Gizon bat ikertzen ari dira Mungian, errezeta digital faltsuen bidez Toseina kantitate handiak erosteagatik
Mungiako Udaltzaingoa gizon bat ikertzen ari da, dokumentuak faltsutzea, nortasuna ordeztea eta osasun publikoaren aurkako delituak egotzita. Izan ere, kodeinaz osatutako Toseina (opioide izaerako substantzia bat) medikamentuaren 200 ontzi baino gehiago iruzurrez eskuratu zituela baieztatu du.
Ikerketa duela aste batzuk hasi zen, agenteek susmagarria ohiko kontrol batean identifikatu zutenean. Haren jarrerak susmoak sortu zituen, eta, ikuskapena egin ondoren, sendagai baten bi ontzi aurkitu zizkioten, zapatila batzuen barruan ezkutatuta. Galdeketa egin ziotenean, ez zuen bere jabetza modu sinesgarrian justifikatzen jakin, Udalak azaldu duenez.
Ildo horretan, egindako ikerketari esker, Udaltzaingoak jakin du merkatu beltzean Toseina asko eskatzen dela kodeina duelako.
Udalaren esanetan, Farmazialarien Elkargoen Kontseilu Nagusiaren txostenen arabera, eztula tratatzeko sendagai hori aisialdirako erabiltzen da, opioideen ondorioz, eta horrek "menpekotasun eta gaindosi-arrisku handia dakar".
Udalak adierazi duenez, kodeinaren kontsumoa "Purple Drank" edo "Lean" izeneko edari bat prestatzearekin lotzen da, botika freskagarriekin edota edari energetikoekin nahastuta. Nahasketa hori gaueko aisiarako guneetan eta kale-edanetan egin da ezagun, eta heroina bezalako substantzien antzeko ondorioak eragin dituela ohartarazi du.
Gehiegizko kontsumoak sedazioa, oreka galtzea, haluzinazioak eta arnas gutxiegitasuna eragin ditzake, bereziki beste droga batzuekin konbinatzen denean, Drogei buruzko Plan Nazionalak ohartarazi duenez.
Bizkaiko Farmazialarien Elkargoarekin eta Farmazialarien Elkargoen Kontseilu Nagusiarekin elkarlanean egindako ikerketaren arabera, susmagarriak errezeta digital faltsuen bidez erosten zuen Toseina. Horretarako, Madrilgo mediku kolegiatu baten kredentzialak faltsutu zituen eta fikziozko identitateak erabili zituen.
Bi astez, ikertua Bizkaiko 26 udalerritan ibili zen, eta gutxienez 167 farmaziatan eskuratu zuen sendagaia. Arratsalde bakar batean, 30 farmazia baino gehiago bisitatu zituen Bilbon, eta hiru ordutan, Barakaldoko ia farmazia guztiak. Azkenean, Mungiako Udaltzaingoak gizona geldiarazi eta ikerketa abiatu zuen. Ez da baztertu beste pertsona batzuek ere parte hartu izana horretan. Ikerketak irekita jarraitzen du.
Zure interesekoa izan daiteke
Gaueko zaintza-patruilak antolatzea pentsatzen ari dira Lemoan, azken hilabeteetako lapurretengatik
Azken bi hilabeteetan, kristala puskatu eta 43 autotan lapurtu dute herriko puntu desberdinetan. Ertzaintzak bi pertsona atxilotu ditu dagoeneko, eta beste bat ikertzen ari da.
Lehen aldiz ikusi dute ibis eremita hegaztia Nafarroan
"Giselbert 916" izena duen hegazti-alea bere espezieko lehena da eskualdean, eta Eremita Proiektuari esker dokumentatutako migrazio-ibilbide baten barruan kokatzen da.
Euskal Herriko saharar diasporak bere gaitzespena adierazi du Marokoko autonomia planaren aurrean
Euskal Herriko saharar diasporak elkarretaratzea egin du gaur Gasteizen, Mendebaldeko Sahararen autonomia plana gaitzetsi, eta Marokoren subiranotasunaren pean jarriko lukeen plana errefusatzeko. Sahararren hitzetan, Espainiako Estatua da "gure lurra abandonatu behar izatearen erantzulea", eta, hori dela eta, Espainiako Gobernuari exijitu diote autonomia plana publikoki baztertzeko, independentzia erreferenduma bat egin ahal izateko.
Argentina euskal giroan murgildu da: 2025eko Euskal Aste Nazionala hartu du Tandilek
Hiria Argentinako euskal diasporaren topagune bihurtu da. Dantza, herri kirol eta kalejira artean, mila lagun baino gehiago bildu dira euskal kultura aldarrikatzeko.
AP-8ko sarbidea bost gauez itxiko dute Zarautzen, ordainlekuetan lanak egiteko
Mozketak astelehenetik ostiralera egingo dira, 22:00etatik 06:00etara.
Ertzaintzak dagoeneko identifikatu eta salatu du Zumarragan kontrol batetik ihes egin duen gidaria
Ikerketak lehen emaitzak eman ditu, agenteek 48 urteko gizonezkoa identifikatzea lortu baitute. Dena den, ez dute oraindik aurkitu, ezta atxilotu ere.
Hegoaldeko haizearekin eta 20 gradu inguruko tenperaturekin hasiko da astea
Asteazkenera arte, behintzat, ez da aldaketa handirik espero. Eguzkia eta udaberriko tenperatutak izango dira jaun eta jabe Euskal Herri osoan.
Zerbitzua etengo dute Bizkaia Zubian astelehenetik hilaren 22ra, ontziaren kableak aldatzeko
Zerbitzuak funtzionatzen ez duen bitartean, itsasadarra zeharkatzen duen txalupa-zerbitzua indartu egingo da, eta bi ontzi aldi berean ibiliko dira 06:00etatik 22:00etara, astelehenetik ostiralera.
"Niño Juan" askatu dute, ostiralean Madrilen bahitu ostean
Juan Maria Gordillo Plaza bizirik agertu da Madrilen, jipoia jaso izanaren zantzuak zituela.
Gizon bat atxilotu dute Sarrigurenen bere bikotekidearen alabari sexu-erasoa egitea egotzita
Eguesibarreko Udaltzaingoak atxilotu du ustezko erasotzailea.