Ukrainan hauteskundeak aurreratuko dituela iragarri du Yanukovichek
Viktor Yanukovich Ukrainako presidenteak presidentetzarako hauteskundeak aurreratuko direla iragarri du ostiral honetan, oposizioaren eskaera nagusia.
Halaber, 2004ko Iraultzan onartutako Konstituzioa itzultzeko prozesuari hasiera eman dio, horrek estatuburuaren gaitasunak mugatuko lituzke, Parlamentuaren alde.
Yanukovichek konfiantza nazionaleko Gobernu bat osatzeko prozedura ireki du, Ukrainako Presidentetzak publikatutako ohar baten arabera.
"Egun trafiko hauetan, Ukrainak asko galdu duenean, bi aldeetako barrikadatan jendea hil denean, nire eginbeharra, hildakoen memorian, bizia baino ezer garrantzitsuagoa ez dela esatea da", azaldu du.
Presidenteak adierazi du: "Ukrainan bakea ezartzeko batera eman ez dezakegun pausorik ez dago".
Gobernuak eta oposizioak akordio bat iragarri dute
Viktor Janukovitx Ukrainako presidentea, oposizioko buruak eta Europar Batasuneko ordezkariak ados jarri dira, Ukrainan krisi politikoari amaiera jartzeko, Ukrainako Presidentetzak ostiral honetan jakitera eman duenez.
"Dokumentua 12:00etan (11:00etan, Euskal Herrian) sinatuko da, Presidentetzako Administrazioaren egoitzan", ohar ofizialean irakur daitekeenez.
Oraingoz ez dira akordioaren zehaztapenak ezagutzen. "Negoziazio korapilatsuen gau baten" ostean lortu da, UNIAN agentzia lokalaren iturrien arabera.
"Ukrainako presidenteak emateak egingo ditu bakea berrezartzearen onerako", adierazi du Anna Guerman Yanukovichen diputatuak eta kontseilariak, akordioa iragarri baino zertxobait lehenago.
Indarkeriari amaiera jartzeko negoziazioak bart areagotu ziren, hainbat pertsona hil ziren egun odoltsu baten ostean.
Oposizioaren arabera, atzo 60 manifestatzaile hil ziren tiroen ondorioz, Barne Ministerioak Poliziari suzko armak ematea agindu ostean.
Osasun Ministerioko azken datu ofizialek diotenez, asteartetik, indarkeria piztu zenetik, 77 pertsona hil dira Kieven; oposizioaren arabera, 100 baino gehiago izan dira.
Bart gaueko azken orduan, asteazkenean manifestatzaile erradikalen aurka iragarritako terrorismoaren aurkako operazioa debekatu zuen Rada Gorenak (Parlamentua).
Ukrainako Parlamentuak 2004ko Konstituzioaren itzulpena bozkatuko du
Estatuburuaren boterea mugatzen duen Ukrainako Rada Gorenak (Parlamentua) 2004ko Konstituzioaren itzulpena bozkatuko du ostiral honetan, Vladimir Ribak Legegintza-presidenteak iragarri duenez.
"Gaur lege batzuk bozkatu behar ditugu. Besteak beste, 2004ko Konstituziora itzultzea. Lehenengo gaia da eta onartu beharra dugu", azaldu du Ribakek, gaur Radak egindako saioaren hasieran.
2004ko Konstituziora itzultzea Ukrainako oposizioaren eskaera nagusietako bat da. Hañaber, presidentetzarako eta parlamenturako hauteskundeak aurreratzea ere eskatu dute.
Manifestatzaileek polizien aurka tiro egin dute Kiev herdialdean
Ezezagun talde batek segurtasun agenteen aurka tiro egin du ostiral honetan, Independendia Plazan, Kieven, Ukrainako Barne Ministerioak azaldu duenez.
"Institutskaya kale inguruan desordena masiboetan parte hartzen dutenek su egin dute ordena publikoaren agenteen aurka eta Rada Gorenera (Parlamentua) joaten saiatu dira, azaldu du Barne Ministerioak oharrean.
Zure interesekoa izan daiteke
Libano hegoaldean "segurtasun eremu bat" kontrolatuko duela ziurtatu du Israelek, Litani ibairaino
Israelgo Defentsa ministroak adierazi duenez, Libano hegoaldetik iparraldera ebakuatu dituzten ehunka mila herritarrak ez dira itzuliko Israel iparraldean bizi direnen segurtasuna bermatzen den arte.
Bruselak Hungariari eskatu dio argitu dezan Errusiari egin omen dizkion filtrazioen auzia
Hungariak ukatu egin du Errusiari Europar Batasuneko barne gaiei buruzko informazioa ematen ari zaiola, eta "albiste faltsutzat" eta "gezurtzat" jo ditu horren inguruan hedabideetan agertu diren informazioak.
EBk eta Australiak merkataritza libreko akordioa sinatu dute, ia hamar urteko negoziazioen ondoren
Horri esker 1.000 milioi euroko balioa duten muga-zergak kenduko dizkie Australiak EBko esportazioei. Merkataritzan ez ezik, Defentsan eta Segurtasunean ere elkarlanean aritzea adostu dute bi aldeek.
Gutxienez 66 lagun hil eta 70 zauritu dira, Kolonbian, hegazkin militar batek izandako istripuan
C-130 Hercules aireontzia Puerto Leguizamo-Puerto Asis bidea egiten ari zen, eta Armadako langileak zeuden barruan istripua izan duenean. Guztira, 128 pertsona zeuden hegazkinean.
EAEko Osasun arloko lan-eskaintzetako hizkuntza-eskakizunen eskumena "nazionala” dela ondorioztatu du Europako Batzordeak
Bruselak horrela erantzun dio Espainiako herritar batek aurkeztutako ekimen bati. Horrek salatzen zuen Osasun arloko lanpostu publikoetara sartzeko euskara eskatzea neurriz kanpoko oztopoa izan daitekeela profesional kualifikatuentzat, eta arretaren kalitaterako kaltegarria izan daitekeela.
Trumpek bost egun atzeratu du zentral elektrikoen aurkako eraso-oldea, Iranekin "elkarrizketa oparoa" izan baitu
"Azken bi egunetan" Iranekin gatazka "erabat konpontzeko" harremanak izan dituela jakinarazi du AEBko presidenteak. Irango Atzerri Ministerioak aitortu du AEB eurekin harremanetan jarri zela, baina azpimarratu du ez dela negoziaziorik izan.
Libano hegoaldea ez da leku segurua, ez kristauentzat ezta musulmanentzat ere
Israelgo Defentsa ministroak iragarri zuen Libano hegoaldea Gaza bihurtuko zela, eta horixe ari da gertatzen. Libanoko kristauak harrapatuta daude, askok Beiruteko aterpetxeetara egin dute ihes, baina beste batzuek ez dute hiria uzteko asmorik.
EBren eta Mercosurren arteko akordioa maiatzaren 1ean sartuko da indarrean, behin-behinean
Gauzak horrela, merkataritza libreko ituna aplikatuko da martxoa amaitu aurretik akordioa onartzen duten Mercosurreko herrialdeen artean. Oraingoz, Argentina, Brasil eta Uruguaik egin dute hori.
Kuba argindarra berreskuratzen hasi da, astebetean izan duen bigarren 24 orduko itzalaldiaren ostean
Habanan elektrizitate zerbitzuaren % 70 martxan dago. Ospitaleek eta ur-hornidurarako azpiegiturek dute lehentasuna.
Air Canadako hegazkin batek eta suhiltzaileen kamioi batek talka egin dute New Yorkeko LaGuardia aireportuan
Air Canadako hegazkin batek eta suhiltzaileen kamioi batek talka egin dute igande gauean New Yorkeko LaGuardia aireportuan (Queens). Hainbat lagun zauritu dira, bertako komunikabideek jakitera eman dutenez.