Doakotasuna indarrean sartu zenetik % 20 hazi dira matrikulazioak euskara ikasteko HABEren A1 mailan
17.712 pertsonak eman dute aurten izena euskara-mailaren bat egiaztatzeko Helduen Alfabetatze eta Berreuskalduntzerako Erakundeak (HABE) deitutako azterketetan, iaz baino % 6,14 gehiagok eta duela bi urte baino % 17,3 gehiagok. Matrikulazioek ere gora egin dute, oro har: ikasturte honetan, adibidez, A1 mailan, % 20 hazi da izen-emate kopurua, eta azken hiru urteotan, C1 mailako eskolak jasotzeko matrikulatu direnen kopuruak % 73 egin du gora (16-18 urte artekoak).
Ibone Bengoetxea Eusko Jaurlaritzako lehen lehendakariorde eta Kultura eta Hizkuntza Politikako sailburuak eman ditu datuok, Gobernu Kontseiluaren ondoren egin duen agerraldian, eta euskararen irakaskuntzan "doakotasunerantz aurrera egiteko politikekin" lotu ditu. Bere hitzetan, "gizarteak euskaran duen interesa islatzen dute", eta bide horri eusteko konpromisoa berretsi du.
"Euskara aukerak biderkatzeko gai den hizkuntza da. Pertsona berriekin, errealitate berriekin, kulturarekin eta lan-aukerekin konektatzeko aukerak. Hizkuntzaren ezagutza ezinbestekoa da hizkuntzaren erabilera sozialerako bilatzen dugun jauzi kualitatiboa emateko. Pausoz pauso, uste dugu hau dela bidea", esan du
Horiek esanda, joan den astean egin ziren azterketen inguruko datuak aletu ditu, hainbat puntutan azpimarra jarrita. Iazko datuekin alderatuta, 1.000 pertsona baino zertxobait gehiagok egin zuten azterketa (% 6,14 gehiago): 500 lagun euskaltegietako ikasleen deialdian, eta 500 inguru deialdi irekian (ordenagailu bidezko HOBE deialdia kontuan izanda).
Sailburuaren arabera, "nabarmentzekoa da C1 mailan izan den igoera: % 8,11 guztira". B2n ere igoera egon da (% 6,69), batez ere Bizkaian: 100 bat lagun gehiagok eman dute izena deialdiotan. Eta C2 mailan izan den gorakada ere deigarria da: euskaltegira joan direnen artean % 21 egin dute gora izen-emateek.
Orotara, euskara ikastea bultzatzeko lau laguntza-lerro ditu martxan Jaurlaritzak: azken bost urteotan, 18,7 milioi euro bideratu dira horretera, eta 42.300 pertsonak eskatu dute hizkuntza ikasteko laguntza.
Bengoetxeak zehaztu duenez, ikasturte honetan "arreta berezia" jarri dute A1 mailako ikasleengan. "Euskaraz ez dakitenak erakarri nahi ditugu, eta Eusko Jaurlaritzaren apustu horri esker % 20 gehitu ditugu oinarrizko maila horretako matrikulazioak".
Amaitzeko, datorren ostegunean hasiko den Euskaraldiaren 4. edizioan parte hartzera gonbidatu ditu herritarrak, "lotsak eta aurreiritziak" atzean utzita.
Albiste gehiago gizartea
Baso-sute arriskua oso handia izango da Nafarroan ostegunetik larunbatera
Aurreikuspenen arabera, arriskua nabarmen murriztuko da larunbateko azken orduan, prezipitazio-fronte bat sartuko baita.
Euskararentzat "arkitektura juridiko berria" eskatu du Kontseiluak, "langile publikoek euskararen ezagutza izatea" bermatzeko
Euskalgintzaren Kontseiluak eta Bagera Donostiako euskaltzaleen elkarteak deituta, bilkura egin dute, arratsaldean, Donostiako epaitegi batek euskararen aurka kaleratu berri duen epai bat salatzeko. Idurre Eskisabel Kontseiluko idazkari nagusiaren hitzetan, "ezinbestekoa da euskarari behar duen arkitektura juridiko berria eskaintzea", "botere judizialetik ezarritako blokeoa gainditzeko".
Palestinaren aldeko mobilizazioak egingo dituzte ostegunean Hego Euskal Herrian
Protestak eguerdian eta arratsaldean izango dira, Gasteizen, Bilbon eta Iruñean.
EHUk 247 milioi euroko egitasmoei uko egin die Israelen parte hartzea dutelako
Joxerramon Bengoetxea errektorearen hitzetan, “herri palestinarraren genozidioaren auzia lehentasuna da” EHUrentzat. Gogorarazi du 2024ko apiriletik ez dutela harremanik Palestinan egindako krimenak gaitzesten ez dituzten unibertsitate eta erakundeekin.
EHUk uko egin dio 247 milioi euroko ikerketa-proiektuetan parte hartzeari, Israelekin loturak zituztelako
Joxerramon Bengoetxea Euskal Herriko Unibertsitateko (EHU) errektoreak asteazken honetan berretsi duenez, "Palestinako herriaren genozidioaren auzia lehentasuna da gure unibertsitatean", eta aditzera eman du EHUk uko egin diela, azken hilabeteetan, 247 milioi euroko ikerkuntza-proiektuei, biomedikuntzaren edo konputazio-zientzien arloetan, proiektu horiek Israelgo estatuarekin zuten loturagatik. Agerraldian, Bengoetxeak Europako Batzordeari eta Espainiako Gobernuari eskatu die Israelgo unibertsitateak, ikerketa-zentroak eta erakundeak bazter utz ditzatela ikerketa elkarlanak, akademikoak edo kulturalak laguntzeko europar funtsetatik.
Labar pinturak dituen historiaurreko aztarnategi bat aurkitu dute Gamiz-Fikan
Bizkaiko Foru Aldundiak jakinarazi duenez, Juan Carlos Lopez Quintanak eta Juan Carlos Izagirrek aurkitu zuten, Atxispeko San Pedro ermitaren ingurunea berreskuratzeko interbentzio programa baten baitan, 2025eko ekainaren 26an. Haitzuloa ikertu duten adituen arabera, eremu kantauriarrean dokumentatutako lehen hipogeo mistoa da.
Pertsona bat hil da Tafallan furgoneta baten eta uzta biltzeko makina baten artean izandako istripuan
Polizia-iturriek jakitera eman dutenez, istripua 09:00etan gertatu da, NA-132 errepidean, Tafalla parean, eta hildako pertsona furgonetan zihoana da.
San Mamesera sartzeko inguruak jarraitzaile zuri-gorriz bete dira, Txapeldunen Ligako hitzorduan
Zuri-gorriek Arsenalen aurka neurtuko dituzte indarrak astearte honetan, Txapeldunen Ligako 1. jardunaldiko neurketan. Athleticeko milaka zale bildu dira gaur arratsaldean partida honetan, taldea animatzeko helburuarekin.
Osakidetzak 10.000 haurtxo immunizatuko ditu bronkiolitis akutuaren aurka
Hasieran, katarroaren antzeko sintomak agertzen dira, hala nola mukiak, eztula edo sukarra, baina egun batzuen buruan beste sintoma batzuk ager daitezke, adibidez, arnasa hartzeko zailtasunak, txistuak edo nekea, eta neke horrek esnea hartzean eragiten die haurtxoei.
CIC bioGUNEren ikerketa batek gibeleko minbizi arraro eta oldarkor bat tratatzeko bide berri bat aurkitu du
Aurkikuntzek iradokitzen dutenez, zelulen barruan magnesioa garraiatzeaz arduratzen den CNNM4 proteinaren blokeoak tratamendu zuzen, seguru eta eraginkorra eskain lezake, minbizi horren aurkako terapia pertsonalizatuetarako bide berriak irekiz.