Kofi Annanek utzi egingo dio Siriako bitartekari izateari
Kofi Annan Nazio Batuen Erakundeko idazkari orokor ohiak utzi egingo dio Arabiar Ligaren Siriarako bitartekari izateari, gaur ohar batean jakinarazi duenez. Bitartekaritza abuztuaren bukaeran utziko du, baina Ban Ki-Moonek ordezkoa bilatzeari ekin dio.
Annanek azaldu duenez, bitartekari izaten jarraitzeari uko egitearen erabakia hartu du “ezinezkoa delako niretzat edo beste pertsona batentzat” arabiar herrialdeko gatazkari amaiera jarriko dion akordio politikoa lortzeko beharrezko pausoak ematea.
“Ezinezkoa da niretzat edo beste edozein pertsonarentzat prozesu politiko bat irekitzeko pausoen beharraz konbentzitzea Gobernua eta oposizioa”, esan du Annanek Genevan emandako prentsaurrekoan. Nazioarteko komunitateak batasun falta duela nabarmendu du gatazka armatuko 17 hilabeteei amaiera jartzeko.
"Arabiar Ligak eta Nazio Batuen Erakundeak bidalitako persona izanda, ezin dut bakea beste protagonistek baino gehiago bilatu nahi izan, edo nazioarteko komunitateak baino gehiago”, azaldu du Annanek.
Halere, Annanen ustez, “Siria oraindik salbatu daiteke hondamen okerrenetatik”, baina, horretarako, “nazioarteko komunitateak beharrezko lidergoa erakutsi behar du”.
Siriak “atsekabea” erakutsi du Annanen erabakiagatik
Damascok bere atsekabea erakutsi du Kofi Annanek Siriako bitartekari izateari utziko diolako, eta herrialde batzuei erabaki horren eragile izatea leporatu die.
“Siriak bere atsekabea erakutsi du Kofi Annek bitartekari izateari utzi egingo diolako”, esan du Kanpo Arazoetako Siriako Ministerioak ohar batean.
Siriako erregimenak azaldu duenez, “Annanek beti erakutsi izan du bakearekiko duen konpromisoa”, baina “Siria ezegonkortu nahi duten herrialdeak izan dira bere misioa blokeatu dutenak”, gaineratu du.
NBEk esan du Alepogatiko borroka “hastear” dela
Herve Ladsous Nazio Batuen Erakundearen Bake Operazioen idazkariordeak esan duenez, Siriako indarkeria okerrera doa etengabe, batik bat Alepon, herrialdearen iparraldean, eta oposizioaren eta Siriako Armadaren arteko borroka handiena “hastear” dela nabarmendu du.
AEBk Txina eta Errusia erruduntzat hartu dituzte Annanen erabakian
AEBetako Gobernuak gaur Txina eta Errusia erruduntzat jo ditu Kofi Annanek Siriako bitartekari izateari uzteko erabakian. Esan dutenez, Nazio Batuen Erakundearen Segurtasun Kontseiluan Bachar Al Asaden erregimena ez kondenatzea izan da arrazoia.
Annanek egindako bake plana betetzeko “konpromisoa” izan arren, Asad presidentea “bere herrialdea suntsitzen dabil”, nabarmendu du Jay Carney Etxe Zuriko bozeramaileak.
Zure interesekoa izan daiteke
Islamabadeko xiiten gurtza leku batean izandako atentatu suizida batek dozenaka hildako eta zauritu utzi ditu
Pakistango Defentsa ministroak jakinarazi duenez, bertan zeuden segurtasun zaindariek aurre egin diote erasotzaileari, baina "tiro eginez eta immolatuz erantzun du". Pakistango agintariek Afganistango talibanei eta Indiari egotzi diete erasoa.
Txinak adierazi du ez duela negoziazio nuklearretan parte hartuko, START III ituna iraungi ostean
Asiako erraldoiak dio bere gaitasun nuklearrak ez daudela Estatu Batuen edo Errusiaren parean. Etxe Zuriak salatu du Txinak nabarmen handitu duela bere ahalmen nuklearra.
Preso politikoentzako amnistia legea onartzeko lehen pausoa eman du Venezuelako Parlamentuak
Delcy Rodriguez presidente arduradunak bultzatutako eta ostegunean lehen bozketan onartutako proiektuak 1999tik (chavismoa boterera iritsi zenetik) gaur egunera arte atxilotutako preso politikoak hartzen ditu barne, eta kanpoan uzten ditu giza eskubideen urraketa larriengatik auzipetuak edo zigortuak. Kontsulta prozesua zabalduko da orain, eta bigarren eztabaida batean onartu beharko da gero.
Arma nuklearren START III tratatua iraungi den egunean, eustearen aldeko jarrera agertu dute Errusiak eta AEBk
START III itunak arma nuklear estrategikoen kopurua mugatzen zuen, gehienez 1.550 buru nuklearretara eta 700 sistema balistikotara, bi potentzietako bakoitzerako, izan lurrean, itsasoan edo airean. Start III 2010eko apirilaren 8an sinatu zuten, Pragan, Dmitri Medvedev Errusiako eta Barack Obama AEBetako orduko presidenteek, eta 2021eko otsailean berritu zuten beste bost urterako eta gaur iraungi da.
Trumpek ez du bere ondorengoaz hitz egin nahi izan, eta nabarmendu du Vance eta Rubio "zoragarriak" direla
Donald Trump Ameriketako Estatu Batuetako presidenteak Etxe Zurian bere ordezkoari buruz ez du iritzirik eman nahi izan, eta JD Vancen eta Marco Rubioren lana goraipatu ditu.
AEBk eta Ukrainak produktibotzat jo dituzte Errusiarekin izan dituzten negoziazioak
Ukraina eta Errusiako ordezkariak Arabiar Emirerri Batuetako hiriburuan bildu dira, Estatu Batuetako ordezkariekin batera, gerrari amaiera ematea duen bigarren bilera sorta batean. Elkarrizketek ostegunean jarraituko dute.
21 palestinar hil ditu Israelek Gazan, tartean sei haur, gauez egindako erasoetan
Erasoen biktimetako bat Hussein Hassan Hussein Al Samiri da, Palestinako Ilargi Gorriko paramediko bat. Israelek atzo gauetik jaurtitako bonbardaketa ugarietako batetik zaurituak zeramatzala eraso diote. Su-etenaz geroztik Israelek egindako erasoen ondorioz hildako gazatarren kopurua 556ra igo da, horien artean 115 adingabe baino gehiago.
Trumpek eta Petrok bakeak egin dituzte, urtebetez irainka aritu ostean
Donald Trump AEBko presidenteak eta Gustavo Petro kolonbiar homologoak astearte honetan bakeak egin dituzte, tonu atsegineko bilera batekin, Etxe Zurian, desadostasunek eta irain gurutzatuek markatutako urte baten ondoren.
Elon Muskek eduki esplizitua sustatu zuen Grok AArekin, Xn erabiltzaileak irabazteko
Aktibo egon zen hamaika egunetan, Groken irudi sortzaileak hiru milioi irudi sexualizatu baino gehiago sortu zituen; horietatik 23.000k haurrak irudikatzen zituzten eta 1,8 milioik inguru, emakumeak. Elon Muskek xAIko langileei eskatu zien eduki esplizituarekin lan egiteko trebatzeko, sexuala barne, eta langileei ohartarazi zien "eduki sentikorra, bortitza, sexuala eta/edo beste eduki iraingarri edo asaldatzaileak" ikusteko prestatu zitezela, "estres psikologikoa" eragin ziezaiekeen eta.
Nobel Institutuak adierazi du Machadoren sariaren berri filtratu zela, baina ez du zehaztu nola
"Iragarpena egin baino ordu batzuk lehenago hainbat pertsonak dirutza jokatu zuten apustu-webguneetan, eta, hortaz, ziur esan dezakegu batzuk gai izan zirela iazko erabakiari buruzko informazioa legez kanpo eskuratzeko", adierazi du Institutuak ohar batean.