Zorra, erreskatea eta banku zentralak: horrela dago kontua

Finantza merkatuan dirua sartzen duten herritarrek nahi dutena da gauzak ondo joan daitezela, gutxiengo berme bat egon dadila sartzen duten diruaren truke, etekin batzuk egon daitezela eta nahi dutenean arazorik gabe dirua ateratzeko aukera izatea. Zure dirua berreskuratzeko bermerik ez baduzu, ez duzu merkatu horretan dirurik sartzen. Eta, aldiz, arriskatzea erabakitzen baduzu, zure diruaren truke etekin handiagoa eskatzen duzu, interes altuagoa eskatzen duzu diru horren truke.

Hori ari zaie gertatzen Grezia, Irlanda, Portugal, Espainia eta Italiari. Beldurra dute, maileguan eskatu duten diru guzti hori itzultzeko gai izango ez ote diren. Hartzekodunek, berriz, abal-emailea nahi dute, dirua itzuliko dien norbait estatu horiek ezin baldin badute. Abal-emaile edo bermatzaile hori soilik Europako Banku Zentrala izan liteke, dirua egiteko makina duena alegia.

Ba azkenean Europako Banku Zentralak esan du arazoak dituzten herrialdeen zorra erosteko prest dagoela. Gainera, herrialde horiek laster dirua eskatu ahal izango diote Europako Erreskate Funts berriari. Gauzak honela, arazoak dituzten herrialdeek alde guztietatik, Banku Zentraletik eta Funtsetik, dirua eskuratu behar baldin badute, normalena da inbertsoreak lasaitzea, euren dirua bermatuta ikusten dutelako.

Horrek herrialde horiek txiroago izatea ekarriko duela? Gizartearen babeserako sistemak hankaz gora jarriko direla? Ekonomiak uzkurtzen jarraituko duela? Langabe gehiago izango direla eta pentsiodunek okerrago bizi beharko dutela? Hori inbertsoreei ez zaie batera axola. Nahi duten gauza bakarra euren dirua berreskuratzea da.

Finantza merkatuan dirua sartzen duten herritarrek nahi dutena da gauzak ondo joan daitezela, gutxiengo berme bat egon dadila sartzen duten diruaren truke, etekin batzuk egon daitezela eta nahi dutenean arazorik gabe dirua ateratzeko aukera izatea. Zure dirua berreskuratzeko bermerik ez baduzu, ez duzu merkatu horretan dirurik sartzen. Eta, aldiz, arriskatzea erabakitzen baduzu, zure diruaren truke etekin handiagoa eskatzen duzu, interes altuagoa eskatzen duzu diru horren truke. Hori ari zaie gertatzen Grezia, Irlanda, Portugal, Espainia eta Italiari. Beldurra dute, maileguan eskatu duten diru guzti hori itzultzeko gai izango ez ote diren. Hartzekodunek, berriz, abal-emailea nahi dute, dirua itzuliko dien norbait estatu horiek ezin baldin badute. Abal-emaile edo bermatzaile hori soilik Europako Banku Zentrala izan liteke, dirua egiteko makina duena alegia. Ba azkenean Europako Banku Zentralak esan du arazoak dituzten herrialdeen zorra erosteko prest dagoela. Gainera, herrialde horiek laster dirua eskatu ahal izango diote Europako Erreskate Funts berriari. Gauzak honela, arazoak dituzten herrialdeek alde guztietatik, Banku Zentraletik eta Funtsetik, dirua eskuratu behar baldin badute, normalena da inbertsoreak lasaitzea, euren dirua bermatuta ikusten dutelako. Horrek herrialde horiek txiroago izatea ekarriko duela? Gizartearen babeserako sistemak hankaz gora jarriko direla? Ekonomiak uzkurtzen jarraituko duela? Langabe gehiago izango direla eta pentsiodunek okerrago bizi beharko dutela? Hori inbertsoreei ez zaie batera axola. Nahi duten gauza bakarra euren dirua berreskuratzea da.