EHUk gogorarazi du gauerdian amaituko dela USaPeko azterketak berrikusteko eskaria egiteko epea
Iritsi da EHUren oharra, Euskarari dagokion azterketan dozenaka ikasleri "0" jarri zien akats informatikoaren ondotik. Unibertsitateak akatsa konpondu zuela adierazi arren, egoerak egonezina sortu du kaltetutako ikasle eta familien artean, eta gaur goizean San Mamesko Ingeniaritza Fakultatearen aurrean elkarretaratzea egin dute.
Hainbat ikasle. Artxiboko argazkia: EFE
Euskal Herriko Unibertsitateak (EHU) gogorarazi du Unibertsitaterako Sartzeko Probaren (USaP) prozedurak irekita jarraitzen duela eta azterketak berrikusteko eskaerak gaur, astelehena, 23:59ak arte aurkez daitezkeela. Ohar instituzional hori iritsi da kalifikazioak kontsultatzeko plataforman akats teknikoa izan ondotik; izan ere, euskarazko azterketan zenbait ikasleri zerokoa jarri zieten. Kalifikazioa oker zegoen, ez aurkeztutako gisa agertzen baitziren.
Egoerak ezinegona eragin du kaltetutako ikasle eta familien artean, unibertsitateko graduetan plazak esleitzeko prozesuari eragingo diola uste baitute. Gauzak horrela, elkarretaratzea egin dute gaur goizean San Mamesko Ingeniaritza Fakultatearen aurrean.
Pedrosak gardentasuna eskatu dio EHUri, familien kezkaren aurrean
Begoña Pedrosa Hezkuntza sailburuak adierazi du ikasleen eta familien kezka ulertzen duela, eta gertatutakoa argitzeko "gardentasun osoa" eskatu dio EHUri.
"Gure hezkuntza-sisteman ikasleei eragiten dien eta zalantzak edo ziurgabetasuna sortzen dituen edozein egoerak kezkatu egiten gaitu", adierazi du sailburuak. Gaineratu duenez, instituzioen "betebeharra da prozeduran gertatutakoa gertutik jarraitzea eta dena gardentasunez argitzea", esan du Pedrosak Radio Euskadiren mikrofonoen aurrean.
Sailburuak "lasaitasuna" helarazi die kaltetuei, erreklamazio fasearen hasierari begira: "Berrikuspen prozesuaren eta ebazpenaren zain egongo gara".
EHUren berrikuspen-prozesua
Erreklamazioa tramitatu nahi duten familiek eta ikasleek modu telematikoan egin beharko dute eskaera formala, Sarbidea plataformaren bidez (ehu.eus), gaurko gauerdia baino lehen.
Berrikuspen-eskaerak lehen zuzenketa egin zuen zuzentzaileak ez, bestelako zuzentzaile batek ebaluatuko ditu. Lehenik eta behin, egiaztatu egingo da ez dagoela akatsik kalifikazioen zenbaketan, eta ez dela ariketarik geratu zuzendu gabe.
Ondoren, azterketa goitik behera zuzenduko da berriro. Berrikusitako kalifikazioak eta eskaera guztien behin betiko ebazpena ekainaren 22an argitaratuko dira Sarbidea plataforman bertan.
Berrikuspena epe barruan eskatzen duten ikasleek aukera izango dute, halaber, azterketa horiek ikusteko.
Zure interesekoa izan daiteke
Aurrera doa Tolosako ospitale berriaren esleipena, nahiz eta EH Bilduk murrizketak kritikatu dituen
Alberto Martinez Osasun sailburuak adierazi du prozesua bide onetik doala eta aste honetan bertan espero duela ospitale berria eraikitzeko proiektua esleitzea, lanak 2028an hasi eta 2031n amaitzeko asmoz. Bien bitartean, Rebeka Ubera EH Bilduko legebiltzarkideak gogor kritikatu du dokumentua, eta zalantzan jarri du ea alternatiba guztiak ondo aztertu diren.
Zubietako espetxearen inaugurazio ofizialak gizarteratzearekiko konpromisoa finkatu du, Martuteneko ereduaren aurrean
Pertsona erdigunean jartzen duen espetxe sistema propioa aldarrikatu du bertan Imanol Pradales lehendakariak, eta ETAk hil zituen espetxe funtzionarioei aitortza egiteko baliatu dute ekitaldia Pradalesek eta Fernando Grande-Marlaska ministroak.
Etxebizitzaren arazoak gora egiten jarraitzen du, eta dagoeneko euskal herritarren % 60 kezkatzen du
Politikaren arloan, euskaldunen % 25ak nahiago du Pradales (EAJ) lehendakari izatea; % 11k, berriz, Otxandiano (EH Bildu) aukeratzen du. Hala jasotzen da Eusko Jaurlaritzak egindako azken Soziometroaren datuetan.
Pedrosak iragarri du beroari aurre egiteko hainbat neurri ezarriko dituztela lau ikastetxetan, pilotu gisa
Begoña Pedrosa Hezkuntza sailburuak iragarri du ikastetxeak muturreko bero-boladetara egokitzeko plan bat jarriko dutela martxan. Proiektua uda honetan abian jartzea aurreikusten da, Euskal Autonomia Erkidegoko lau ikastetxetan, proba pilotu gisa, familien protestei erantzunez. Izan ere, Bilboko hainbat ikasgelatan 35 graduko tenperaturak erregistratu dira eta ikasle batzuek bero-kolpeak izan dituzte.
Milaka pertsona elkartu dira Amurrion, Araba Euskaraz jaiaz gozatzeko
"Taupadak berpiztu!" lelopean, Aresketa Ikastolak antolatu du musikaz, kulturaz eta adin guztientzako jarduerez beteriko jai jendetsua. Eguzkia eta beroa ere protagonista izan dira Arabako ikastolen festan.
Euskal Herriko lehenengo “Gazta Rolling” lehiaketa antolatu dute Urnietan
Azkorteko ermita alboko maldaren goialdean partehartzaileak kokatu ostean, hasi da ikuskizuna. 30 bat lehiakide abiatu dira gaztaren atzetik, eta Xabik ireki du lehiaketa honetako garaileen zerrenda.
Bi atxilotu Bilbon, gazte bat jipoitu eta konorterik gabe uzteagatik
Erasoa 03:30ean gertatu da, Mazarredo kaleko gaueko aisialdirako lokal baten kanpoaldean. Anbulantzia batek Basurtuko ospitalera eraman du biktima, eta buruan hainbat puntu eman behar izan dizkiote.
Bi gazte atxilotu dituzte eta hiru agente zauritu dira Etxebarriko jaietan izandako liskarretan
Bart izan dira istiluak, San Antonioko jaietan. Udaltzainek gazte bat atxilotu dute, eta jendetza batu da agenteei eraso egin nahian. Hori dela eta, Ertzaintzari laguntza eskatu die Udaltzaingoak. Ertzainak bertaratu direnean, kristalezko botilak jaurti dizkiete eta agenteetako bat zauritu dute. Bi udaltzain ere erasotuak izan dira.
Bi pertsona atxilotu dituzte Ordiziako zenbait garajetan lapurtzeagatik
Patruila batek antzeko delituetan nahasita zegoen ibilgailu susmagarri bat aurkitu eta geldiarazi du, eta, autoa miatu ondoren, barruan hiru maleta, hozkailu bat, jantziak, erremintak, eskola materiala eta beste hainbat objektu aurkitu ditu.