Araba Euskaraz jaiaren kokapena aldatu eta Armentia ikastolan, Mendizorrotzan eta Prado parkean egingo dute
Gasteizko lorezainak egiten ari diren greba mugagabeak ohiko kokapena (Olarizu) aldatzera behartu ditu antolatzaileak. Hala ere, egitarauari eutsi egingo diote, eta, aurreikusi bezala, igande honetan (ekainak 15) ospatuko da.
2024ko Araba Euskaraz jaia, Gasteizko Olarizuko zelaietan. Argazkia: EFE
Kokaleku aldaketarekin bada ere, datorren igandean (ekainak 15) ospatuko da Araba Euskaraz jaia Gasteizen, "Etengabe" lelopean. Azken urteetan bezala Olarizuko zelaietan egitea zen antolatzaileen asmoa, baina Gasteizko lorezainak egiten ari diren greba mugagabea tarteko, Armentia ikastolan, Mendizorrotzan eta Prado parkean egingo dute azkenean. Dena den, hasierako datari eta egitarauari eutsi egingo diote.
Antolatzaileek gaur goizean Arabako Ikastolen Elkartearen egoitzan eskaini duten prentsaurrekoan azaldu dutenez, ez dute "garantiarik" lortu Olarizuko parkea igande honetan jaia ospatu ahal izateko moduan egoteko, eta horregatik hartu dute erabakia.
Aurreko hiru urtetan bezala, Arabako zortzi ikastolen artean antolatu dute Araba Euskaraz festa, eta aurten bildutako dirua Bastida ikastola laguntzeko bideratuko da. Bastida ikastolaren hezkuntza proiektua ezagutzera ematearekin batera, Arabar Errioxan euskararen erabilpena aldarrikatzeko eta bultzatzeko, eta erabilpen eremuak zabaltzeko baliatu nahi dute igandeko hitzordua.
Egun osoko egitaraua, hiru gunetan banatuta
Euskal kultura ardatz eta herritarrak protagonista izango diren egitarau "askotarikoa" eta "parte-hartzailea" antolatu dute iganderako. Antolatzaileek adierazi dutenez, adin guztietako herritarrei zuzendutako egitarau zabala prestatu dute: ikuskizunak, musika, tailerrak edota jolasak.
Jaia hiru gunetan banatuko da: Armentia ikastola (Lautada gunea), Mendizorrotzako aparkalekua (Mendia gunea) eta Prado parkea (Erreka gunea).
Aholkuak
Araba Euskarazeko antolakuntzatik hainbat gomendio luzatu dituzte, tartean, Gasteizera joateko garraio publikoa erabiltzea. Autoz joango direnei, berriz, Paseo del Peregrino kalean prestatutako aparkalekura joateko eskatu diete. Azkenik, edalontziak etxetik eramateko deia egin dute.
Zure interesekoa izan daiteke
Jendetza bildu du Korrikak Maulen
Lurraldeko eta hiriburuko hainbat elkarte eta herriko etxe ikusi ditugu parte-hartzen, hala nola, Sohütako pastorala, UEU, Palestinaren aldeko elkartea, Pitxu gaztetxea, Xiberoko Botza eta beste hainbat. Handik Nafarroa Beherea alderako bidea hartu du. Gaueko 22:00 pasata sartuko da lurralde hartan Aiherratik.
Pertsona bat erietxera eraman behar izan dute Baionan gertatu den sute baten ondorioz
Sua 14:15ak inguruan piztu da garra Baiona Tipiko Kupelgileak karrikako eraikin batean. Suhiltzaileek eraikina hustu dute bertaratu orduko. Hirugarren solairuan zegoen gizonezko bat larrialdi zerbitzuen laguntzarekin atera behar izan dute eta Baionako erietxera eraman dute kea arnastuta. Garrak itzali badituzte ere, auzo guztiko elektrizitatea eta gasa moztu dituzte, prebentzio neurri gisa. Eraikinak kalte ugari izan ditu eta bere egoera hurrengo orduetan aztertu beharko da. Bizilagunek gaua etxetik kanpora igaroko dute.
Atharratzetik abiatu da 24. Korrika, festa giroan, pizkundearen akuilu izatea xede
Ibilbide osoa zuzenean ikusteko aukera dago ETB ON plataforman, EITBren telebista plataforma digital berrian. Euskararen lekukoa martxan da jada, eta Atharratzetik abiatu den oihuak Euskal Herri osoa zeharkatuko du beste behin. Bilbon amaituko da, martxoaren 29an, igandez.
Euskal jatorriko 114.400 pertsona atzerrian bizi dira, duela urtebete baino % 5,5 gehiago
Gehienak Amerikan bizi dira, Argentinan zehazki, INEk urtero argitaratzen duen Atzerrian bizi diren espainiarren erroldaren (AEE) arabera.
32 urteko emakumezko bat zauritu da Iruñean, ibilgailu batek harrapatuta
Ezbeharra 07:32an gertatu da, Arrosadia auzoan. Emakumeak kolpe ugari jasan ditu, hortaz, Iruñeko Unibertsitate Ospitalera eraman dute, pronostiko erreserbatuarekin.
Trafikoa bere onera itzuli da A-8an Irun parean, baina auto-ilara txikiak oraindik daude Kantabriarako noranzkoan, Abanton
Zubiaren hasieran trafiko-eragozpenak izan dira A-8 autobidean.
Furgoneta-gidari bat zauritu da A-1 errepidean, Asparrenan, errepidetik atera eta bazter-babesaren aurka talka eginda
Istripua ostegun honetako 08:45ean jazo da. Zauritutako gidaria ospitalera eraman dute.
Albiste izango da: Korrikaren hasiera, Ekialde Hurbileko azken ordua eta Europako Kontseiluaren bilera
Gaurkoan Orainen albiste izango direnen laburpena, bi hitzetan.
Atharratzetik Bilbora, Korrikak euskararen paisaia guztiak zeharkatuko ditu
Euskararen aldeko ekimenak hizkuntzaren errealitate guztiak zeharkatuko ditu 11 egunez eta 10 gauez. 2.175 kilometro inguru egingo ditu Korrikak eta 460 herritatik igaroko da. ETB On plataformak etenik gabe jarraituko du ibilbidea, eguneko 24 orduetan.
ELAk adierazi du CCOOko kide batzuek euskaldunen hizkuntza eskubideen aurkako kanpaina abiatu dutela
ELAk adierazi du bat datorrela AEKrekin, Korrikaren antolatzailearekin, eta babestu egin du CCOOren zuzendaritza lasterketatik baztertzeko erabakia. ELA sindikatuak “euskararen aurka antolatutako kanpaina” baten parte izatea leporatu die CCOOko kide batzuei, eta, zentzu horretan, erabat "koherentea" iruditzen zaio Korrikan parte ez hartzen ez uzteko erabakia hartu izana.