Berlusconi Italiako Senatutik kanporatu dute
Silvio Berlusconi lehen ministro ohiari eserlekua kentzea erabaki du gaur Italiako Senatuak. Italiako Auzitegi Gorenak Berlusconiri lau urteko espetxe-zigorra ezarri zion abuztuaren 1ean Mediaset auzia dela eta. Iruzur fiskala egotzita epaitu zuten.
Senatari batzuek bederatzi proposamen aurkeztu dituzte Berlusconiri 'Severino legea' ez aplikatzea eskatzeko, baina Ganberak guztiak atzera bota ditu. Bi urte baino gehiagoko kartzela-zigorra dutenak Parlamentutik kanporatzeko agindua ematen du Mario Montiren Gobernuak martxan jarritako arauak.
'Severino legea' bertan behera uzteko proposamenen bederatzi bozketak prozedura telematikoarekin egin dituzte (senatari bakoitzaren iritzia ezagutzeko). Bozketa guztiek antzeko emaitza izan dute: kontrako 194 boto, aldeko 114 eta 2 abstentzio.
Berlusconiri eserlekua kentzea Enrico Letta lehen ministroaren Alderdi Demokratak (PD), Beppe Grillo komikoaren 5 Izarren Mugimenduak (M5S) eta Mario Montiren Eleccion Civica taldeak babestu dute, besteak beste.
Berlusconiren Forza Italiak, Liga Nortek eta lehen ministro ohiaren alderdi zaharreko kideek (Zentro eskuin berria), ostera, kontrako botoa eman dute. Azken horiek Angelino Alfanoren eskutik Berlusconiren alderdiaren zatiketa ekarri zuten.
Errugabea dela errepikatu du Berlusconik. Lehen ministro ohiaren hitzetan, Senatutik botatzea "Estatu kolpea" da, 'Severino legea' atzeraeginezko ondorioekin aplikatu baitute. Horregatik, senatariei bozketa atzeratzeko eskatu zien politikariak, Europako Justiziak auzia ebatzi bitartean. Gainera, Italian auzia berriz zabaldu daitekeela gogorarazi du Berlusconik.
Zure interesekoa izan daiteke
Israelek Libanon egindako erasoek 1.400 lagun hil dituzte dagoeneko
Gaur, larunbata, Israelgo Armadak baieztatu du Libano hegoaldean eta Beiruten hainbat eraso burutu dituela Hezbollahren milizien eta Palestinako Jihad Islamiarraren egituren aurka.
Trumpek Irani gogorarazi dio 48 orduan iraungiko dela bere ultimatuma
"Gogoratzen al duzue Irani 10 eguneko epea eman niola akordioa adosteko edo Ormuzko itsasartea irekitzeko? Bada, denbora amaitzen ari da: 48 ordu geratzen dira infernua hasteko", esan du Trumpek Truth Social plataforman argitaratutako mezu batean.
Berlingo harresi zatien salmenta negozio bihurtu da
Aste Santuan, Berlin da Europa osoan bisitari gehien jasotzen dituen hiriburuetako bat, eta hainbat hamarkadatan hiria bitan banatu zuen harresiaren zatien salmenta negozio bihurtu da. Neurri guztietako zatiak saltzen dira, baina kontuz, guztiak ez baitira benetakoak. Harresi zatiak erostearekin batera, duela 40 urte Berlin banatzen zuen Checkpoint Charlie bisitatu eta argazkiak ateratzea ere modan jarri da. Kapitalismoaren sinbolorik handiena du gaur egun ondoan.
Beiruteko nekazarien azoka sukalde solidario handi bilakatu da
Besteak beste World Central Kitchen gobernuz kanpoko erakundeen finantzaketa jasotzen dute. Tokiko nekazarien produktuekin prestatzen dituzte jakiak, premian daudenek etxean bezala jan dezaten. Beharra gero eta handiagoa da, desplazatuen kopurua etengabe hazten ari delako.
Buxehrko zentral nuklearraren eta Khuzestango eremu petrokimikoaren aurkako eraso gehiago salatu ditu Iranek
"Eraso horren hedatze uhinaren eta metrailaren ondorioz, zentral elektrikoaren alboko eraikinetako bat kaltetu da, eta, zoritxarrez, segurtasun saileko langileetako bat hil da", jakinarazi du instalazioko langile batek. Irango agintariek nabarmendu dutenez, zentrala martxan dago.
Energia enpresen etekinei zerga ezartzeko eskatu dute Alemaniak, Italiak, Espainiak, Portugalek eta Austriak
Bost herrialde horietako Finantza ministroek gutuna igorri diote Europako Batzordeari. Argudiatu dutenez, "gerraren ondorioz etekinak lortzen ari diren konpainiek euren partetik ipini behar dute herritarren gaineko zama arintzeko”.
Lurra, 'Orion' espazio ontzitik ikusita
Misioa aurrera doa, Ilargirantz, eta distantzia horretatik Lurraren irudiak hartu dituzte, astelehenean satelitera iritsi aurretik.
Ehiza hegazkinak eraisteak ez du eraginik Iranekin egiten ari diren negoziazioetan, Trumpen arabera
Hala ere, su-etena lortzeko negoziazioak "itopuntuan" daudela adierazi dute bitartekariek. Iranek saria eskaini du pilotuak harrapatzeagatik, eta Israel Libanon jartzen ari da indarra.
Leon XIV.ak gerraren eta botere gehiegikeriaren aurkako aldarria egin du bere lehen gurutze bidean
Leon XIV.a izan da Ostiral Santuan bere agintaldiaren lehen gurutze bidean buru, Erromako Eliseoan. Gerra eta botere gehiegikeriaren aurkako aldarrikapena egin du milaka eta milaka fededunen aurrean, eta argi esan du: "Agintari orok Jainkoaren aurrean erantzun beharko du jasotako boterea erabiltzeko moduagatik".
Erregaien prezioek igotzen jarraitzen badute, Europar Batasunak ez du baztertzen errazionamendua ezartzea
Dan Jørgensen Europako Energia komisarioak adierazi duenez, "eszenatoki txarrenetarako prestatzen ari gara, baina oraindik ez dugu produktu kritikoak (kerosenoa edo diesela) errazionatu beharrik".