Gasteizen aurkitutako gorpua maiatzetik agertu barik egondako emakume batena izan daiteke
Eusko Jaurlaritzako Segurtasun Saila gorpuari egin zaizkion frogen emaitzen zain dago, nor ote den jakin nahi baitu. Hala ere, jantziak eta ezaugarri fisikoak bat egiten dute maiatzean desagertutako 72 urteko emakumearenarekin, eta, beraz, utzi diote bilatzeari.
Zantzu guztien arabera, igandean Gasteizko Uskerra-Lasarte landa-eremuan agertu zen hilotza maiatzaren amaieraz geroztik Arabako hiriburuan desagertu zen eta alzheimerra zuen 72 urteko emakumea da.
Eusko Jaurlaritzako Segurtasun Saila gorpuari egin zaizkion proben emaitzak jaso zain dago, nor ote den jakiteko. Hala ere, 72 urteko emakumea bilatzeari utzi diote; izan ere, jantziak eta ezaugarri fisikoak hilotzarenekin bat datoz.
Nekazari batek aurkitu zuen emakumearen gorpua, igande arratsaldean. Ertzaintzari abisua eman ondoren, bertaratu ziren ertzainek eta larrialdi-zerbitzuetako langileek baieztatu zuten emakume baten gorpua zela. Gorpua Auzitegi Medikuntzako Euskal Institutuaren esku utzi zuten.
Gizarteari buruzko albiste gehiago
Tuberkulosi kasu batek prebentzio eta kontrol protokoloa aktibatu du EHUko Zientzia Fakultatean
Eusko Jaurlaritzako Osasun Sailak eta Osakidetzak 70 kontaktu identifikatu dituzte. Hurrengo egunetan azterketak eta jarraipena egingo zaie.
Gasteizko errefuxiatuen zentroko plazak 200era murriztea ez dela nahikoa adierazi du Melgosak
Nerea Melgosa Eusko Jaurlaritzako Ongizate, Gazteria eta Erronka Demografikoko sailburuaren ustez, Espainiako Gobernuak Gasteizen errefuxiatuak hartzeko proiektatutako zentroaren edukiera 350 plazatik 200era murriztea "ez da nahikoa", eta "harrerako euskal eredua" babestu du, berriro.
Auzitegi Nazionalak ez du onartu Israeli Vueltan boikota egitea egotzita jarritako salaketa, eskumen falta dela eta
Salaketa hori protesta egin dutenen eta erakunde bultzatzaile zein babesleen aurka jarri zuten; besteak beste, EH Bildu, Podemos, Izquierda Unida eta Sumar alderdi politikoen aurka.
Bertan behera geratu da Bilbon hilaren 17rako iragarritako Israelgo enbaxadorearen hitzaldia
Dana Erlichek "Israelen ikuspegia bere eskualdearen testuinguruan" izenburupean eman behar zuen hitzaldia bertan behera gelditu dela iragarri aurretik, Juan Mari Aburto alkateak gezurtatu egin du Bilboko Udalak ekitaldia babestu izana.
Nafarroako bizilagun bat ari dira ikertzen TikToken argitaratutako aurreratze arriskutsu batengatik
Guardia Zibilaren Trafikoko Ikerketa eta Azterketa Taldeak aldizka sare sozialetan egiten duen monitorizazioari esker izan dute horren berri. TikToken argitaratutako bideo batean ikusi zuten agenteek noranzko bikoitzeko N-232 errepidean, Errioxa parean, kamioi batek aurreratze arriskutsua egin zuela kontrako erreia inbadituz.
Maritxu Kajoi festan jasangarri eta dotore joateko, bigarren eskuko azoka jarriko du Emausek Arrasaten
Bigarren eskuko azoka zabalik egongo da, Fundazioak Arrasaten duen egoitzan, gaur, irailak 12, 17:00etatik 20:00etara, eta irailaren 20an, 10:30etik 13:30era.
Izena emana zuten zazpi jokalari israeldarrek baja eman dute Sestaoko Xake Txapelketan
Asteon jakin da horietako hiruk ez zutela parte hartuko, eta ostiral goizeko lehen orduan Sestaoko Xake Klubeko antolatzaileek baieztatu dute ez dela Israelgo jokalaririk izango Las Llanaseko pilotalekuan egingo den txapelketan.
Protestek ez dute etenik Vueltan, baina Fiskaltzaren ustez ez dira Audientzia Nazionalaren eskumena
Valladoliden jokatu den erlojuaren kontrako etapan bi pertsona atxilotu dituzte eta aske gelditu dira ondoren. Horrez gainera, beste 15 identifikazio egin dituzte polizia-agenteek.
Sestaoko xake txapelketa bandera eta sinbolorik gabe jokatuko da
Gazako sarraskia dela eta, Sestaoko Xake taldeak jokalari israeldarrei eskatu zien txapelketan ez parte hartzeko edo nazioarteko federazioaren banderapean jokatzeko. Nazioarteko Xake Federazioak, ordea, erabaki horren aurka egin du. Ondorioz, Las Llanas pilotalekuan nazioarteko banderarik edo sinbolorik ez egotea erabaki dute; Palestinako bandera bat soilik, “elkartasun espresio gisa”. Israelgo hiru jokalarik parte hartzeari uko egin diote.
ELA sindikatuaren ustez, Beatriz Artolazabalen aurkako panfletoen jaurtiketa "guztiz gaitzesgarria" da
Rafael Busto ELA sindikatuko ordezkariak adierazi duenez, ez dute inor seinalatu nahi. "Gure lan-gatazka konpondu nahi dugu. Ez diogu errua inori egozten, Gasteizko Udalari baizik", gaineratu du Bustok.