NATOk Trumpi erantzun dio aliatuek laguntza eskaini diotela Ormuzerako
AEBko presidenteak ohartarazi zuen Aliantzak “oso etorkizun makurra” izango duela aliatuek itsasartea desblokeatzen laguntzen ez badute. Erresuma Batuak adierazi du “plan kolektibo bat” lantzen ari dela eremurako, eta EBk Atzerri ministroak bildu ditu auzia aztertzeko.
Ormuzko itsasartea. Argazkia: EFE
Donald Trumpek asteburuan egindako ohartarazpenen ondoren, NATOk astelehen honetan gogorarazi du Europako aliatu batzuek jada laguntza eskaini dutela Ormuzko itsasartea desblokeatzen saiatzeko. Adierazpen ofizial horiek, hala ere, ez datoz bat Javier Colomina NATOko ordezkariak esandakoarekin. NATOko hegoaldeko herrialdeen ordezkari den idazkari nagusiaren arabera, “NATOk ez du zertan gatazkan parterik hartu”.
Era ofizialean, erakundearen bozeramaile batek talka saihestu du: “Aliatuek dagoeneko urrats bat eman dute Mediterraneoan segurtasun gehiago eskaintzeko. Badakigu aliatu batzuk banaka Estatu Batuekin eta beste batzuekin hitz egiten ari direla, zer egin dezaketen aztertzeko, baita Ormuzko segurtasunari dagokionez ere”.
Aliantzaren erreakzioa Trumpek igande honetan adierazitakoaren ondoren iritsi da. AEBko presidenteak esan zuen NATOk “oso etorkizun makurra” izango duela aliatuak ez badira Ormuz berriro irekitzeko elkarlanean aritzen. Izan ere, itsasarte hori petrolioaren nazioarteko merkataritzarako gune estrategikoa da, eta Irango armadak blokeatuta dauka, Washingtonek eta Israelek iragan otsailaren 28an Iranen aurka abiarazitako erasoaldiaren erantzun gisa.
NATOren baitan, halere, bestelako iritziak ere agertu dira; hala nola Javier Colominarena. NATOko hegoladeko herrialdeen ordezkari berezi eta Gai Politikoetarako eta Segurtasun Politikarako idazkari nagusiaren ondokoak adierazi du NATOk ez duela zertan "parte hartu gatazkan, gaur-gaurkoz”.
Bien bitartean, Erresuma Batuko lehen ministro Keir Starmerrek astelehen honetan adierazi du nazioarteko eragileekin —tartean, Europako bazkideekin— “plan kolektibo” bat lantzen ari direla, nabigazio-askatasuna “ahalik eta azkarren” berrezartzeko, eta horrela Iraneko gerrak eragindako “ondorio ekonomikoak arintzeko”.
Europar Batasuna ere irtenbide bat bilatzeko lanean ari da, lehentasunezkotzat jotzen baitu. EBko Atzerri ministroak astelehen honetan aztertzen ari dira nola mantendu irekita Ormuzko itsasartea; haietako askok azpimarratu dute horretarako garrantzitsua dela “gerra amaitzea”.
Zure interesekoa izan daiteke
Kubako Gobernuaren erantzuna, Trumpek "berehala" esku-hartzeko mehatxua egin ostean: "Ez gaitu kikilduko"
"Iranekin amaitu eta ia berehala", Kubaren "kontrola" hartzeko mehatxua egin zuen ostiralean AEBetako buruak. Era berean, Kubaren zein haren laguntzaileen kontrako zigor berriak iragarri zituen.
Saif Abukeshek ekintzailea 'shock' egoeran dago eta gose greba hasi du
Global Sumud Flotillako ekintzaileak legez ordezkatzen dituen Israelgo Adalah erakundeak baieztatu du Shikmako atxilotze zentroan (Ashkelon hirian) daudela Thiago Avila brasildarra eta Saif Abukeshek. Bestalde, salatu du kartzelan daudenetik tratu txarrak jasaten ari direla bi ekintzaileak, bai eta "galdeketa ilegalak" ere.
Trumpek 5.000 soldadu estatubatuar erretiratuko ditu Alemaniatik
Boris Pistorius Alemaniako Defentsa ministroak adierazi du AEBk soldadu estatubatuarrak Alemaniatik partzialki erretiratzea aurreikus zitekeela, baina erabaki horrek “argi uzten du Europak ardura handiagoa hartu behar duela bere segurtasuna bermatzeko”. AEBko armadak 36.000 soldadu baino gehiago ditu bertan aktibo.
Trumpek amaitutzat eman du gerra, Kongresuari baimena eskatzea saihesteko
AEBko presidenteak ostiral honetan Kongresuari helarazitako gutun batean baieztatu du Ekialde Hurbileko erasoak "eten" egin direla, nahiz eta eskualdean indar militarrei eutsi eta Teheranekin dituen negoziazioak baketik urrun egon.
Trumpek merkataritza ituna urratzea leporatu dio EBri, eta autoen gaineko muga zerga % 25era igoko du
Europako Batzordeak gezurtatu egin ditu Estatu Batuetako presidenteak egindako salaketak, eta muga-zergen neurri berrien aurrean bere interesak babesteko "aukerak" zabalik dituela ohartarazi du.
Israelek atxilotutako Flotillako ekintzaileak Greziatik aberriratzen hasi dira
Bi ekintzaile, Saif Abukeshek jatorri palestinarreko espainiarra eta Thiago Avila brasildarra, atxikita ditu Israelek, eta Espainiako eta Brasilgo gobernuek berehala askatzeko eskatu dute.
Milaka langile mobilizatu dira mundu osoan beren eskubideen alde, eta lan-baldintza hobeak eskatu dituzte
Europa, Amerika, Asia edota Afrikako hirietan martxa jendetsuak egin dituzte maiatzaren 1ean, soldata hobeagoak, lanaldiaren murrizketa eta prekarietatearen aurkako babes handiagoa aldarrikatzeko, besteak beste.
Iranek negoziatzeko beste proposamen bat bidali dio AEBri
Trumpek onartu du Iranek "aurrerapausoak" eman dituela bere proposamenean, baina ez du baztertzen aukera militarra.
Elon Muskek onartu du xAIk OpenAIren modeloak erabili dituela Grok entrenatzeko, destilazio bidez
Destilazioa AA modelo baten ikasitakoak beste bati transmititzeko praktika da; horrela, modelo txikiago batek sare neuronal handiagoen jokabidea imita dezake.
Israelek Global Sumud Flotillako bi ekintzaile eraman eta gainerakoak askatu ditu Kretan
Global Sumud Flotillak "legez kanpoko bahiketa" salatu du eta bi kide askatzeko nazioarteko presioa eskatu du; Israelek Gazaren aurkako itsas blokeoa defendatu du.