"Eskala handiko" etxebizitza-politika "iraunkorrak" eskatu ditu Denis Itxasok Bruselan
Etxebizitza arloan, "denboran iraungo duten inbertsioak eskala handian" egin ditzala eskatu dio Denis Itxasok, Eusko Jaurlaritzako Etxebizitza eta Hiri Agenda sailburuak, asteazken honetan Europako Batzordeari, etxebizitza publikoak eraiki eta Europar Batasuneko hirigune askotan dagoen krisia arintzen laguntzeko.
Itxaso Bruselan izan da, Europako Parlamentuan etxebizitzari buruz egin den bilkura batean parte hartzen. Eskualdeen Garapenerako Batzordeak eta Enplegu eta Gizarte Gaietarako Batzordeak antolatu dute eta Europako hainbat eskualdetako arduradun politiko eta aditu bildu dira, baita hainbat finantza-erakunde ere.
Bere hitzaldian, Itxasok defendatu du tentsionatutako guneak dituzten eskualdeek "denboran iraungo duen estrategia" bat behar dutela, "etxebizitza-parkea handitzeko planak garatu ahal izateko". Ildo horretan, Europar Batasunari eskatu dio helburu argiak ezar ditzala etxebizitzaren arloan, eta etxebizitza sozialen parkea handitzea helburu izango duten funtsak bidera ditzala.
Era berean, azpimarratu du, familia ahulenei arreta eskaintzen zaien arren, etxebizitzaren egungo arazoak "klase ertainei" eragiten diela batez ere; "diru-sarrerak izan arren, halako tentsioa bizi duen merkatuari aurre egiteko zailtasunak" baitituzte. Horrenbestez, parkea hazteko "zeharkako politikak" abian jartzearen alde egin du, "etxebizitza eskuragarriak" sortu daitezen.
Eusko Jaurlaritzako etxebizitza sailaren titularraren esanetan, Europako funtsak jasoko dituzten etxebizitzek "babes iraunkorra" izan beharko lukete, "merkatu librean erori ez daitezen, parke publikoa urriagotu ez dezaten".
Ostegunean ere hainbat bilera egingo ditu Itxasok Bruselan. Besteak beste, Teresa Ribera Trantsizio Garbi, Justu eta Lehiakorrerako Europako Batzordearen presidenteorde exekutiboarekin eta Matthew Baldwin Europako Batzordearen Energia zuzendari nagusiarekin bilduko da.
Zure interesekoa izan daiteke
Kirola, musika eta lan gogorra: 110 urteko Isabel donostiarraren sekretua
Isabel Etxeberriak, 110 urterekin, pianoa jotzen jarraitzen du, arratsaldero, Bartzelonako bere etxean. Betidanik egin izan du kirola, eta gaur egun ere oso bizimodu aktiboa duela kontatu digu. Bere iritziz, sasoiz zahartzeko, garrantzitsuagoa da maitasuna kontu materialak baino.
Eider Gotxi (Guggenheim Urdaibai Stop): "Herritarron lanari esker lortu da Guggenheim Urdaibai proiektua bertan behera geratzea"
Guggenheim Urdaibai egitasmoa behin betiko bertan behera gelditu eta biharamunean, erakundeen jarrera "zurrun eta inposatzailearen aurrean" herria garaile atera dela azpimarratu du Eider Gotxi Guggenheim Urdaibai Stop plataformaren bozeramaileak. Garaipena jai giroan ospatzeko otsailaren 7rako Gernikan antolatu duten ospakizunean parte hartzeko deia egin die herritarrei. Bestalde, Gotxik ohartarazi du plataformaren bidea ez dela bukatzen eta ontziola Muruetatik ateratzea izango dela hurrengo erronka.
Gutxienez 11 kilometroko auto-ilarak AP-8an, Irunen, eta kamioiak ezin dira Biriatuko mugan zehar pasa
AP-8an, gutxienez 11 kilometroko auto-ilarak daude Irun parean, Baionarako noranzkoan, eta 0 kilometroan kamioientzako trafikoa arautzeko neurri bereziak aktibatu dira. Ibilgailu astunen murrizketak 05:00etatik 20:00etara egongo dira indarrean.
ETB ON aurkeztu dute, EITBren telebista plataforma digital berria
ETB ON plataforman zuzenekoen eskaintza handia eta EITB Taldearen edukirik onenak klik bakar batean topatuko ditu erabiltzaileak, nahi duen unean eta moduan ikusteko. Teknologia berri bat ardatz hartuta, Nahieran plataforma historikoa birformulatu eta etorkizunera begira jarri du EITBk.
Gernika, Bermeo eta Mundakako herri plataformek Busturialdea-Urdaibairako plan estrategikoa kritikatu dute
Ez daude ados Eusko Jaurlaritzak eta Bizkaiko Foru Aldundiak eskualderako egin duten inbertsio planarekin. Eskualdea zahartzen ari dela diote, gazteak kanpora joaten ari direlako ez dutelako bertan lan egin eta bizitzeko aukerarik. Beraz, lehendabizi enplegua eta etxebizitza planak behar direla diote.
Urdaibaiko Guggenheim museoa baztertu dute, proiektua iragarri eta 17 urtera
Bi urteko azterketa eta hamaika eztabaidaren ondoren, Urdaibaiko Guggenheim proiektua baztertzearen erabakia hartu du Patronatuak. Orain hilabete, Elixabete Etxanobe Bizkaiko ahaldun nagusiak azaldu zuen luze joko zuela museoa eraikitzeko lurrak garbitzea, bai eta egitasmoaren aurkako salaketak epaitegietan argitzea ere. Eta kalean proiektuak kritika andana jaso izan du talde ekologisten eta herritarren aldetik.
Guggenheim Urdaibai egitasmoa behin betiko baztertu du museoko Patronatuak
Arratsaldean egindako bileran aho batez hartu dute azken erabakia, proiektuaren bideragarritasun faltagatik. Egitasmoa aurrera eramateko zailtasun handiena Murueta ontziola dagoen lur zatiaren egoera juridikoa dela jakinarazi du Elixabete Etxanobe diputatu nagusiak.
163 postuk eta hogei bat jarduerak girotuko dute Donostiako San Tomas azoka
Datorren igandean, Gipuzkoako hiriburuan izango den azokara hurbilduko direnek, salmenta postuez gozatzeaz gain, gustu eta adin guztietarako jardueretan parte hartu ahal izango dute.
Entzute prozesuak islatzen du Guggenheim Museoa Urdaibain zabaltzerik "ez" dela nahi, baina eskualdeko garapenari begi onez begiratzen zaiola utzi du agerian
Herritarren artean entzute-prozesua gidatu duen Agirre Lehendakaria Centerrek azaldu duenez, "hasierako narratiba" horien zati handi bat "beste joera bat" hartu du hilabeteetan zehar. Izan ere, Urdaibaiko Guggenheimen aurkako iritziak jaso dira, baina baita eskualdearen garapenaren aldeko jarrerak ere.
Korrika egin, osasuntsu zahartzeko: Fernando eta Leopoldo, 81 eta 76 urterekin atxintxika egiten jarraitzen duten beteranoak
Fernandok 31 Behobia daramatza, azken bi urteetan beteranoena izanik, eta Leopoldo erretiroa hartu baino pixka bat lehenago hasi zen kilometroak egiten. Korrika egitea botikarik onena da bientzat, ez bakarrik ongizate fisikoagatik, gaixotasunak prebenitzen eta sasoiz zahartzea atzeratzen ere laguntzen baitie.