Euria eta ekaitzak, Euskal Herriko hainbat txokotan
Agintariek Euskal Autonomia Erkidegoan (EAE), Nafarroa ia guztian eta Ipar Euskal Herrian abisuak ezarri dituzte euri zaparrada eta ekaitzengatik.
EAEn, Eusko Jaurlaritzako Segurtasun Sailak abisu horia aktibatu du 18:00etan (gauerdira arte). Ordubetean 15 l/m² baino gehiago pila daitezke. Zaparrada ertainak botako ditu, eta zenbait lekutan handiak eta trumoitsuak izan daitezke. Zaparradekin batera txingorra egin dezake, eta haize-bolada gogorrak edo oso gogorrak izan daitezke (60-80 km/h).
Nafarroan ere antzeko abisua eman du Aemetek. Foru erkidegoaren erdialdea eta Erribera alerta laranjan egon dira 16:00-22:00 tartean, ekaitza eta kazkabarra direla eta. Horrez gain, ordubetean metro koadroko 30 litroko euriteak izango dira.
Azkenik, Ipar Euskal Herria ere abisupean dago ekaitzengatik (21:00-00:00).
Larunbatean tenperaturak nabarmen egingo du behera eta zaparradak botako ditu, batez ere goizean. Ipar-mendebaldeko haizea indartsu ibiliko da ia egun osoan, batez ere kostaldean, mendi inguruetan eta Ebro ibarrean. Goizean zerua estalita egongo da, eta zaparradak botako ditu, batez ere ipar partean eta bertan ekaitzak ere jo dezake. Arratsaldean zaparradak tartekatuagoak izango dira eta batez ere Gipuzkoa ipar-ekialdean eta Nafarroa ipar partean botako ditu. Gainerako zonaldeetan, oro har, ateri egongo da eta ostarte batzuk irekiko dira, batez ere hegoaldean. Tenperatura maximoak 14-16 ºC ingurukoak izango dira.
Igande goizean euri pixka bat eta arratsaldean hobetuko du. Eguerdira arte ipar-mendebaldeko haizeak gogor jotzen jarraituko du; eta zerua lainotuta egongo da; tarteka zaparradak botako ditu, batez ere lurraldearen ipar-ekialdean. Arratsaldean, ordea, hodeitza arinduz joango da eta ostarteak irekiko dira; Gipuzkoa ipar-ekialdean eta Nafarroa ipar partean, berriz, gehiago kostako zaio eguraldiari jasotzea. Tenperatura zertxobait igoko da.
Astelehenean, lanbroa eta goizeko lainoa. Zerua apur bat hodeitsu egongo da. Hegoaldeko haize ahul-bizia. Tenperatura igoko da.
Albiste gehiago gizartea
Jaialdiak amaiera borobila eman dio Boisen, sei egun zirraragarriren ostean
Ekitaldiak zortzigarren edizioa itxi du, 1987an sortu zenetik izandako arrakastatsuenetako eta jendetsuenetako bat bezala.
Palestinarekin Elkartasuna plataformak euskal hiriburuetako jaietan mobilizatzeko deia egin du
Plataformak "hipokrisia" leporatu die gobernuei eta hedabideei, eta manifestazioak deitu ditu Gasteizen (abuztuaren 6an), Donostian (abuztuaren 10ean), Bilbon (abuztuaren 15ean) eta manifestazio nazionala Iruñean (urriaren 4an).
Bilboko kale-saltzaileen aurkako sarekadak areagotu direla salatu dute
Udaltzainenganako errespetua eskatu du Bilboko Udalak. Manteroek diote euren egoera legeztatzea ezinbestekoa da bestelako lanetarako aukera izateko. Sarekadak salatzeko protesta deitu du biharko Bizkaiko Manteroen Elkarteak.
Bi atxilotu Gasteizen, gizon bati indarkeriaz lapurtzea leporatuta
04:15 aldera jazo da lapurreta, hiriburuko parke baten inguruan. 31 eta 29 urteko atxilotuak epailearen esku utziko dituzte, beharrezko izapideak amaitutakoan.
Atxilotu bat Ordizian kokaina, 10.000 euro eta kontrabandoko tabakoa zeramala
Gidaria atxilotu dute substantzia estupefazienteen trafikoko ustezko delitua egotzita, eta deklaratu gabeko tabakoa edukitzeagatik.
Tigre-eltxoaren kontrako fumigazio lanak egin dituzte bart Hendaian
Lapurdin chikungunya gaitzaren lehen kasua agertu ondoren egin dituzte desinfekzio lanak, Hendaiako igerilekutik, tren geltokiraino. 22:00etatik 07:00ak arte kaleak erabat itxita egon dira, eta bizilagunek agintarien aginduak errespetatu behar izan dituzte. Herritarrak kezkatuta agertu dira, ez dakitelako zer-nolako eragina izan dezakeen erabilitako produktuak haien egunerokotasunean. Fumigazioaz arduratutako enpresak dio erabilitako produktua ez dela kaltegarria, eta tigre-eltxoen % 80 bat hiltzea lortzen dutela.
20.000 sinadura, txosnak Euskal Herriko ondare inmaterial izendatzeko
Bizkaiko, Gipuzkoako eta Arabako txosnen batzordeek adierazi dute jaigune horiek "arriskuan" daudela, eta ondare inmaterial izendatzeko eskaera sinatzen eta zabaltzen jarraitzeko deia egin dute.
Zeledonek prest ditu aterkia eta ardo-zahatoa, kanpandorretik jaitsi eta Andre Maria Zuriaren jaiei hasiera emateko
Zuzeneko musikak, kalejirek, ekintza herrikoiek eta familia guztientzako proposamenek beteko dituzte Gasteizko kaleak abuztuaren 4tik 9ra, sei eguneko jai giroan.
Karabela portugaldarrak topatu dituzte Bakioko hondartzan beste egun batez uda honetan
Goizean, marmokak ikusi dituzte Bizkaiko zazpi hondartzatan, eta, atzo arratsaldean, Zurriolako hondartzan bainua hartzea debekatu behar izan zuten, karabela portugaldarrek eragindako "ziztada ugari" zenbatu baitzituzten, horietako batzuk nahiko larriak.
Auroroek Gasteizko Alde Zaharrean barrena abestu dute, Andre Maria Zuriaren jaietarako deia eginez
Igande honetan izandako Arrosarioaren Prozesioak milaka gasteiztar bildu ditu, Andre Maria Zuriaren horma-hobiaren aurrean hasita eta San Migel elizan egindako meza batekin bukatuta.