Hollandek eskuinera egin du, Manuel Valls lehen ministro izendatuta
François Hollande Frantziako presidenteak Manuel Valls Barne ministroa izendatuko du lehen ministro, Jean-Marc Ayraulten lekua hartzeko.
Valls (Katalunia, 1962) Gobernuko kide baloratuena da, baina kontserbadoreena ere bai. Alderdi Sozialistak udal hauteskundeetan porrot historikoa jaso eta gero etorri da izendapena.
Ayraultek astearte honetan pasatuko dio lekukoa Vallsi, 15:00etan.
Gobernu berria ezagutzeko, baina, asteazkena arte itxaron beharko da. Egun horretan, Hollande Bruselara joango da, eta, beraz, bidaia hasi baino lehen egin beharko dute iragarpena.
"Tradizio errepublikanoaren arabera, Gobernuaren osaketa ezin da iragarri Errepublikako presidentea atzerrian dagoenean", azaldu du Pierre-Rene Lemas Eliseoko idazkariak, iragarpena egin beharko duenak.
Hori horrela, Exekutibo berriaren lehen bilera ostegunean egingo dute.
Gobernu horretan egongo ez direnen artean Cecile Duflot eta Pascal Canfin ministro ekologistak daude, uko egin baitiote Exekutiboan jarraitzeari, Vallsen aurka daudelako.
"Gobernu lehiakorra'
François Hollande Frantziako presidenteak Manuel Valls Barne ministroari Gobernu berri bat osatzea agindu dio, "Gobernu lehiakorra" eta "batua", herritarren bozetan emandako "mezuari" kasu egin behar diona.
"Une garrantzitsua da geure bizitza nazionalean", nabarmendu du Hollandek, telebistaz emandako hitzaldian. Halaber, Jean-Marc Ayrault irten den lehen ministroari bere "esker ona" azaldu dio. "Konfiantza dut Manuel Vallsengan", azpimarratu du.
Hollandek Ayraulti Gobernuko agintea hartzea eskertu dio une zailetan, "geroz eta okerragora" doan egoera batekin, Mugimendu Popularraren Batasunak utzitako oinordekotzaren ondorioz Nicolas Sarkozyren agintaldian.
Halere, "etapa berri bat irekitzearen" alde egin du, eta, horretarako, Vallsi "Frantziako Gobernuko buru izateko misioa" eman dio. Presidenteak esan duenez, "talde zorrotza, koherentea eta batua" nahi du babeserako, "gobernu lehiakorrean".
"Mezua jaso dut"
Ayrault Gobernutik irtetearen eztanda-eragilea alderdi sozialistak udal hauteskundeetan lortutako emaitza txarrak izan dira. "Mezua jaso dut", esan du Hollandek, herritarren artean izan den "nahigabea" dela eta, azaldutako era "argiari" buruz.
Horren harira, Frantziako presidenteak azaldu du herritarren ustez "zerga gehiegi eta langabezia gehiegi" dagoela. "Badakit askoek hil amaierara iristeko arazoak dituzuela", gaineratu du, herrialdeak "zuzenketa" bat behar duela uste izanda.
Ayraulten dimisioa
Frantziako lehen ministroak, Jean-Marc Ayrault sozialistak, bere dimisioa eta Gobernuarena aurkeztu dio presidenteari.
Iragarpen hori Frantziako udal hauteskundeen alderdi sozialistaren porrot historikoaren datorren egunean izan da.
Albiste gehiago mundua
:eitb-banner?$eitb-banner$&fmt=png-alpha&qlt=80)
Europar Batasunaren eta Israelen arteko merkataritza harremana, zenbakitan
EB da Israelen bazkide komertzial nagusia, AEBren aurretik. Iaz, Israelen eta EBren arteko truke ekonomikoa 42.600 milioi eurokoa izan zen.
Sua Paris erdialdeko jatetxe batean, doikuntzen aurkako protesten erdian
Suhiltzaileek Pariseko erdialdeko jatetxean piztutako sutea itzaltzea lortu dute. Milaka pertsona kalera atera dira gaur Frantzia osoan, 2026ko aurrekontuetan ia 44.000 milioi euroko doikuntza egiteko Gobernuaren planak salatzeko.
300 atxilotu inguru Frantzian, doikuntzen aurkako protesta egunean
Alderdiak eta sindikatuak alde batera utzita antolatu da 'Dena blokeatu dezagun' mugimendua eta helburua herrialdea geldiaraztea da. Polizia indarrek berrogeita hamar bat blokeo desegin dituzte, batez ere autobideetan eta garraio azpiegituretan, aurrekontu doikuntzen aurkako protesta egunaren hasieran.
Doikuntzen aurkako protesta eguna Frantzia osoan
"Dena blokeatu dezagun" leloa duen protesta sare sozialetan sortu zen hasiera batean, baina gero ezkerreko erakunde eta pertsonek bat egin dute, LFIren eta sindikatu batzuen babes nabarmenarekin. 2026ko aurrekontuetan ia 44.000 milioi euroko doikuntza egiteko Gobernuaren planak salatzeko deitu dituzte protestak.
Haurren obesitateak pisu txikikoa gainditu du lehen aldiz: hamar haurretatik batek gizentasuna pairatzen du munduan
Unicefek ohartarazi du elikagai ultraprozesatuen eraginaz eta haurrei zuzendutako publizitate oldakorraz, osasun, gizarte eta ekonomia ondorio larriak dituen epidemia globala bultzatzen ari dela.
Alex Txikon, Nepalgo protesten lekukoa: "Poliziak tiro egin die parlamentuko hormara igo direnei"
Alex Txikon alpinista bizkaitarra Katmandun zegoen protestak piztu zirenean. Nepalgo poliziak parlamentuan sartzen saiatzen ari zirenei tiro nola egin dien lekuko izan da Txikon. "Katmandu erabat itxita dago eta liskarrak daude", adierazi du.
Ursula von der Leyenek proposatu du Israelekin merkataritza gaietako akordioaren suspentsio partziala
Europako Batzordeko presidenteak, gainera, zigorrak planteatu ditu muturreko ministroentzat eta kolono bortitzentzat. Proposamenak, baina, 27en oniritzia beharko du aurrera egin dezan.
Armadak etxeratze agindua ezarri du Nepalen, dagoeneko 25 hildako eragin dituen protesta uholdea geldiarazteko
Istilu larriak bizi dira Nepalen, "Z belaunaldia" izenekoek hasitakoak. Astearte honetan K.P. Sharma Oli Nepalgo lehen ministroak dimisioa eman du, protestek bultzatuta. Katmanduko Aireportua itxita egongo da gutxienez 18:00ak arte, tokiko orduan (12:15 GMT).
Poloniak "erasotzat" jo du Errusiak bere aire-espazioa urratu izana, eta aho batez babestu dute
NATOko F-35 ehiza-hegazkinek, bereziki Herbehereetako Aireko Errege Indarrak, Poloniako aire-defentsa indartu dute goizaldean, Errusiako droneek aire-eremua urratu ostean, Ukrainaren aurkako eraso batean. Misil baten eta zazpi dronen arrastoak aurkitu dituzte Poloniako agintariek.
Albiste izango da: Gaza, krisi politikoa Frantzian eta suizidioaren prebentzioa
Orain-ek gaur landuko dituen albiste nagusien laburpena.