Caprilesek eta Madurok 'mokoka' hasi dute hauteskundeetarako bidea
Gutxi tardatu dute Venezuelako buruzagi politiko nagusiek borroka dialektikoan hasteko, Hugo Chavez Venezuelako presidentearen heriotzaren ostean dolu egun batzuk igaro eta gero.
Henrique Capriles Mirandako gobernadoreak, urrian hauteskundeak galdu zituenak, oposizioko hautagai izatea onartu du gaur formalki, apirilaren 14an egingo diren hauteskundeei begira.
"Zuekin borrokatuko dut, zuok guztiokin", adierazi du Caprilesek oposizioaren hautagaitza publikoki onartzeko egindako agerraldian. Caprilesek gogor kritikatu du Nicolas Maduro bitarteko presidentea, gezurretan aritzea eta Hugo Chavez presidentearen jarraitzaileen mina erabiltzea egotzita.
"Nicolas, ez dizut bidea libre utzi behar, botoetan garaitu beharko nauzu eta boto bakoitzagatik borroka egingo dut esku hauekin, kosta ahala kosta", adierazi du oposizioaren hautagaiak galderarik gabeko agerraldi batean.
Caprilesek baieztatu duenez, bihar arratsaldean sartuko du hautagaitza eta ez du jarraitzaileekin agerraldirik egingo, Chavezen heriotzaren "dolua errespetatzeko".
Erasoak Madurori
"Nik aberri batu bat eskaini dezaket, Nicolas ez da Chavez", gaineratu du.
"Gertatzen ari den guztia kalkulatuta zegoen, noiz egin behar zituzten hauteskundeak, hauteskunde-prozesu osoaren kronograma osoa...", adierazi du Caprilesek.
"Kuban aktore ikastaroak" jasotzea leporatu dio Madurori, eta Chavezen heriotza iragarri zuenean egindako negarra "benetakoa" ote zen galdetu dio bere buruari.
"Nicolasek gezurra esan dio herriari azken hilabeteotan", salatu du Caprilesek, venezuelarren "esperantzarekin jolastea" eta duela aste batzuetatik hauteskunde-kanpainan egotea egotzi aurretik.
Maduroren erantzuna
Nicolas Maduro Venezuelako bitarteko presidente eta ofizialismoaren hautagaiak oposizioburuaren salaketei erantzun die eta jarrera "arduragabea" eta "faxista" izan duela esan du.
Maduroren esanetan, Caprilesen hitzak "arduragabekeria historiko larria" dira, eta "porrota gainditu ezin duen pertsonaia triste honen hondamendia" da.
"Aktore bat da, mozorroa erori zaio, eta faxista aurpegi nazkagarria ikusten zaio. Bere helburu bakarra Venezuelako herria probokatzea da", gaineratu du.
Zure interesekoa izan daiteke
Petrolio-upelaren prezioa 113 dolarrera igo da eta gasa % 30 garestitu, Qatarreko energia-azpiegituren aurka abiatutako erasoen ondorioz
Ekialde Hurbileko gatazkak merkatuak astintzen jarraitzen du: Asiako Burtsek behera egin dute gogor, eta Europakoek, berriz, irekiera negatiboak espero dituzte, Europako Kontseiluaren bileraren zain.
Israelek eta Estatu Batuek eraso egin diote Iranek eta Qatarrek partekatzen duten munduko gas aztarnategi handienari
Iranek ohartarazi du bere azpiegitura energetikoaren aurkako erasoek "ondorio kontrolaezinak" ekar ditzaketela, egoera are gehiago zailduko dutenak eta mundu guztiari eragin diezaioketenak.
Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"
Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste.
Irango zentral nuklear bati eraso egin diotela salatu du NBEk
Oraingoz, ez dute biktimen ezta kalteen berririk eman. Energia Atomikoaren Nazioarteko Erakundeak Ekialde Hurbileko gatazka baretzeko deia egin du, istripu nuklearrak gertatzeko arriskua saihesteko.
Iranek misilekin eraso egin du Tel Aviven aurka, Ali Larijaniren hilketaren mendeku gisa
Irango Guardia Iraultzailearen esanetan, "100 helburu militar eta segurtasun helburu baino gehiago" jo dituzte, erasoan Israelgo aireko defentsa sistemak gaindituta.
Iranek baieztatu du Ali Larijani Segurtasun Nazionaleko Kontseilu Goreneko idazkaria hil duela Israelek
Martxoaren hasieran Khamenei aiatola hil zutenetik, Larijani Irango buruzagi garrantzitsuenetakoa zen. Halaber, eraso berean Golamreza Soleimani Basij indar paramilitarreko buruzagia hil dutela baieztatu du Irango Guardia Iraultzaileak. Hilketa horien aurrean, Irango agintari politiko eta militarrek "mendekua" agindu dute.
Espainiak euskara, katalana eta galegoa Europar Batasunean hizkuntza ofizialak izan daitezen nahi du
Fernando Sampedro EBko Estatu idazkariak esan du presioa egiten jarraituko dutela, nahiz eta gaiak bederatzi hilabete daramatzan Ministerioaren agendatik kanpo.
Israelgo Armadak iragarri du "eskala handiko" beste erasoaldi bat egingo duela Teheranen aurka
Israel Katz Defentsa ministroak iragarri duenez, Ali Larijani Irango Segurtasun Nazionaleko agintaria hil dute.
Trumpek esan du "ohore handia" izango litzatekeela "Kuba hartzea"
Bere Administrazioa Kubako agintariekin hitz egiten ari dela errepikatu du agintariak, eta irla "porrot egindako nazio bat" dela azaldu du. "Ez dute dirurik, ez dute petroliorik, ez dute ezer".
Beste ontzi bati eraso egin diote Ormuztik gertu, Erresuma Batuko itsas agentziak jakinarazi duenez
Bestalde, AEBko Armadak baieztatu duenez, Irango "7.000 objektibo baino gehiago" jo ditu, eta ehun ontzi baino gehiago "kaltetu edo suntsitu" ditu, otsailaren 28an Israelekin batera erasoaldia hasi zuenetik.