Langile bat hil da Elorrioko Betsaide lantegian, makina batek harrapatuta
38 urteko langile bat hil da gaur goizean, makina batek harrapatuta Elorrioko Betsaide lantegian, Segurtasun Sailak baieztatu duenez. Istripua 08:00etan gertatu da, burdinazko eta altzairuzko piezak egiten dituen enpresan.
Langile bat makina batek harrapatuta geratu da, eta suhiltzaileak bertatik ateratzen saiatu diren arren, langilea bertan hil da.
Enpresa-batzordeak 24 orduko lanuztea eta elkarretaratzea deitu ditu asteazken honetarako, 12:00etatik aurrera, lantegiaren aurrean.
ELA eta LAB sindikatuek adierazi dutenez, hildako langilea senegaldarra zen eta 38 urte zituen. Azpikontrata batean lan egiten zuen. Grupo One azpikontratako behargina zen, eta garbiketa industrialeko lanak egiten zituen.
ELAk salatu duenez, "azpikontratazioa prekarietate iturria da enpresa askotan, azpikontratetan ez baitira ezartzen istripuei eta gaixotasunei aurre egiteko prebentzio neurri egokiak".
Sindikatu abertzaleak adierazi duenez, Betsaide galdaketa-enpresa bat da, eta, beraz, "ezbeharrak areagotzeko arrisku handia dago bertan, babes-neurri, prestakuntza eta baliabide egokiak egon ezean".
Aurten Bizkaian lan-istripuz hil den lehen behargina da hildakoa. ELAren arabera, dagoeneko zortzi langile hil dira aurten Hego Euskal Herrian lan-istripuz, eta horietatik hiru gutxienez hil dira makina batean harrapatuta.
LABek ohartarazi duenez, 2019an enpresa berean azpikontratatutako beste behargin batek "istripu larria" izan zuen, deskarga elektriko baten ondorioz.
Gainera, sindikatu abertzaleak gaitzetsi du Osalanek eta Eusko Jaurlaritzak ez dutela enpresei lan-osasuneko araudia betearazteko "borondaterik", eta patronalari "inpunitate osoz" jokatzea leporatu dio.
Bestalde, UGT-Euskadi sindikatuak elkarretaratzea egingo du asteazken honetan Bilbon duen egoitzaren aurrean, lan-istripua salatzeko.
Bi istripu gehiago ordu gutxian
Gainera, gaur 55 urteko behargin bat zauritu da Karrantzako (Bizkaia) La Cadena auzoko harrobi batean izandako lan-istripu batean. Langilea harrobian lan egiteko erabiltzen zuen makina baten kabinan harrapatuta geratu da. Makina horren gainean harri bat erori da, eta zapaldu egin du.
Ezbeharra 16:30 aldera gertatu da; suhiltzaileak bertaratu dira eta langilea erreskatatzea lortu dute. Ondoren, helikoptero batek zauritua Gurutzetako Ospitalera eraman du.
Atzo, astelehena, 40 urteko langile bat zauritu zen Lezamako (Bizkaia) Aretxalde auzoan baso-lanetan ari zela izandako istripu batean.
Lan-istripua 11:30ean gertatu zen, eta arrastatzeko makina batek beharginaren hanka bat harrapatu zuen. Kasu horretan ere, Osakidetzako helikoptero bat bertaratu zen zauritua Gurutzetako Ospitalera eramateko.
Zure interesekoa izan daiteke
Basauriko hilketa matxista salatzeko elkarretaratzea egin dute ostiral arratsaldean, talde feministek deituta
2026an bi dira jada Euskal Herrian hildako emakumeak, eta horrek agerian uzten du, euren ustez, indarkeria matxistak jarraitzen duela gizarteko gaitz nagusietakoa izaten. Basauriko Asanblada Feminista eta Emakumeok Bat Koordinadora (Basauriko Emakume Elkarte eta Elkarte Feministen Federazioa) talde feministek deitu dute elkarretaratzea.
Itzurun hondartza, mikroplastikoz beteta
Azken egunotako denboraleen ondorioz, mikroplastikoz beteta agertu zen atzo Zumaiako Itzurun hondartza. Naiara Malave Euskal Kostaldeko Geoparkean lan egiten duten Begi Bistan-eko kideak azpimarratu du arazoa mundu mailakoa dela, eta azken hamarkadetako plastikoaren gehiegizko erabileraren ondorioetako bat.
Gizon bat atxilotu dute Basaurin, bikotekidea hiltzea egotzita
Biktima, 44 urteko emakume bat, ondoezik jarri ostean hil zen. Medikuek egindako lehen azterketen arabera, indarkeria zantzuak zituen. EITBk galdetutako ikerketaren iturrien arabera, atxilotuak askotan urratzen zuen urruntze agindu bat zegoen.
Asier Iragorri, Basauriko alkatea: "Gaur egun ere entzuten dira indarkeria matxista existitzen ez dela dioten diskurtsoak"
Basauriko alkateak "irmo" gaitzetsi du udalerrian gertatutako hilketa matxista, eta deitoratu du oraindik ere herritarren artean diskurtsoak entzuten ari direla indarkeria matxista "ez dela existitzen" edo arazoari garrantzia kentzen diotela esanez. Horregatik, uste du arlo guztietatik lan egin behar dela gaiari heldu ahal izateko.
Azpeitiko sutean kaltetutako bi lagunek alta jaso dute eta beste bizileku bat eman diete
Sua arratsaldean piztu zen, bigarren solairuan, eta kalte handiak eragin zituen. Udal teknikariek eraikinaren egoera aztertu behar dute, sutea zerk eragin duen ikertu eta hartu beharreko neurriak zehazteko.
Aldaketak Bilboko trafikoan datorren astelehenean, Itzulia Basque Country dela eta
Lasterketaren lehen etapak, Bilbon hasi eta amaituko den 13,9 kilometroko erlojupekoak, trafiko etenak, aparkaleku murrizketak eta garraio publikoan aldaketak eragingo ditu.
50.000 pertsonak baino gehiagok eman dute izena jada Osakidetzako EPEn
EITBk jakin duenez, lehen bederatzi kategorietarako izen-emateak erritmo altuari eutsi dio hasieratik, apirilaren 22ra arte irekita dagoen prozesuan.
19 eta 21 urte bitarteko bost gazte atxilotu dituzte Gasteizen adingabe bat sastatzeagatik
Adingabea Txagorritxuko ospitalera eraman dute. Atxilotuak hilketa saiakera delitua egotzita atxilotu dituzte, eta polizia-etxera eraman dituzte. Ikerketak zabalik jarraitzen du.
Eneko Axpe: “Misio hau abiapuntu da Ilargian azpiegitura eraiki eta gizateria Martera joateko”
Artemis II misioa abiapuntua baino ez da Ilargian bizitzeko azpiegitura eraiki eta gizakia bertako baldintzetara egokitzeko ikerketak egiteko. Azken helburua, baina, Martera iristea da, Eneko Axpe fisikariak eta NASAren kolaboratzaileak azaldu duenez.
Bi pertsona ospitalera eraman dituzte Azpeitiako etxebizitza batean izandako sute baten ondorioz
Sutea izan da gaur eguerdian Azpeitian, Erdikaleko 27. zenbakiko etxebizitza batean. Sua 15:00ak pasatxo piztu da, eraikineko bigarren solairuan, eta ondorioz, inguruko bizilagunak etxetik atera behar izan dituzte. Hirugarren solairuan zeuden bizilagunek ezin izan dute euren kabuz irten, eta suhiltzaileek lagunduta atera dituzte kalera. Suhiltzaileak lanean ari dira sugarrak amatatzeko. Bi pertsona Zumarragako ospitalera eraman dituzte, sutean kea arnasteagatik.