Irungo taxilariek salatu dute eraso "basati bat" izan dela, eta indarkeria areagotu egin dela ohartarazi dute
Pikoketa kalean lanean ari zela, taxilari bati hainbat lagunek eraso egin zioten, eta masailezurra hautsi eta begi batean isuri bat eragin zioten.
Irungo taxilariek apirilaren 4ko gauean izandako "eraso basati" bat salatu dute. Orain eman dute gertakarien berri, eta sektorean indarkeria areagotu egin dela ohartarazi dute. Pikoketa kalean izan zen erasoa. Zerbitzuan zegoen taxilari bati errieta egin zion talde batek, eta likidoz beterik zegoen edalontzi bat jaurti zuten ibilgailuaren kontra.
Gidaria ibilgailutik kargu hartzera atera zenean, bizkarretik eraso egin zioten eta bortizki kolpatu zuten, Taxi Bidasoa elkarteak ohar batean azaldu duenez. Herriko 59 profesional biltzen ditu elkarteak.
Erasoaren ondorioz, masailezurra hautsi zioten taxilariari, ezkerreko begian isuri handia izan zuen eta beste zauri larri batzuk izan zituen.
Hainbat egunetan proba medikoak egin ondoren, gaixoari larrialdiko ebakuntza egin behar izan zioten joan den astean, kolektiboak emandako informazioaren arabera.
Irungo Udaltzaingoa gertakarien ikerketaz arduratu da, eta sektoreak salatu duenez, indarkeria gero eta handiagoa da. Horren ondorioz, gero eta taxilari gehiagok ez dute gaueko ordutegian lan egin nahi, beste eraso batzuen beldur.
Testuinguru horretan, onartezina iruditzen zaie funtsezko zerbitzu bat ematen dutenek bizimodua atera ala osotasun fisikoa arriskuan jarri artean aukeratu behar izatea, eta segurtasuna indartzeko neurriak eskatu dituzte.
Zure interesekoa izan daiteke
44 urteko garraiolari bat hil da Murchanten, beste kamioi batekin izandako istripu batean
Ezbeharra AP-68an gertatu da. Bertaratu diren langileek ezin izan dute ezer egin hildakoaren bizia salbatzeko. Istripuan 41 urteko beste garraiolari bat zauritu da.
Eusko Jaurlaritzak EHUri eskatu dio euskara azterketetako zeroen auziko "balizko gorabeherak" aztertzeko
Unibertsitate eta Hezkuntza sailburuek eta errektoreak urgentziazko bilera bat egin dute, giro adeitsuan. Aurretik, Jaurlaritzako bozeramaileak azkartasuna eskatu du zuzenketetan, eta zuzenketa horiek unibertsitatearen esku daudela esan du. EHUk erantzun du "prozesu guztia" Eusko Jaurlaritzarekin batera egiten dela.
Bi pertsona atxilotu dituzte Bizkaian, Hezbollahrekin zerikusia dutelakoan
Operazioa sekretupean dago, eta ez dute xehetasun gehiagorik zabaldu. Libanoko taldearen beso armatua Europar Batasuneko erakunde terroristen zerrendan dago; ez, ordea, alderdi osoa.
Lau segurtasun kamera suntsitu dituzte Gasteizko Alde Zaharrean
Gasteizko Udalak adierazi duenez, erasoak ostiralean hasi ziren eta astelehen gauean jarraitu dute, eta milaka euroko kalteak eragin dituzte.
Honelakoa da USaPeko azterketak berrikusteko prozesua
Gauerdian amaitu da unibertsitatera sartzeko proba berrikustea eskatzeko epea, eta behin betiko kalifikazioak ekainaren 22an argitaratuko dira.
Taxien Gasteizko ordenantza berriak sektorearen gehiengoaren babesa jaso du eta onartzeko bidean da
Profesionalen segurtasuna eta gauerako gutxieneko zerbitzuak dira hobetu daitezkeen alderdietako batzuk. Zerbitzu horietarako, 50 taxiko partidari eutsiko dio Udalak.
Errenteriako Bertso Eskolako erasoen auzia artxibatu dute, salaketarik ez dagoelako
Ez dago inolako salaketarik, eta Fiskaltzak ezin du ofizioz jardun salaketarik ez dagoenean.
Hiru etxebizitza hustu behar izan dituzte Gazolazen, Oltza zendean piztutako sute batengatik
Sutea piztu da arratsaldean Oltza zendean, Nafarroan. Zereal soro batean piztu da sua, eta Gazolazko hiru etxebizitza hustu behar izan dituzte, badaezpada. Pinudi bat ere harrapatu dute sugarrek. 20:30 aldera lortu dute sutea kontrolpean hartzea. Gauean, sua erabat itzaltzen eta ingurua freskatzen arituko da suhiltzaile talde handi bat.
USaPeko euskarazko azterketan zerokoa duten ikasleek protesta egin dute Bilbon
Dozenaka ikasle ez daude konforme USaPeko euskarazko azterketan lortutako emaitzarekin, eta, irakasleekin batera, egoera argitu dadin eskatzeko elkarretatzea egin dute Bilboko Ingenieritza Fakultate kanpoan.
Zortzi urte eta erdiko kartzela-zigorra ezarri diote Rafa Mir futbolariari, sexu-erasoagatik eta lesioengatik
Bigarren akusatu bati 2 urteko kartzela-zigorra ezarri diote, sexu-eraso delituengatik.