Hollandek aldaketak iragarriko ditu gaur Gobernuan
François Hollande Frantziako presidenteak agerraldia egingo du gaur 20:00etan telebistan, Alderdi Sozialistak udal hauteskundeetan porrot egin eta gero, eta litekeena da Gobernuan hainbat aldaketa iragartzea, Stephane Le Foll Nekazaritza ministroak baieztatu duenez.
RTL irrati katean egindako adierazpenetan, Hollandek "azalpenak" emango dituela esan du Le Follek.
Hollanderen onarpen-maila 1958an V. Errepublika sortu zenetik presidente batek izandako txikiena da; izan ere, langabezia gora egiten ari da, eta, ekonomiaren arloan, Gobernu sozialistak neurri eskuindarrak eta liberalak abiatu ditu.
Testuinguru honetan, Hollandek aldaketa sakonak egingo ditu Gobernuan, konfiantza krisiari aurre egiteko. Litekeena da aste honen hasieran bertan iragartzea Exekutiboaren erreforma.
Balizko aldaketa horien artean, Frantziako hedabideek segurutzat jotzen dute Jean-Marc Ayrault lehen ministroak kargua utziko duela. Manuel Valls Barne ministroa eta Laurent Fabius Atzerri ministroa dira haren lekua hartzeko faboritoak.
Europe 1 irrati katearen arabera, Ayraultek dimisioa eman nahi izan du bart, hauteskundeetako emaitzak ezagutu eta gero.
BVA Institutuak egindako inkesta baten arabera, hamar frantziarretik zortzik aldaketak nahi dituzte Gobernuan, eta hamarretik zazpik lehen ministroa aldatzea eskatu dute.
Alderdi Sozialistaren baitan ere ahots askok eskatu dute Gobernua erreformatzea. Adibidez, Anne Hidalgo Parisko alkate berriak "taldea aldatzea" beharrezkoa dela iritzi dio.
Zergak jaistea, beste balizko mugimendu bat
Frantziako Gobernuak egin lezakeen beste mugimendu bat familiei zergak jaistea da, Exekutiboaren iturriak aipatuta informazio agentziek aurreratu dutenez.
Agintaldiaren lehen 22 hilabeteetan, Hollandek igo egin ditu zergak, defizit publikoa murrizteko. Ondorioz, herritarren babesa galdu du. Udal hauteskundeek politika hori aldatzera behartu dute.
Zure interesekoa izan daiteke
Israelek eta Estatu Batuek eraso egin diote Iranek eta Qatarrek partekatzen duten munduko gas aztarnategi handienari
Iranek ohartarazi du bere azpiegitura energetikoaren aurkako erasoek "ondorio kontrolaezinak" ekar ditzaketela, egoera are gehiago zailduko dutenak eta mundu guztiari eragin diezaioketenak.
Diaz-Canelek esan du Kubak "eutsi" egingo diola "AEBk zigor kolektibo" gisa erabiltzen duen "gerra ekonomiko basatiari"
Nazio Batuen Erakundeak (NBE) ohartarazi du erregai-eskasiak Kubako "funtsezko zerbitzuak" kaltetzen dituela, eta hornidura humanitarioen entregak atzeratzen eta hornigaiak garestitzen ari direla. Gainera, ohartarazi du "bildu gabeko zaborra pilatzen" ari dela hiriburuan, Habanan, "airearen kalitatea okerrera" doala "hondakinak eta janaria prestatzeko zura erretzen delako", eta "elektrizitate faltagatik 50.000 ebakuntza egin gabe" geratu zirela otsailean, besteak beste.
Irango zentral nuklear bati eraso egin diotela salatu du NBEk
Oraingoz, ez dute biktimen ezta kalteen berririk eman. Energia Atomikoaren Nazioarteko Erakundeak Ekialde Hurbileko gatazka baretzeko deia egin du, istripu nuklearrak gertatzeko arriskua saihesteko.
Iranek misilekin eraso egin du Tel Aviven aurka, Ali Larijaniren hilketaren mendeku gisa
Irango Guardia Iraultzailearen esanetan, "100 helburu militar eta segurtasun helburu baino gehiago" jo dituzte, erasoan Israelgo aireko defentsa sistemak gaindituta.
Iranek baieztatu du Ali Larijani Segurtasun Nazionaleko Kontseilu Goreneko idazkaria hil duela Israelek
Martxoaren hasieran Khamenei aiatola hil zutenetik, Larijani Irango buruzagi garrantzitsuenetakoa zen. Halaber, eraso berean Golamreza Soleimani Basij indar paramilitarreko buruzagia hil dutela baieztatu du Irango Guardia Iraultzaileak. Hilketa horien aurrean, Irango agintari politiko eta militarrek "mendekua" agindu dute.
Espainiak euskara, katalana eta galegoa Europar Batasunean hizkuntza ofizialak izan daitezen nahi du
Fernando Sampedro EBko Estatu idazkariak esan du presioa egiten jarraituko dutela, nahiz eta gaiak bederatzi hilabete daramatzan Ministerioaren agendatik kanpo.
Israelgo Armadak iragarri du "eskala handiko" beste erasoaldi bat egingo duela Teheranen aurka
Israel Katz Defentsa ministroak iragarri duenez, Ali Larijani Irango Segurtasun Nazionaleko agintaria hil dute.
Trumpek esan du "ohore handia" izango litzatekeela "Kuba hartzea"
Bere Administrazioa Kubako agintariekin hitz egiten ari dela errepikatu du agintariak, eta irla "porrot egindako nazio bat" dela azaldu du. "Ez dute dirurik, ez dute petroliorik, ez dute ezer".
Beste ontzi bati eraso egin diote Ormuztik gertu, Erresuma Batuko itsas agentziak jakinarazi duenez
Bestalde, AEBko Armadak baieztatu duenez, Irango "7.000 objektibo baino gehiago" jo ditu, eta ehun ontzi baino gehiago "kaltetu edo suntsitu" ditu, otsailaren 28an Israelekin batera erasoaldia hasi zuenetik.
EBk uko egin dio Ormuzera aktibo militarrak bidaltzeari, berea ez den gerra bat delako
Nazioarteko bazkideek itsasartea desblokeatuko duen hedapen militar batean parte hartzeko ideia berretsi du Trumpek.