Giza-laguntza astelehenean helduko da Siriara, bitartekariaren arabera
Aurreikuspenak betetzen badira, giza-laguntza astelehenean helduko da Siriako Homs hiriko alde zaharrera, Nazio Batuen Erakundeak eta Liga Arabiarrak Siriako gatazka bideratzeko aukeratutako Lajdar Brahimi bitartekariak jakinarazi duenez. Homseko alde zaharra erreboltarien kontrolpean dago, baina Bashar Al Assaden erregimenaren indarrek gertutik zelatatzen dituzte. Siriako Gobernuak eta oposizioko buruek larunbat honetan izan dituzten bileretan hartu dute erabakia.
Duela hiru urte gatazka armatua hasi zenetik lehen aldiz, Siriako Gobernuaren eta oposizioko buruen arteko bilera izan da gaur. Genevan, Nazio Batuen Erakundearen egoitzan bildu dira agintariak, Corinne Momal-Vanian bozeramailearen arabera.
Gela berean egon arren, Gobernuko eta oposizioko ordezkariek ez dute zuzenean hitz egin elkarrekin; Lajdar Brahimi bitartekariak soilik hartu du hitza.
Goizeko bilerak ordu erdi iraun du, eta arratsaldekoak bi orduko iraupena izan du.
Hadi al Bahra oposizioko negoziazioen buruak adierazi duenez, Brahimi izan da hitz egin duen bakarra, eta 'Genevako adierazpena' aplikatzeari buruz mintzatu da, herrialdean aldi baterako Gobernua ezartzea azaltzen duena.
Igandean jarraipena emango diete negoziazioei eta mahai gainean presoen gaia izango dute. Gaur egun, Armadaren eta matxinoen esku dauden presoak askatzea negoziatuko dute.
"Presoen eta bahituen gaia eztabaidatuko dugu, eta horiek aske uzteko aukerak aztertuko ditugu. Agian, ez dugu denak askatzea lortuko, baina gutxienez batzuk askatzea lortuz gero...", adierazi du bitartekariak.
Datorren astearen amaierara arte iraungo du bake negoziazioen lehen txandak, Brahimiren arabera. Orduan, bilerak etengo dira egun batzuetarako, eta geroago ekingo diote berriro.
'Geneva 1', negoziaketaren oinarria
Brahimik adierazi du negoziazioaren oinarria 2012ko ekainean sinatutako 'Geneva 1' adierazpena dela "ulertzen eta onartzen" dutela bi aldeek, baina Gobernuak eta oposizioak zenbait puntutan "desadostasunak" dituztela onartu du.
Bitartekariak ez du eztabaiden edukia azaldu, ezta gai-zerrenda ere. Hala ere, gatazkaren "ardatzak" eztabaidatu ez dituztela esan du.
Albiste gehiago mundua
Palestinako Aginte Nazionalak nazioarteko laguntza eskatu du Zisjordania hautsiko lukeen proiektuaren aurrean
Benjamin Netanyahuk "Israel Handiari" buruz berriki egindako adierazpenak berresten du plan horrek. Zisjordaniaz eta Gazako Zerrendaz gain, Egipto eta Jordaniako lurraldeen zati bat barne hartuko lituzke, besteak beste.
UEFA, Israelen aurka: "Utzi haurrak hiltzeari, utzi zibilak hiltzeari"
Bi haur errefuxiatu palestinar Paris Saint-Germain eta Tottenham taldeen arteko UEFAko Superkopako finalean izan dira, Aleksander Ceferin UEFAko presidentearekin batera.
Trump Putinengana hurbiltzen saiatuko da Alaskan, Ukrainari buruzko konpromiso irmorik hartu gabe
Ostiraleko bileran (19:30 GMT orduan izango dena, Euskal Herriko 21:30ean) ez da Volodimir Zelenski Ukrainako presidentea izango. Donald Trumpek eta Vladimir Putinek agerraldia egingo dute hedabideen aurrean bileraren amaieran.
Aitor Zabalgogeazkoa (MSF): "Gazako janari banaketa sistema berria basakeria bat da"
Aitor Zabalgogeazkoak zortzi aste egin ditu Gazan Mugarik Gabeko Medikuak erakundearen larrialdietako koordinatzaile bezala lan eginez. Bere hitzetan, 22 hilabeteren ostean, "jendeak esperantza galdu du eta gosetea gero eta handiagoa da". Zabalgogeaskoak gertutik bizi izan du Israelek eta AEBk babesten duten janari banaketa puntuetan gertatzen dena. "Egunero egoten dira hildakoak eta zaurituak" eta askok buruan eta bularrean jasotzen dituztela tiroak adierazi du "Gaur Egun" albistegian egindako elkarrizketan.
Hogeita hamar bat kazetarik protesta egin dute Tel Aviven kazetari gazatarren hilketaren aurka
"Utzi Gazan kazetariak hiltzeari", irakur zitekeen, ingelesez, arabieraz eta hebreeraz idatzitako pankarta batean. Kazetariak ordu erdiz egon dira bilduta Israelgo Kazetarien Elkarte Nazionalaren egoitzaren atarian isiltasunean.
Gutxienez 26 pertsona hil dira Lampedusako kostaldean, ontzi bat hondoratuta
Desagertuen bila jarraitzen dute; izan ere, 95 bat migratzaile zihoazen goizaldean Tripolitik (Libia) abiatu diren bi ontzitan. Horietako batean ura sartzen hasi da, eta, ondorioz, pertsonak bestean ontziratu dira. 60 inguru erreskatatu dituzte.
Aitor Zabalgogeazkoa Gazatik itzuli berri da eta Zerrendako egoera "inoiz baino okerragoa" dela uste du
Bilbon komunikabideekin egindako topaketa batean, 2012ra arte Mugarik Gabeko Medikuak erakundeko zuzendari nagusi izan denak eta gaur egun larrialdietako koordinatzailea den Aitor Zabalgogeazkoak Gazan eman dituen azken zortzi asteak deskribatu ditu. Gaur gauean, "Gaur Egun" albistegian elkarrizketa egingo diote, Gazako Zerrendan bizi den egoera azaldu dezan.
Europako buruzagiek su-etena eskatu diote Trumpi, ostiralean Putinekin Alaskan egingo duen bileraren abiapuntu gisa
Macronen arabera, AEBko presidenteak bideokonferentziaz baieztatu die NATO ez dela Ukrainaren segurtasun bermeetan inplikatuta egongo. Gainera, Frantziako presidenteak azaldu du Trumpek bermatu diela Zelenskik bakarrik negoziatuko dituela Ukrainak Errusiari lagako omen dizkion lurraldeak.
Netanyahuren aurkako epaiketari azaroaren 2an helduko diote berriro, hainbat saio bertan behera geratu ostean
Israelgo lehen ministroak, funtzionario-eroskeria, iruzur eta konfiantza-abusu delituak leporatuta, astean hiru aldiz agerraldia beharko du data horretatik aurrera. Netanyahu Israelen historian jardunean dagoela epaitzen duten lehen gobernuburua da.
EBk negoziazioetan Ukrainak duen papera aldarrikatu du eta Errusia ohartarazi du, Hungariak sinatu ez duen mezu batean
"Ukrainako herritarrek beren etorkizuna erabakitzeko askatasuna izan behar dute. Ukrainako bake-bidea ezin da Ukraina gabe erabaki", ohartarazi dute, eta su-etena ezinbestekoa dela edozein aurrerapauso egiteko.