Janukovitxek 'gerra zibila' bilatzea leporatu dio Ukrainako Gobernuari
Viktor Janukovitx Ukrainako presidente kargugabetuak berretsi du bera dela oraindik presidente eta Armadaren buru. Horregatik, ziur esan du soldaduek eta ofizialek ez dietela jaramonik egingo "zilegitasunik ez duen Gobernu berriari".
Janukovitxek Rostov Donen emandako prentsaurreko batean salatu duenez, Ukraina "ultranazionalista eta neofaxista batzuen esku" dago, eta "gerra zibila hastea" da horien helburua. "Ofizialek eta soldaduek ez dituzte estatu kolpez inposatutako Gobernuaren agindu kriminalak beteko", berretsi du. Agintari berriak "gaizkileak" direla eta "alderdi nazionalistetako gerrillariei armak emateko" Armadan sartu nahi dituztela salatu du.
Otsailaren 22an kargugabetu zutenetik Errusian dago errefuxiatuta Janukovitx, eta gaurkoa ordutik egin duen bigarren agerraldia da.
Agerraldi horretan presidente berria hautatzeko hauteskundeei egin die erreferentzia, zilegitasuna kentzeko: "Erabat ilegitimoak eta legez kanpokoak dira Konstituzioaren kontrako estatu kolpe baten ondorioz boterea lapurtu duen gaizkile taldeak maiatzaren 25erako deitu dituen presidenterako hauteskundeak".
Kritikak mendebaldeari
Janukovitxek oso gogor jo du Ukrainako agintari berriei babesa agertu dieten mendebaldeko politikarien kontra ere: "Itsu al zaudete? Faxismoa zer den ahaztu duzue?".
Agintari ukrainarrak AEBko Gobernua ere kritikatu du Kieveko agintariei diru-laguntza emango dielako: "Zuen legediaren arabera, ez duzue gaizkileei dirua emateko eskubiderik".
Bere buruaren etorkizunari dagokionez, berriz, baikor agertu da Ukrainako presidente ohia: "Egoerak ahalbidetzen duenean, eta ziur nago ez dudala asko itxaron beharko, Kievera itzuliko naiz".
Krimea
Bestalde, Ukrainako eskualdeek, Krimeak tarteko, ez diotela Kievek "pistola eskuan" agindutakoari jaramonik egingo azpimarratu du, eta Krimea Errusian sartzen bada agintari berrien "ekintzen" ondorio izango dela esan du.
Zure interesekoa izan daiteke
Islamabadeko xiiten gurtza leku batean izandako atentatu suizida batek dozenaka hildako eta zauritu utzi ditu
Pakistango Defentsa ministroak jakinarazi duenez, bertan zeuden segurtasun zaindariek aurre egin diote erasotzaileari, baina "tiro eginez eta immolatuz erantzun du". Pakistango agintariek Afganistango talibanei eta Indiari egotzi diete erasoa.
Txinak adierazi du ez duela negoziazio nuklearretan parte hartuko, START III ituna iraungi ostean
Asiako erraldoiak dio bere gaitasun nuklearrak ez daudela Estatu Batuen edo Errusiaren parean. Etxe Zuriak salatu du Txinak nabarmen handitu duela bere ahalmen nuklearra.
Preso politikoentzako amnistia legea onartzeko lehen pausoa eman du Venezuelako Parlamentuak
Delcy Rodriguez presidente arduradunak bultzatutako eta ostegunean lehen bozketan onartutako proiektuak 1999tik (chavismoa boterera iritsi zenetik) gaur egunera arte atxilotutako preso politikoak hartzen ditu barne, eta kanpoan uzten ditu giza eskubideen urraketa larriengatik auzipetuak edo zigortuak. Kontsulta prozesua zabalduko da orain, eta bigarren eztabaida batean onartu beharko da gero.
Arma nuklearren START III tratatua iraungi den egunean, eustearen aldeko jarrera agertu dute Errusiak eta AEBk
START III itunak arma nuklear estrategikoen kopurua mugatzen zuen, gehienez 1.550 buru nuklearretara eta 700 sistema balistikotara, bi potentzietako bakoitzerako, izan lurrean, itsasoan edo airean. Start III 2010eko apirilaren 8an sinatu zuten, Pragan, Dmitri Medvedev Errusiako eta Barack Obama AEBetako orduko presidenteek, eta 2021eko otsailean berritu zuten beste bost urterako eta gaur iraungi da.
Trumpek ez du bere ondorengoaz hitz egin nahi izan, eta nabarmendu du Vance eta Rubio "zoragarriak" direla
Donald Trump Ameriketako Estatu Batuetako presidenteak Etxe Zurian bere ordezkoari buruz ez du iritzirik eman nahi izan, eta JD Vancen eta Marco Rubioren lana goraipatu ditu.
AEBk eta Ukrainak produktibotzat jo dituzte Errusiarekin izan dituzten negoziazioak
Ukraina eta Errusiako ordezkariak Arabiar Emirerri Batuetako hiriburuan bildu dira, Estatu Batuetako ordezkariekin batera, gerrari amaiera ematea duen bigarren bilera sorta batean. Elkarrizketek ostegunean jarraituko dute.
21 palestinar hil ditu Israelek Gazan, tartean sei haur, gauez egindako erasoetan
Erasoen biktimetako bat Hussein Hassan Hussein Al Samiri da, Palestinako Ilargi Gorriko paramediko bat. Israelek atzo gauetik jaurtitako bonbardaketa ugarietako batetik zaurituak zeramatzala eraso diote. Su-etenaz geroztik Israelek egindako erasoen ondorioz hildako gazatarren kopurua 556ra igo da, horien artean 115 adingabe baino gehiago.
Trumpek eta Petrok bakeak egin dituzte, urtebetez irainka aritu ostean
Donald Trump AEBko presidenteak eta Gustavo Petro kolonbiar homologoak astearte honetan bakeak egin dituzte, tonu atsegineko bilera batekin, Etxe Zurian, desadostasunek eta irain gurutzatuek markatutako urte baten ondoren.
Elon Muskek eduki esplizitua sustatu zuen Grok AArekin, Xn erabiltzaileak irabazteko
Aktibo egon zen hamaika egunetan, Groken irudi sortzaileak hiru milioi irudi sexualizatu baino gehiago sortu zituen; horietatik 23.000k haurrak irudikatzen zituzten eta 1,8 milioik inguru, emakumeak. Elon Muskek xAIko langileei eskatu zien eduki esplizituarekin lan egiteko trebatzeko, sexuala barne, eta langileei ohartarazi zien "eduki sentikorra, bortitza, sexuala eta/edo beste eduki iraingarri edo asaldatzaileak" ikusteko prestatu zitezela, "estres psikologikoa" eragin ziezaiekeen eta.
Nobel Institutuak adierazi du Machadoren sariaren berri filtratu zela, baina ez du zehaztu nola
"Iragarpena egin baino ordu batzuk lehenago hainbat pertsonak dirutza jokatu zuten apustu-webguneetan, eta, hortaz, ziur esan dezakegu batzuk gai izan zirela iazko erabakiari buruzko informazioa legez kanpo eskuratzeko", adierazi du Institutuak ohar batean.