Strauss-Kahnen aurkako salaketa indarra galtzen ari da
Dominique Strauss-Kahn FMIko zuzendari ohiaren aurkako auzia indarra galtzen hasi da. The New York Times egunkariak gaur argitaratu duenez, Strauss-Kahn bortxaketa-saiakeragatik salatu zuen emakumearen testigantzan "hutsune handiak" antzeman dituzte.
Egunkariak kasua ezagutzen duten bi iturri anonimo aipatzen ditu eta horien arabera, Auzitegiko medikuek harreman sexualak izan zirenaren zantzu garbiak topatu zituzten, baina fiskalek ez dute emakumearen bertsioa sinesten, joan den maiatzaren 14an salaketa jarri zuenetik hainbat kontraesanetan erori omen delako.
Ikertzaileek irregulartasunak aurkitu dituzte emakumearen (32 urte ditu, jatorriz ginearra da eta Strauss-Kahnek ostatu hartu zuen hotelean egiten zuen lan) asilorako eskaeran. Gainera, jarduera kriminalekin lotura izan lezakeela uste dute, hala nola, dirua zuritzearekin eta droga-trafikoarekin.
The New York Times-en iturrien esanetan, Strauss-Kahnekin egon zen egun berean kartzelan dagoen gizon batekin hitz egin zuen telefonoz eta FMIko zuzendari ohiaren aurka salaketa jarriz gero lortu ahal litezkeen onuren inguruan aritu ziren. Elkarrizketa hori grabatuta omen dago.
Fiskalak ostegunean bildu ziren Strauss-Kahnen abokatuekin eta ikerketan egon diren nobedadeen inguruko xehetasunak eman zizkieten.
Hasiera batean, uztailaren 18rako deituta zegoen, baina azkenean bihar bertan deklaratuko du New Yorkeko Auzitegi Goreneko epailearen aurrean Strauss-Kahnek.
Strauss-Kahn etxean giltzapetuta dago, baina epaileak zigor hori arintzea erabakiko duela espero da. Era berean, ikerketak hartu duen norabidea ikusita, fiskalek kargu batzuk erretiratzea ebatzi dezake.
Albiste gehiago mundua
Israelgo Armadak Basel Adra "No other Land" filmagatik Oscar saria irabazi zuen zinemagile palestinarraren etxea okupatu du
Filmeko beste zuzendarietako batek salatu duenez, Adraren etxea okupatu dute, kolono taldeek Zisjordania hegoaldeko Al Tuwani herrixkari eraso ostean.
Errumaniako ehiza-hegazkinek Errusiako drone bat atzeman dute herrialdeko aire-eremuan
Moskuk Errumaniako mugatik gertu dauden Ukrainako azpiegiturei egindako beste eraso batean gertatu da. Bukarestek "eraso" bezala salatu du dronaren hegaldia eta berretsi du lurralde nazionalaren defentsareiko konpromisoa.
NATOk Errusiako petrolioa erosteari uzteko eskatu du Trumpek Moskuri zigor berriak jartzeko
Halaber, Txinari % 100eko muga-zergak jartzeko eskatu die AEBko presidenteak aliatuei, Asiako herrialdeak Errusian duen eragina baliatu dezan eta gerrari amaiera eman diezaion.
110.000 pertsona baino gehiago Londresen, eskuin muturrak immigrazioaren aurka deitutako martxan
110.000 pertsonak baino gehiagok parte hartu dute larunbat honetan Londresen, "Batu dezagun Erresuma" lelopean egindako manifestazioan. Tomy Robinson eskuin muturreko aktibistak deitu du protesta, legez kanpoko immigrazioaren aurka. "Erresuma Batua esnatu da azkenean", adierazi du Tommy Robinsonek manifestazioaren amaieran, eszenatokitik. "Abertzaletasuna da etorkizuna, mugak dira etorkizuna", erantsi du. Gutxienez 9 pertsona atxilotu ditu poliziak.
Erasopean bizitzea, ukrainarren eguneroko errealitatea
Paolo Malpetti italiarra Ukrainan bizi zen familiarekin. 2022an Hernanira joan ziren guztiak, babes bila. Uda hasieran, berriz, Kievera itzuli ziren. Erasopean bizitzea euren egunerokoa da orain.
Erika Kirkek, Charlie Kirken alargunak, bere senarra zenaren ondarearekin jarraituko duela agindu du
"Ez dakite zer su piztu duten emazte honen barruan. Alargun honen negarra gerra-oihu bat bezala entzungo da mundu osoan", esan du.
Palestinako estatua sortzearen alde egin du NBEren Batzar Nagusiak gehiengo zabalaz
Bozketa ez da loteslea, baina estatu palestinarra sortzeak duen babesa neurtzeko balio du. AEBri gero eta gehiago kostatzen zaio horren kontrako jarrera babestuko duten herrialdeak aurkitzea.
Milaka palestinar ihesi ari dira Gazako hiritik: "Goazen tokiak ez dira seguruak"
Nazio Batuen Erakundeak 73.500 desplazatu baino gehiago zenbatu ditu Gazako Zerrendaren iparraldetik hegoaldera, Al Rashid kostaldeko errepidean barrena, abuztuaren 14tik, eta 25.000 inguru irailaren 7tik.
NATOk ariketa militarrak iragarri ditu Europa ekialdean, aire-espazioa urratu ondoren
Ariketa militarrak "datozen egunetan hasiko dira", eta Danimarka, Frantzia, Erresuma Batua, Alemania eta "beste herrialde batzuk" inplikatuko dituzte.
22 urteko gizon bat atxilotu dute Charlie Kirken ustezko hiltzaile gisa
Atxilotua Tyler Robinson 22 urteko Utahko bizilaguna da. Antza denez, haren aitak eta ingurukoek eskatu zioten bere burua entregatzeko. Errudun joz gero, heriotza zigorra jasotzea espero du Trumpek.