380 ekitalditik gora, Donostiako Aste Nagusiaz gozatzeko
Uliako Mintegien parkean Dantz Point jaialdia egingo dute, eta, gainera, castellersak izango dira Alderdi Ederren, hilaren 15ean. Su artifizialek 60 urte betetzen dituztela ospatzeko, parte-hartzaile guztiak aurreko urteetan saritutako pirotekniak izango dira.
Hasi da Donostiako Aste Nagusirako atzerako kontaketa. Zortzi egunez, abuztuaren 9tik 16ra, 380 jai-ekitaldi baino gehiago antolatu dituzte hiriko 34 gunetan. Beti bezala, kanoikadak emango die hasiera jaiei, eta aurretik, Elikagaien Bankuak eta Amara Berriko Auzo Elkarteak Artillero abestuko dute.
Astelehen honetan aurkeztu du Udalak Donostiako Aste Nagusiko jai-egitaraua. Berritasunen artean, aipatzekoa da Uliako Mintegien parkean Dantz Point jaialdia izango dela, musika elektronikoa maite dutenentzat. Gainera, abuztuaren 15ean, Euskal Herriko eta Lleidako castellers taldeekin arituko da erraldoien konpartsa.
Su artifizialek 60. edizioa dute aurten, eta berezia izango da; izan ere, parte-hartzaile guztiak aurretik saritutako pirotekniak izango dira. Aste Nagusiari amaiera emango dion ikuskizun piromusikalak, bestalde, hiru zuzeneko izango ditu Izaro, Janus Lester eta Joselontxos txarangaren eskutik.
Saguesen ez da musika faltako. Besteak beste, Leire Martinez, OBK, Dupla, Janus Lester, Sexy Zebras eta Vicco igoko dira oholtza gainera.
Eta jaietako ohiko ekitaldiak ere izango dira aurten, esaterako, gastronomia lehiaketak, erraldoiak eta buruhandiak eta herri-kirolak. Abuztuaren 14ko gauean Festara abestuko dute hiru agertokitan (Alde Zaharra, Antigua eta Amara).
Prentsaurrekoan, Donostiako alkate Eneko Goiak eta Kultura, Euskara eta Turismo zinegotzi Jon Insaustik donostiarrei dei egin diete jaiak askatasunez bizitzeko, guztiok disfrutatu ahal izan dezagun publiko guztientzat prestatutako jarduera egitarauarekin.
Zure interesekoa izan daiteke
Zaldi-probek beteko dute idi-proben lekua Abadiñoko San Blas egunean
Erroskilla eta eztarria babesteko lokarriekin batera, idi-probek leku berezia izan ohi dute San Blasetan, baina, aurtengoan, egitarauan moldaketak egin behar izan ditu Udalak, dermatosiaren ondorioz.
Dermatosi Nodular Kutsakorraren aurkako neurriak eguneratu ditu Jaurlaritzak
Behi-aziendak egotea debekatuta egongo da azoka eta erakustaldietan, baina aldundiek salbuespenez baimendu ahal izango dute ustiategi bereko behiak egotea, zenbait baldintza beteta. Neurri horrek, ate joka diren inauterietako bigantxen ikuskizunak eta sokamuturrak egitea ahabildetuko dezake.
Onddoekin egindako ontziak errealitate izan daitezke etorkizunean
Gueñesko Basque Biodesing Centerren urteak daramatzate mizelioa ikertzen. Onddoetatik datorren materiala da, urarekiko erresistentea eta biodegradagarria, eta etorkizunean plastikoa edo kartoiak ordeztu ditzake ontziak egiteko.
Iraungitako dosiarekin txertatutako haurtxo baten amak salatu du "segurtasunik eza" ematen diola egoera horrek
Iraungitako Hexabalente txertoaren dosi bat jaso zuen haurtxo baten amak deitoratu du egoera horrek "segurtasunik eza" eragiten diola, beti pentsatu izan baitu Osakidetzak dena ondo egiten duela. Barkamena eskatu diotela eta adingabeari txertoa berriro jartzeko hitzordua eman diotela ziurtatu du.
Adi Bilbo inguruko errepideetan, seik izena aldatu dute eta, A-8a barne
Gidariek eta nabigatzaileek izen berriekin ohitu beharko dute orain. Garai bateko Hegoaldeko saihesbideak BI-10 izena hartuko du, eta Txorierriko igarobidea BI-30 izango da aurrerantzean.
Osakidetzak asteon bukatuko du iraungitako dosia jaso zutenen birtxertaketa
Hexabalentearen kasuan, gaizki txertatutako 30 lagunetatik gehienek jaso dute dosia, eta bestela, gaur-biharretan izango dute. Tetrabalente eta hirukoitz birikoari dagokionez, asteon amaituko dutelakoan dago Osakidetza.
Tolosako inauterietan bigantxak izango dira azkenean
Gipuzkoako Aldundiak behin-behinean baimendu ditu inauterietan bigantxekin egiten diren ekitaldiak eta sokamuturra. Abenduan, Frantzian dermatosi nodular kasuek gora egin zutelako erabaki zuten Jaurlaritzak eta Nafarroako Gobernuak abelburuen joan-etorriak mugatzea eta behi erakusketak, idi probak eta sokamuturra debekatu zituen, agindu bidez.
Iaz 80 pertsonak jaso zuten eutanasia EAEn, aurreko urtean baino % 62k gehiagok
Eutanasia eskaerak 120 izan ziren, eta aurreko urtean, 74.
EAEko ikastetxeetan aurrematrikula egiteko gida
Gaurtik otsailaren 13ra arte egin ahal izango da aurrematrikula online zein aurrez aurre, eta hemen jaso dugu jakin beharreko informazio guztia.
EH Bilduk iraungitako txertoen inguruan egindako ohartarazpena "sobera" zegoen, Osasun Sailaren ustez
Lore Bilbao Osakidetzaren zuzendari nagusiak ETB1eko "Egun On" saioan azaldu duenez, familiei "mezu argi bat" helarazi nahi zieten, eta, horretarako, txostenak eskatu zituzten. Horien zain zeudenean egin zuen EH Bilduk eman zuen auziaren berri. "10 egun lehenagotik baldin bazekiten, zergatik ez zuten ezer egin? Kasu honetan guk bagenekien, baina zer gertatuko litzateke jakin izan ez bagenu?", galdetu du.