Bi bikote-lagun atxilotu dituzte Gasteizen, elkarri eraso egitea leporatuta
Udaltzaingoak ageriko zauriekin aurkitu zituen atxilotutako gizona eta emakumea.
Gasteizko Udaltzaingoak 29 urteko bi bikote-lagun, gizon-emakumeak, atxilotu ditu, eztabaida batean elkarri eraso egitea egotzita.
Eztabaida igandean izan zen, 13:15ak aldera, Gasteiz hiribideko etxebizitza batean. Udaltzaingoari jakinarazi zioten bikote bat eztabaida gogorra izaten ari zela. Esandako etxebizitzara iritsi zirenean, biak zaurituta aurkitu zituzten agenteek, ageriko zauri egin berriak zituztela.
Ebidentzia horiek ikusita eta inplikatutako biei deklarazioa hartu ondoren, biak atxilotu zituzten; gizona genero-indarkeriako delitu batengatik, eta emakumea etxeko indarkeriako delitu batengatik.
Gizarteari buruzko albiste gehiago
Karabela portugaldarrek Bizkaiko hainbat hondartzetako bainua aztoratu dute
Isuntzan (Lekeitio) bandera gorria jarri eta bainua debekatu behar izan dute. Muskizen, Getxon, Sopelan eta Ibarrangelun ere abisuak jaso dituzte.
21 urteko gazte bat hil da Biriatun, balkoi batetik erorita
Gaztea oporretan zegoen Lapurdin. Larunbatean, erorikoaren ondoren, Baionako erietxera eraman zuten eta igandean hil zen. Fiskaltzak ikerketa zabaldu du gertatutako argitzeko.
Gasteizen aurkitutako gorpua maiatzean desagertutako emakume batena izan daiteke
Eusko Jaurlaritzako Segurtasun Saila gorpuari egin zaizkion frogen emaitzen zain dago bere nortasuna behin betiko berresteko. Hala ere, jantziak eta ezaugarri fisikoak bat egiten dute maiatzean desagertutako 72 urteko emakumearenarekin eta, beraz, bere bilaketa bertan behera utzi dute.
Guraso bakarreko familiak egiaztatzeko baldintzak sinplifikatzea eskatu du EGABek
Kontseiluak "positiboki baloratzen" du Eusko Jaurlaritza dekretua lantzen aritzea, “babes berezia eman nahi baitie pobrezia-arriskuan, kontziliatzeko zailtasunekin eta gizarte-bazterketako egoeran dauden familia mota horiei”.
Motor bateko bi bidaiariak zauritu dira Valtierran, auto baten kontra talka eginda
Zaurituak 62 urteko gizon bat eta 28 urteko emakume bat dira. Biak ospitalera eraman dituzte.
Euskal diaspora, Mikel Reparazen erreportaje sortaren bidez
Aste honetan zehar, ETBri esker, diaspora bertatik bertara ezagutuko dugu, erreportaje berezi batzuen bitartez, Mikel Reparazen eskutik.
380 ekitalditik gora, Donostiako Aste Nagusiaz gozatzeko
Uliako Mintegien parkean Dantz Point jaialdia egingo dute, eta, gainera, castellersak izango dira Alderdi Ederren, hilaren 15ean. Su artifizialek 60 urte betetzen dituztela ospatzeko, parte-hartzaile guztiak aurreko urteetan saritutako pirotekniak izango dira.
Euskal kulturaren agertoki bihurtuko da berriro Boise, Jaialdia itzuli da eta
Egitarau bete-betearekin dator bueltan Boiseko Jaialdiaren zortzigarren edizioa, eta uztailaren 29tik abuztuaren 3ra euskal musikak, gastronomiak, dantzak eta herri kirolek hartuko dute hiria.
Uribarri Ganboako urtegiak estalitako herrietako bizilagunak omendu dituzte
50eko hamarkadan urtegia eraikitzeko urpean geratu ziren Ganboa haraneko herrietako biztanleak omentzeko oroitarria jarri dute, Ramiro Gonzalez Arabako ahaldun nagusia bertan zela. Ganboa, Barrundia eta Arratzua-Ubarrundia inguruko hainbat herri ur azpian geratu ziren.