Osasun Sailak "kezka" agertu du EHUk Medikuntzako euskarazko plaza berrien kopurua "murriztu" duelako
Eusko Jaurlaritzako Osasun Saila "oso kezkatuta" agertu da Euskal Herriko Unibertsitateak (EHU) 2025/2006 ikasturterako aurreikusitako Medikuntzako euskarazko plaza berrien kopurua "nabarmen murrizteko" hartutako erabakia dela eta.
Alberto Martinez sailburuak zuzentzen duen sailak gaur zabaldutako oharrak dio iazko urrian akordioa lortu zela EHUko errektoretza taldearekin, Medikuntzako euskarazko graduan 40 plaza gehiago eskaintzeko. "Azkenean, ordea, hitzartutako igoera hori EHUk alde bakarrez murriztu du; hala, adostutako 40 plaza berrien ordez 16 baino ez dira eskainiko, hau da, % 60 gutxiago, beharrezko plazak baina ez nahikoak", zehaztu dute agirian.
Konpromiso hori ez betetzeak, Jaurlaritzaren iritzian, "gure osasun-sistemaren harrobia den fakultate baten hezkuntza eskaintzaren kalitatea murriztea dakar".
"40 plazako proposamena, biztanleriaren beharrizanen eta EHUren benetako aukeren azterketan oinarritua, beharrezkoa da, medikuntzako profesionalik ez dagoelako; legezkoa da, lanpostuen % 15eko igoera gainditzen ez duelako; eta egingarria da, Ministerioaren finantzazioa izanik", erantsi dute.
Baliabiderik ez
Berehala etorri da EHUren erantzuna. Argi esan du datorren ikasturtean euskarazko 40 plaza gehiago kalitatez eskaintzea ezinezkoa dela egungo baliabideekin. Irakasleak eta espazioa falta dira, unibertsitatearen hitzetan.
Horrez gain, erakunde horrek argitu du joan den urrian egindako bileran, aurreko errektore taldeak eta Joseba Pineda orduan Medikuntzako eta Erizaintzako Fakultateko dekanoak jada helarazi zietela Osasun Sailari euskarazko plazak zabaltzeko zituzten zailtasunak, baliabide faltagatik.
Hurrengo ikasturteetan kopurua pixkanaka handitzen joatea da EHUren asmoa, eta hori jakinarazi zion Martinez sailburuari martxoan egindako batzarrean.
Zure interesekoa izan daiteke
Mariatxi talde batek Bizkaiko DYAko presidente ohia hartu du Bizkaiko Lurralde Auzitegiaren atarian
Fernando Izaguirre Bizkaiko DYAko presidente ohia epaitzen hasiko dira astearte honetan, gobernuz kanpoko erakundearenak ziren 4,75 milioi euro bereganatzea leporatuta. Fiskaltzak eskatu du akusatu naguiak 7 urteko kartzela-zigorra bete dezan, iruzurra egitea egotzita.
Ikerketa batek melatonina luzaroan kontsumitzea bihotz-gaixotasunen bat izateko arriskuarekin lotu du
Amerikako Bihotzaren Elkarteak aurkeztutako lan batek eztabaida sortu du adituen artean, iradoki baitu urtebete baino gehiagoz melatonina hartzeak bihotz-gutxiegitasuna izateko arriskua areagotu dezakeela. Espezialistek lasaitasunerako deia egin dute, eta gogorarazi dute farmazietan errezetarik gabe saltzen diren produktuak ezin direla bi miligramotik gorakoak izan.
Abisu horia baso-sute arriskuagatik EAEn
Abisua indarrean egongo da asteartean eta asteazkenean, hegoaldeko haize-bolada bortitzak aurreikusten direlako.
Gaur hasiko da Bizkaiko DYAko presidente ohiaren aurkako epaiketa, 4,75 milioi euro bereganatzea leporatuta
Fiskaltzak 7 urteko espetxe zigorra eskatu du Fernando Izaguirrerentzat.
21 urteko gizonezko bat atxilotu dute Gasteizen, bikotekideari eraso egin eta telefono mugikorra kentzeagatik
Gertakariak joan den larunbatean jazo ziren, 08:30 inguruan.
Asteburu honetan egingo dute udazkeneko bilketa handia elikagaien bankuek
Beharra duten familiei laguntzeko, elikagaiez eta bestelako hainbat produktuz biltegiak betetzea dute helburu elikagaien bankuek. Aurten, dohaintzez gainera, lanerako boluntarioak ere eskatu dituzte.
Asiar liztorra, espezie inbaditzaile eta kezka eragilea
Bi astean hiru pertsona hil dira Galizan asiar liztorrek ziztatuta. Horrek espezie inbaditzaileak eragiten duen kezka areagotu egin du Euskal Herrian ere. Zer egin beharko genuke asiar liztorren habia ikusten badugu? Oier Alberdi liztor beltzaren tratatzaileak zenbait aholku eman ditu gai konplexu horri aurre egiteko.
Taldean egindako eraso faxista eta LGTBIfobiko bat salatu dute Gorraizko jaietan
Berhezi Berdintasun Kontsultorioak azaldu duenez, taldeak ikur frankistak eta falangistak zeramatzan. Bestalde, Kontsultorioak kritikatu du Eguesibarko Udalak irailean gertatutako erasoaren aurrean deus ere ez esan izana.
Motor-gidari bat hil da Lemoizen gertatutako trafiko-istripu batean
Istripua gertatu den BI-3152 errepidea itxita dago, eta Ertzaintzak izapideak ireki ditu arrazoiak argitzeko.
Sarrigurenen atxilotutako gizona espetxeratu dute, adingabe bati sexu-erasoa egiteagatik
Fiskaltzak behin-behineko espetxeratzea eskatu du, komunikatua eta fidantzarik gabea, 16 urteko adingabe bati penetrazioarekin egindako sexu-eraso (bortxaketa) delitu batengatik.