Rubialesek epailearen aurrean esan du Hermosori "musutxo bat" eskatu ziola eta "baimena" eman ziola
Luis Rubiales Espainiako Futbol Federazioaren presidente ohiak epailearen aurrean ziurtatu du Jenni Hermoso futbolariari "musutxo bat" emateko "baimena" eskatu ziola eta jokalariak ondo iritzi ziola.
"Nik esan nion aizu, ahaztu ezazu penaltia, txapeldunak gara eta zuri esker ere lortu dugu. Zu gabe ez genukeen lortuko. Oso gogor estutu ninduen besapeen azpian, altxatu, eta erortzerakoan musutxo bat eman diezazuket galdetu nion eta bale erantzun zidan. Horixe gertatu zen", azaldu du Auzitegi Nazionalean egiten ari diren epaiketan.
Akusazioak eta Fiskaltzak bi urte eta erdiko espetxe-zigorra eskatzen dute Rubialesentzat, futbolariaren baimenik gabe Jenni Hermosori musua emateagatik eta ondoren mehatxu egiteagatik.
Marta Durantez fiskalaren galderei erantzunez, Rubialesek garrantzia kendu dio Espainiako futbol selekzioak Munduko Futbol Txapelketa irabazi osteko ospakizunetan Hermosori emandako musuari. Ildo horretan, nabarmendu du gizonezkoen Espainiako futbol selekzioak UEFA Nations League txapelketa irabazi zuenean ere hainbat futbolariri musu eman ziela. "Ezin dira alderatu Munduko Futbol Txapelketa eta UEFA Nations League (txapelketa), baina nik hainbat futbolari musuka jan nituen", gaineratu du.
Rubialesen kontakizunaren arabera, modu koordinatuan gertatu zen dena. "Galdera eta erantzuna aldi berean gertatu ziren eta ondoren musua etorri zen", adierazi du. Orduan fiskalak galdetu dio ea "zergatik heldu zion buru alboetatik". "Besarkada bat ematea bezala da, erabat espontaneoa, berak partida amaieran adierazi zuen moduan", gehitu du.
Hermosori presioa egiteko inor bidali izana ukatu du Rubialesek
Bestalde, Rubialesek deklarazioan ukatu egin du beste hiru akusatuak (Jorge Vilda, Ruben Rivera eta Albert Luque), "zuzenean edo zeharka", Hermosori presioa egitera bidali izana.
Hala ere, onartu du "litekeena" dela Vildarekin hitz egin izana azken horrek Hermosoren nebarekin biltzen saiatu zela esan ondoren. "Aizu, begira, ea berarekin hitz egin dezakezun. Bigarren edo hirugarren aldean (esan nion) zerbaiten barri baduzu, esadazu", zehaztu du.
"Esan behar zuenari buruzko agindurik eman al zenion? Jokalariari presioa egiteko eskatu al zenion?", galdetu diote. "Ez, jakina ezetz", erantzun du Rubialesek.
Zure interesekoa izan daiteke
'Oroimenaren indarra', Martxoaren 3ko sarraskiari buruzko audio eta elkarrizketa bilduma
Martxoaren 3ko sarraskiaren 50. urteurrenean, Radio Vitoriak hamar ataleko dokumentala ondu du, elkarrizketa esklusiboak eta sekula argitaratu gabeko audioak biltzen dituena. Gaur aurkeztu dute proiektua Gasteizko Villa Suso Jauregian, Ismael Diaz de Mendibil eta Pilar Ruiz de Larrea kazetariek aurkeztutako ekitaldi batean. Lehenengo atala bihar emitituko da; aurrena, Radio Vitorian eskainiko da, eta ondoren, Guau plataforman jarriko dute entzungai.
Espainiako Gobernuak dio martxoaren 3ko sarraskiak "Estatuaren errepresio basatitzat" onartu dituela
Gorka Elejabarrieta EH Bilduko senatariaren galderei erantzunez, Angel Victor Torresek esan du memoria historikoaren eta demokratikoaren legeek biktimak barne hartzen dituztela eta Zaramagako eliza 50. urteurrenean oroimen demokratikoaren leku izendatuko dutela.
Zabaldu dute N-634 errepidea Zarautz eta Getaria artean, atzo zintzilik geratutako harritzarra erretiratu ondoren
Zarautz eta Getaria (Gipuzkoa) arteko N-634 errepidea 18:15ean ireki dute, ia 24 orduz itxita egon eta gero. Euriteen ondorioz, harritzar bat erori zen atzo segurtasun sarera, eta gaur arratsaldean kendu dute, atzerako hondeamakina baten laguntzarekin.
Radio Vitoriak "Memoriaren indarra" aurkeztu du, 1976ko martxoaren 3ko sarraskia berreraikitzen duen soinu-dokumentala
Gertatu eta mende erdi geroago, polizia armatuaren audio argitaratugabeak eta lekukoen testigantzak jasotzen ditu dokumentala, bala horien oihartzuna inoiz gal ez dadin. David Saenzek zuzendutako dokumentalak 30 elkarrizketa biltzen ditu; horien artean, Rodolfo Martín Villari egindakoa.
Eusko Jaurlaritzak sektore publikoko langileen soldata % 1,5 igotzea onartu du
Igoera hori otsaileko nominan aplikatuko da, eta atzeraeraginezko ondorioak izango ditu urtarrilaren 1etik aurrera.
Korrika baliatuz 36 migratzaileri muga zeharkatzen lagundu zieten zazpi ekintzaileak errugabe jo dituzte
2024ko martxoan 36 migratzailek Irungo Santiago zubia zeharkatu zuten, Korrikarekin batera eta hainbat ekintzaileren laguntzarekin. Frantziako Justiziak horietako zazpi auzipetu zituen, eta 10 urterainoko zigorra eta 250.000 euroko isuna eskatu zuen haientzat.
Eusko Jaurlaritzak 817 milioi euroko inbertsioa egingo du 2030era arte, familia, haur eta nerabeei laguntzeko
Familiei, Haurrei eta Nerabeei Laguntzeko Erakundearteko Plan berriak (2026-2030) jasotzen dituen neurrien artean dago, besteak beste, haurrak lau urte bete arte familiek hilero jasoko duten 200 euroko laguntza. Aurtengo lehenengo hiruhilekoan onartuko du Jaurlaritzak neurri berria eta 2026ko urtarrilaren 1etik izango du eragina.
Emakunderen ikerketa baten arabera, bakarrik bizitzea "ikasketa bat da, aukera bat" adineko emakume askorentzat
'Euskal Autonomia Erkidegoan bakarrik bizi diren adineko emakumeak: emandako gizarte-baimena?' txostenaren arabera, bizilagunik ez izateak du esan nahi bakarrik sentitzen direla, gizarteak adineko emakumeei buruz duen irudi estereotipatutik hori ondorioztatzen den arren.
Duela 5.000 urte izoztutako bakterio batek hamar antibiotikori aurre egin diezaieke eta sendagaiak sortzeko baliagarria izan daiteke
Errumaniako izotz-kobazulo batean isolatuta egon da anduia, eta bi agertoki ekarri ditu: askatuz gero, mikrobioen aurkako erresistentzia larriagotu dezake, baina berrikuntza bioteknologikoei atea ireki diezaieke.
Bost gazte hil dira Manlleun (Bartzelona), trasteleku batean izandako sute batean
Bost gazteek "elkargune" gisa erabiltzen zuten trastelekua, eta oraindik ez dago argi zer egiten ari ziren sua piztu denean. Mossoek baztertu egin dute trastelekua bizitoki moduan erabiltzen zutela.