Lemoizko akuikultura proiektua atzera botatzea eskatu du Greepeacek, itsasoari "kalte" egingo diolakoan
Talde ekologistaren arabera, mihi-arrainaren kasua "bereziki kezkagarria da", ez bakarrik itsas uren kalitatean izan dezakeen eraginagatik, baizik eta espezie arrainjalea izanda, beste arrain espezieentzat arriskutsua izan daitekeelako.
Lemoizko zentral nuklear zaharraren egungo ikuspegia. Argazkia: EFE
Lemoizko zentral nuklear zaharrean mihi-arraina hazteko iragarri duten akuikultura-proiektua bertan behera uzteko exijitu du Greenpeacek, Kantauriko kostaldeari eragingo dion "kaltea" dela eta. Horrekin batera, Basordas kala "lehengoratzeko premia" nabarmendu du.
Akuikulturak itsas-ekosistemetan duen "inpaktu negatiboaz" ohartarazi du talde ekologistak, batez ere, arrainjaleak diren espezieak direnean. Besteak beste, materia organikoak eta substantzia toxikoek (aguizidak, bakterizidak eta antibiotikoak) ura kutsatzen dutela salatu du, eta gaixotasunen transmisioa, itsas ingurunea eutrofizatzea (argia eta oxidoa murriztea) eta ozeanoen gehiegizko ustiapena ere aipatu ditu, akuikultura-proiektuak eragin ditzakeen kalteen artean.
Horrez gain, azaldu du mota horretako haztegiek ez dutela bermatzen "arrainen ongizatea", egitura itxietan edo kaioletan "pilatuta" egoteak, "lesioak" eragiten dituelako.
Zentzu horretan, mihi-arrainaren kasua "bereziki kezkagarria" dela gaineratu du kolektiboak, ez bakarrik itsas uren kalitatean izan dezakeen eraginagatik, baizik eta espezie arrainjalea izanda, beste arrain espezieentzat arriskutsua izan daitekeelako.
Halaber, iazko azaroan Eusko Jaurlaritzak onartutako Lurralde Plangintza Sektoriala ere aipatu du Greenpeacek, Lemoizko zentralaren inguruan dauden "babes bereziko eremuak" zaintzeko beharra jasotzen baitu. Arrain haztegiak "helburu horiek arriskuan" jarriko dituela uste dute.
Hori guztia dela eta, Gasteizko Administrazioak egitasmoa atzera bota eta kostaldea babestuko duen plana abian jarri beharko lukeela azaldu du talde ekologistak.
Atzo aurkeztu zuten egitasmoa, Lemoizen bertan egindako agerraldi batean. Han, Imanol Pradales lehendakariak azpimarratu zuenez, "arrain-haztegi bat baino askoz gehiago da", eta proiektuak nazioarteko erreferente izan nahi duela esan zuen.
Zure interesekoa izan daiteke
Zortzi urte eta erdiko kartzela-zigorra ezarri diote Rafa Mir futbolariari, sexu-erasoagatik eta lesioengatik
Bigarren akusatu bati 2 urteko kartzela-zigorra ezarri diote, sexu-eraso delituengatik.
Aurrera doa Tolosako ospitale berriaren esleipena, nahiz eta EH Bilduk murrizketak kritikatu dituen
Alberto Martinez Osasun sailburuak adierazi du prozesua bide onetik doala eta aste honetan bertan espero duela ospitale berria eraikitzeko proiektua esleitzea, lanak 2028an hasi eta 2031n amaitzeko asmoz. Bien bitartean, Rebeka Ubera EH Bilduren legebiltzarkideak gogor kritikatu du dokumentua, eta alternatiba guztiak ondo aztertu diren zalantzan jarri du.
Zubietako espetxearen inaugurazio ofizialak gizarteratzearekiko konpromisoa finkatu du, Martuteneko ereduaren aurrean
Pertsona erdigunean jartzen duen espetxe sistema propioa aldarrikatu du bertan Imanol Pradales lehendakariak, eta ETAk hil zituen espetxe funtzionarioei aitortza egiteko baliatu dute ekitaldia Pradalesek eta Fernando Grande-Marlaska ministroak.
EHUk gogorarazi du gauerdian amaituko dela USaPeko azterketak berrikusteko eskaria egiteko epea
Iritsi da EHUren oharra, Euskarari dagokion azterketan dozenaka ikasleri "0" jarri zien akats informatikoaren ondotik. Unibertsitateak akatsa konpondu zuela adierazi arren, egoerak egonezina sortu du kaltetutako ikasle eta familien artean, eta gaur goizean San Mamesko Ingeniaritza Fakultatearen aurrean elkarretaratzea egin dute.
Etxebizitzaren arazoak handitzen jarraitzen du, eta EAEko herritarren % 60 kezkatzen ditu dagoeneko
Politikaren arloan, herritarren % 25ek nahiago dute Pradales (EAJ) lehendakari izatea; % 11k, berriz, Otxandianoren (EH Bildu) alde egin dute. Hala jasotzen da Eusko Jaurlaritzak egindako azken soziometroaren datuetan.
Pedrosak iragarri du beroari aurre egiteko hainbat neurri ezarriko dituztela lau ikastetxetan, pilotu gisa
Begoña Pedrosa Hezkuntza sailburuak iragarri du ikastetxeak muturreko bero-boladetara egokitzeko plan bat jarriko dutela martxan. Proiektua uda honetan abian jartzea aurreikusten da, Euskal Autonomia Erkidegoko lau ikastetxetan, proba pilotu gisa, familien protestei erantzunez. Izan ere, Bilboko hainbat ikasgelatan 35 graduko tenperaturak erregistratu dira eta ikasle batzuek bero-kolpeak izan dituzte.
Milaka pertsona elkartu dira Amurrion, Araba Euskaraz jaiaz gozatzeko
"Taupadak berpiztu!" lelopean, Aresketa Ikastolak antolatu du musikaz, kulturaz eta adin guztientzako jarduerez beteriko jai jendetsua. Eguzkia eta beroa ere protagonista izan dira Arabako ikastolen festan.
Euskal Herriko lehenengo “Gazta Rolling” lehiaketa antolatu dute Urnietan
Azkorteko ermita alboko maldaren goialdean partehartzaileak kokatu ostean, hasi da ikuskizuna. 30 bat lehiakide abiatu dira gaztaren atzetik, eta Xabik ireki du lehiaketa honetako garaileen zerrenda.
Bi atxilotu Bilbon, gazte bat jipoitu eta konorterik gabe uzteagatik
Erasoa 03:30ean gertatu da, Mazarredo kaleko gaueko aisialdirako lokal baten kanpoaldean. Anbulantzia batek Basurtuko ospitalera eraman du biktima, eta buruan hainbat puntu eman behar izan dizkiote.
Bi gazte atxilotu dituzte eta hiru agente zauritu dira Etxebarriko jaietan izandako liskarretan
Bart izan dira istiluak, San Antonioko jaietan. Udaltzainek gazte bat atxilotu dute, eta jendetza batu da agenteei eraso egin nahian. Hori dela eta, Ertzaintzari laguntza eskatu die Udaltzaingoak. Ertzainak bertaratu direnean, kristalezko botilak jaurti dizkiete eta agenteetako bat zauritu dute. Bi udaltzain ere erasotuak izan dira.