Ukrainako Parlamentuak Tymoxenko aske uzteko agindu du
Julia Tymoxenko Ukrainako lehen ministro ohia eta oposizioaren burua aske uzteko agindu du larunbat honetan Ukrainako Parlamentuak.
Gaurko osoko bilkuran Tymoxenko berehala aske uztea agintzen duen ebazpena onartu du Ukrainako Parlamentuak. Parlamentuaren gehiengo zabalak, bi herenak baino gehiagok, babestu du ebazpena. Onartutako adierazpenak Kharkiv hiriko ospitale batean giltzapetuta dagoen buruzagia berehala aske uztea ekarriko du, oposizioaren arabera.
Ukrainako Parlamentuko presidente berria izendatu dute
Aleksandr Turtxynov Batkivstxina alderdiko presidenteordea izendatu dute Ukrainako Parlamentuko presidente, haren aurrekoak ordu batzuk lehenago, osasun arazoak tarteko, dimisioa eman ostean.
Viktor Janukovitx Ukrainako presidenteak eta oposizioko buruek herrialdeak bizi duen krisiari amaiera emateko akordioa sinatu eta biharamunean etorri da aldaketa.
Ruslan Koxulinski Ukrainako Parlamentuko presidenteordeak iragarri du albistea, gaur egiten ari diren ezohiko osoko bilkuraren hasieran. Halaber, Igor Kaletnik Parlamentuko lehen presidenteordeak ere dimisioa eman du.
Astearteko Parlamentuko osoko bilkuran Volodymyr Rybakek tentsio krisi bat izan zuen, eta medikuek artatu behar izan zuten tokian bertan.
PR Erregioen Alderdiaren parte hartzerik gabe erabaki garrantzitsurik ez hartzeko eskatu die Janukovitx presidentearen alderdiak Parlamentuan duen Juri Mirosnitxenko bozeramaileak parlamentariei. Hala ez balitz, Ukrainak banatzeko arriskua lukeela adierazi du.
PR alderdiko 23 parlamentari soilik ari dira parte hartzen gaurko osoko bilkuran, eta, guztira, Parlamentua osatzen duten 450 parlamentarietatik 248 baino ez.
Manifestariek Kiev erdigunearen eta Estatuko Administrazioen kontrola hartu dute
Larunbat honetan, Kiev erdiguneko kaleen eta Estatuko Administrazioen egoitzek kontrola hartu dute manifestariek, presidentearen egoitza barne.
Viktor Janukovitx presidentearen egoitza Kievetik 20 kilometrora dago. Presidentearen egoitza ofizialean ez dago inolako segurtasun langilerik, eta edonor ibili daiteke barruan, Interfax albiste agentziaren arabera.
Kiev hiriburuan, bestalde, manifestariek Ukrainako Parlamentuko, Gobernuaren egoitzako eta presidentearen bulegoko sarrerak kontrolpean dituzte.
Janukovitxek telebistan hitz egingo du gaur
Viktor Janukovitx Ukrainako presidenteak telebistan hitz egingo du gaur, estatuburuaren Anna Guerman aholkulariak jakinarazi duenez.
"Presidentea Kharkiv hirian dago. Hegazkinez joan zen atzo. Gaur Ukraina ekialdeko diputatuekin bilera egingo du, eta ondoren, telebistan hitz egingo du".
Janukovitx eta Barne ministroa non dauden ez zekitela zabaldu da, baina segurtasun iturriek jakinarazi dutenez, presidenteak ez du herrialdetik alde egin.
Oposizioko buruzagiak Janukovitxen kontrako zentsura mozioa aurkeztuko du
Vitali Klitxko Ukrainako oposizioko buruak Janukovitx presidentearen kontrako zentsura mozioa aurkeztuko du gaur Parlamentuan, haren alderdiko bozeramaileak azaldu duenez.
Eskari honekin, hauteskundeak aurreratzeko prozesua azkartu nahi du oposizioko buruak.
Janukovitx boteretik kentzeko alderdi guztien babesa lortzen saiatuko dela adierazi die Klitxkok Kieveko Independentzia Plazan jarraitzen duten manifestariei.
Zure interesekoa izan daiteke
Libano hegoaldean "segurtasun eremu bat" kontrolatuko duela ziurtatu du Israelek, Litani ibairaino
Israelgo Defentsa ministroak adierazi duenez, Libano hegoaldetik iparraldera ebakuatu dituzten ehunka mila herritarrak ez dira itzuliko Israel iparraldean bizi direnen segurtasuna bermatzen den arte.
Bruselak Hungariari eskatu dio argitu dezan Errusiari egin omen dizkion filtrazioen auzia
Hungariak ukatu egin du Errusiari Europar Batasuneko barne gaiei buruzko informazioa ematen ari zaiola, eta "albiste faltsutzat" eta "gezurtzat" jo ditu horren inguruan hedabideetan agertu diren informazioak.
EBk eta Australiak merkataritza libreko akordioa sinatu dute, ia hamar urteko negoziazioen ondoren
Horri esker 1.000 milioi euroko balioa duten muga-zergak kenduko dizkie Australiak EBko esportazioei. Merkataritzan ez ezik, Defentsan eta Segurtasunean ere elkarlanean aritzea adostu dute bi aldeek.
Gutxienez 66 lagun hil eta 70 zauritu dira, Kolonbian, hegazkin militar batek izandako istripuan
C-130 Hercules aireontzia Puerto Leguizamo-Puerto Asis bidea egiten ari zen, eta Armadako langileak zeuden barruan istripua izan duenean. Guztira, 128 pertsona zeuden hegazkinean.
EAEko Osasun arloko lan-eskaintzetako hizkuntza-eskakizunen eskumena "nazionala” dela ondorioztatu du Europako Batzordeak
Bruselak horrela erantzun dio Espainiako herritar batek aurkeztutako ekimen bati. Horrek salatzen zuen Osasun arloko lanpostu publikoetara sartzeko euskara eskatzea neurriz kanpoko oztopoa izan daitekeela profesional kualifikatuentzat, eta arretaren kalitaterako kaltegarria izan daitekeela.
Trumpek bost egunez atzeratu du zentral elektrikoen aurkako eraso-oldea, Iranekin "elkarrizketa oparoa" izan baitu
"Azken bi egunetan" Iranekin gatazka "erabat konpontzeko" harremanak izan dituela jakinarazi du AEBko presidenteak. Irango Atzerri Ministerioak aitortu du AEB eurekin harremanetan jarri zela, baina azpimarratu du ez dela negoziaziorik izan.
Libano hegoaldea ez da leku segurua, ez kristauentzat ezta musulmanentzat ere
Israelgo Defentsa ministroak iragarri zuen Libano hegoaldea Gaza bihurtuko zela, eta horixe ari da gertatzen. Libanoko kristauak harrapatuta daude, askok Beiruteko aterpetxeetara egin dute ihes, baina beste batzuek ez dute hiria uzteko asmorik.
EBren eta Mercosurren arteko akordioa maiatzaren 1ean sartuko da indarrean, behin-behinean
Gauzak horrela, merkataritza libreko ituna aplikatuko da martxoa amaitu aurretik akordioa onartzen duten Mercosurreko herrialdeen artean. Oraingoz, Argentina, Brasil eta Uruguaik egin dute hori.
Kuba argindarra berreskuratzen hasi da, astebetean izan duen bigarren 24 orduko itzalaldiaren ostean
Habanan elektrizitate zerbitzuaren % 70 martxan dago. Ospitaleek eta ur-hornidurarako azpiegiturek dute lehentasuna.
Air Canadako hegazkin batek eta suhiltzaileen kamioi batek talka egin dute New Yorkeko LaGuardia aireportuan
Air Canadako hegazkin batek eta suhiltzaileen kamioi batek talka egin dute igande gauean New Yorkeko LaGuardia aireportuan (Queens). Hainbat lagun zauritu dira, bertako komunikabideek jakitera eman dutenez.