagoa da maitasuna kontu materialak baino.
Eider Gotxi (Guggenheim Urdaibai Stop): "Herritarron lanari esker lortu da Guggenheim Urdaibai proiektua bertan behera geratzea"
Guggenheim Urdaibai egitasmoa behin betiko bertan behera gelditu eta biharamunean, erakundeen jarrera "zurrun eta inposatzailearen aurrean" herria garaile atera dela azpimarratu du Eider Gotxi Guggenheim Urdaibai Stop plataformaren bozeramaileak. Garaipena jai giroan ospatzeko otsailaren 7rako Gernikan antolatu duten ospakizunean parte hartzeko deia egin die herritarrei. Bestalde, Gotxik ohartarazi du plataformaren bidea ez dela bukatzen eta ontziola Muruetatik ateratzea izango dela hurrengo erronka.