Abisu horia ekaitzengatik Euskal Herri osoan, arratsaldetik aurrera
Beroak jarraipena izango gaur, baina arratsaldean ekaitzak jo eta euria egingo du. Hori dela eta, Eusko Jaurlaritzako Segurtasun Sailak abisu horia aktibatuko du prezipitazio handiengatik 15:00etatik 21:00etara. Euskalmeten arabera, baliteke metro koadroko 15 litro pilatzea ordubetean. Aemetek Nafarroa osoa abisupean jarri du ekaitzengatik, 14:00etatik aurrera. Halaber, Meteofrancek abisu horia ezarri du Pirinio Atlantikoetan ekaitzengatik, 18:00etatik aurrera.
Gaur, ostirala, beroak jarraituko du, baina arratsaldean hodeiak ugaritu egingo dira, eta baliteke zaparrada trumoitsuak botatzea. Tenperatura altuak izango dira, baina baliteke gaur baino zertxobait baxuagoak izatea.
Agintariek azpimarratu dute oso garrantzitsua dela neurriak hartzea, eguerdian eguzkitan ez egotea, behar bezala hidratatzea eta meteorologia eta babes zibileko zerbitzu ofizialen gomendioak kontua izatea.
Larunbatean, maiatzaren 31n, tenperaturak zertxobait jaitsiko dira. Isurialde atlantikoan behe-hodei ugari izango dira, baina zerua zertxobait irekiko da eguerdi eta arratsalde partean. Araba eta Nafarroa hegoaldean, eguzkia nagusituko da. Arratsaldean, zaparrada trumoitsuak bota ditzake, batez ere barnealdean. Tenperatura maximoak 23-24 ºC ingurukoak izango dira kostaldean, eta barnealdean 30 ºC inguruan jarraituko dute, ipar eta ipar-mendebaldeko haizearekin.
Igandea motela eta hezea izango da. Zerua lainotua egongo da eta euria egingo du tarteka; gainera, baliteke arratsaldetik aurrera zaparrada trumoitsuak izatea. Tenperatura maximoek behera egingo dute, eta beherakada hori nabarmenagoa izango da barnealdean. Halaber, haizeak iparraldetik joko du.
Kontsulta ezazu eguraldiaren iragarpena, eta bidali zure argazkiak eta bideoak.
Zure interesekoa izan daiteke
Ikusmin handia EITBren Bilboko egoitzan, Olentzero eta Mari Domingi agurtzeko eta azken gutunak emateko
Haurren gutunak jasotzen eta haiekin argazkiak egiten izan dira biak ostiral arratsaldean, Bilboko kaleetan zehar egingo duten kalejiraren aurretik. Abenduaren 23an izango da hori, eta zuzenean jarraitu ahal izango da streaming bidez eitb.eus-en, 18:30etik aurrera, Anabel Arrizaren eta Aritz Mendiolaren kontakizunarekin. Emanaldia asteazken arratsaldean emitituko da ETB1en.
Migrazioa delinkuentziarekin eta zerbitzu-abusuarekin lotzen dutenen kopurua jaitsi da
Ikuspegi Immigrazioaren Euskal Behatokiak egindako azterlan baten arabera, euskal herritarren % 10ek baino gutxiagok aipatzen du immigrazioa herrialdeko arazo nagusietako gisa, eta % 2,7k baino ez dio modu pertsonalean eragiten diola.
Gipuzkoako Auzitegiak absolbitu egin ditu haurra hiltzen saiatzeagatik akusatu zituzten gurasoak
Gipuzkoako Probintzia Auzitegiak absolbitu egin ditu gurasoak, haurra hiltzen saiatzeagatik akusatu ostean; ondorioztatu du ezin izan dela frogatu, neskatoaren lesioek jatorri traumatikoa zutenik edo kolpe baten ondorio zirenik.
3I/ATLAS kometa Lurrera ahalik eta gehien hurbildu da, eta ezustekorik gabe urruntzen ari da
Zientzialari errusiarrek baztertu egin dituzte, berriro ere, estralurtarren ustezko ontzi bat zela zioten teoriak.
Lau gaztetik batek frankismoari buruzko pertzepzio positiboa du
Egonkortasun ekonomikoa eta gizarte-ongizatea ekarri zituela iritzi diote, azken Deustobarometro Sozialaren arabera. Etxebizitza eskuratzea da euskal gizartearen arazo Nagusia.
Guardia Zibilak erietxera eraman ditu Beloradotik joandakoekin Urduñan bizi ziren mojetako bost, osasun-baldintza kaxkarretan zeudelakoan
Ostegun honetan Santa Klarako monastegitik 87 eta 101 urte arteko bost moja atera dituzte eta Basurtuko erietxera eraman dituzte azterketa egitera, epailearen aginduz. Guardia Zibilak jakitera eman duenez, emakumeak osasun-baldintza txarretan bizi zirela egiaztatu ahala izan dute. Adierazpen horiek gezurtatzeko helburuz, etxeko mojetako batek sareetan zabaldu ditu eraikin barruko irudiak.
Fiskalak erretiratu egin ditu Zestoako akusatu nagusiaren aurkako akusazio guztiak, eta gainerako bostentzat isuna eskatu du
Salatzailearen bikotekide ohiaren deklarazioa entzun ostean, fiskalak frogatutzat jo du gizonarekiko beldur gaindiezina izan zuela eta zigor eskaerak aldatu ditu. Absoluzioa eskatu du akusatu nagusiarentzat eta gainerakoentzat, berriz, espetxe zigorra beharrean isunak eskatu ditu hertsatze delituagatik.
Moto gidari bat zauritu da Donostian, GI-20an hainbat ibilgailuren artean izandako istripuan
08:00ak aurretik izan da ezbeharra eta errepidea itxita gelditu da momentuan, auto ilara luzeak eraginez. Geroxeago zabaldu ahal izan dute erreietako bat.
Gabonak, inoiz baino garestiago: trikimailuak eta alternatibak, gure menua merkatzeko
Arkumea, bisigua, turroia, ostrak, anana... Gabonetan pairatzen dugun prezioen gorakadaren ondorioz, produktu batzuk gure mahain izatea ia ezinezkoa izaten da. Baina ez etsi, alternatiba goxoak egon badaude gure Gabonetako menua hain garestia ez izateko.
Elkartasun uholde bati esker, EITB Maratoiak 361.665 euro batu ditu zahartze osasuntsuaren aldeko ikerketarako
Beste urte batez, ehunka pertsonak eta erakundek euren onena eman dute zahartze osasungarria ikertzeko dirua biltzeko. Guztira, egun osoan zehar, EITB Maratoiak 361.665 euro batzea lortu du, eta kopuru horrek hazten jarraituko du datozen egunetako dohaintzei esker.