Hiru pertsona atxilotu dituzte Obanosen, horietako bat larri zaurituta, etxebizitza batean izandako leherketa batean
Lehen hipotesien arabera, hiru atxilotuak leherketa eragin duen osagairen bat manipulatzen ari ziren.
Guardia Zibilak hiru pertsona atxilotu ditu bart Nafarroan, Obanosen, etxebizitza batean gertatu den leherketa dela eta.
Halaber, hiru atxilotuetako bat zauri larriekin dago Nafarroako Unibertsitate Ospitalean, Guardia Zibilaren zaintzapean.
Leherketa atzo 19:30ak aldera gertatu zen, etxebizitza bateko sukaldean.
Ezbeharraren ondorioz, sukaldea erabat hondatu da eta ondoko etxeetan ere kalteak izan dira. Hala ere, itxuraz, eraikinaren egituran ez dago kalte handirik.
Lehen hipotesien arabera, hiru atxilotuak osagairen bat manipulatzen ari ziren leherketaren unean.
Etxean zeuden hiru pertsona atxilotu zituen Guardia Zibilak, eta etxebizitzaren ondoan zegoen auto baten barruan 10 kilo marihuana aurkitu zituzten.
Nafarroako Guardia Zibilak hartu du bere gain ikerketa.
Zure interesekoa izan daiteke
Espainiako Gobernuak sare sozialetan sartzea debekatuko die 16 urtetik beherakoei
Pedro Sanchezek iragarri du Espainiak sare sozialen zuzendariak erantzule egingo dituela legez kanpoko eta gorrotozko edukiengatik.
Goiz gorabeheratsua Kataluniako Rodaliesen, zirkulazioa bi bider eten da eta
Lehen mozketa 07:10 eta 07:15 artean gertatu da; bigarrena, berriz, 08:08 eta 08:19 artean. Renfek adierazi duenez, trenak normaltasunez dabiltza dagoeneko.
38 urteko gizon bat hil da Bergaran, auto batek harrapatuta
Ezbeharra 07:15ean gertatu da, Ibarra kalean.
Auto-ilarak Bilbon, hainbat ibilgailuk istripua izan baitute Zorrotza parean
Hiru ibilgailuk talka egin dute eta ondorioz erreietako bat itxi dute. Hori dela eta, lau kilometrorainoko auto-ilarak sortu dira.
Albiste izango dira: iraungitako txertoak, San Blas eguna eta EEEa Tubos Reunidosen
Gaurkoan Orain-en albiste izango direnen laburpena, bi hitzetan.
Zaldi-probek beteko dute idi-proben lekua Abadiñoko San Blas egunean
Erroskilla eta eztarria babesteko lokarriekin batera, idi-probek leku berezia izan ohi dute sanblasetan, baina, aurtengoan, egitarauan moldaketak egin behar izan ditu Udalak, dermatosiaren ondorioz.
Dermatosi nodular kutsakorraren aurkako neurriak eguneratu ditu Jaurlaritzak
Behi-aziendak azoka eta erakustaldietan egotea debekatu da, baina aldundiek salbuespenez baimendu ahal izango dute ustiategi bereko behiak egotea, zenbait baldintza beteta. Neurri horrek ate joka diren inauterietako bigantxen ikuskizunak eta sokamuturrak egitea ahabildetu dezake.
Onddoekin egindako ontziak errealitate izan daitezke etorkizunean
Gueñesko Basque Biodesing Centerren urteak daramatzate mizelioa ikertzen. Onddoetatik datorren materiala da, urarekiko erresistentea eta biodegradagarria, eta etorkizunean plastikoa edo kartoiak ordeztu ditzake ontziak egiteko.
Iraungitako dosiarekin txertatutako haurtxo baten amak salatu du "segurtasunik eza" eragin diola egoerak
Iraungitako txerto hexabalentearen dosi bat jaso zuen haurtxo baten amak esan du egoerak "segurtasunik eza" eragin diola, beti pentsatu izan baitu Osakidetzak dena egiten duela ondo. Horrez gain, adierazi du barkamena eskatu eta adingabeari txertoa berriro jartzeko hitzordua eman diotela.