Gutxienez zazpi pertsona hil dira Slavianskeko operazio militarrean
Ukrainako Armadak operazio militarra abiatu du hego-ekialdean, Slaviansk hiria berreskuratzeko. Izan ere, matxino errusiazaleen esku dago. Gutxienez, zazpi pertsona hil dira.
Ukrainako Barne ministerioak baieztatu egin du errusiazaleek hiru helikoptero suntsitu dituztela eta bi militar hil direla.
Asen Avakov ministroaren esanetan, Armadak bederatzi kontrol-gune kontrolatzen ditu dagoeneko. "Borrokak gordinak dira, arma astunekin", gaineratu du.
Errusiazaleen bozermaileak RIA Novosti agentziari azaldu dionez, ukrainiarrek hainbat kontrol-guneri eraso diete, aldi berean, ibilgailu blindatuak erabilita.
Slaviansk errusiazaleen gotorleku nagusia egin da Ukrainako hego-ekialdean. Hiri horretan, hain zuzen ere, Europare sei behatzaileak atxikita dituzte; NATOrentzat espioitza egitea leporatu diete.
Atzo, Kievek hego-ekialdean operazio militarra abiatuko balu, ondorioa "hondamendia" izango litzatekeela ohartarazi zuen Errusiako Atzerri Ministerioak.
Ukrainak erasoarekin jarraituko du, kontrola berreskuratzeko
Ukrainak indar armatuek herrialdearen hego-ekialdean bart hasitako erasoarekin jarraituko du, blindatuekin etav helikopteroekin, Slavianskeko kontrola berreskuratzeko.
Ukrainak gizakien ezkutuak erabiltzea leporatu die separatistei
Oleksander Turchinov Ukrainako bitarteko presidenteak esan duenez, Slaviansken abiatutako operazio militarra uste baino zailagoa izaten ari da, eta separatistei giza ezkutuak erabiltzea leporatu die.
Lau pertsona hil dira eta hainbat zauritu Odessan
Gutxienez lau pertsona hil dira eta beste hainbat zauritu dira, Odessan (Ukraina hegoaldean) izandako liskarren ondorioz, Gobernuaren aldeko manifestatzaileen eta errusiazaleen sektorearen artean, komunikabideek azaldu dutenez.
Medvedevek Kievi herritarrak hiltzeari uztea eskatu dio
Dmitri Medvedev Errusiako lehen ministroak Ukrainako agintariei “herritar propioak hiltzeari” uzteko eskatu die.
“Ukrainako hiriburuko agintariek kontziente izan behar dute, eta herritar propioak hiltzeari utzi behar diete. Beste era batera haien etorkizuna oso tristea izan daiteke”, nabarmendu du Medvedevek Facebookeko kontuan, herrialdearen hego-ekialdeko operazioa aipatzean.
Zure interesekoa izan daiteke
Albiste izango dira: Zohran Mamdaniren garaipena New Yorken, Donostiako masajistaren aurkako epaia eta Dani Alvarezek Euskal Kazetarien Saria jasoko du
Gaurkoan Orain-en albiste izango direnen laburpena, bi hitzetan.
Nor da Zohran Mamdani, Trumpen amesgaizto berria?
34 urterekin, Mamdani alderdi demokrataren barruko olatu aurrerakoi, kulturaniztun eta ezkertiar berriaren izarra da. New Yorkeko alkate berriak boto gazte eta multikulturala bideratzea lortu du, etxebizitza eskuragarrian eta ezker demokrataren berrikuntzan oinarritutako mezuarekin.
Mamdanik hauteskundeak irabazi ditu New Yorken eta "gizadiarentzat hobea den egun baten egunsentia" agindu du
Zohran Mamdani demokrata New Yorkeko historiako lehen alkate musulmana izango da, botoen % 50 baino gehiago eskuratuta. "Hiri berpiztu bat" gidatuko duela eta "islamofobia eta antisemitismorik gabe" denontzat gobernatuko duela agindu du.
Dick Cheney AEBko presidenteorde ohia hil da, 84 urterekin
George W. Bushen Gobernuko bigarrena Defentsa Saileko buru ere izan zen, eta garai batean Alderdi Errepublikanoaren zutabeetako bat.
Zohran Mamdani, New Yorkeko eraberritze aurrerakoia gorpuzteko prest dagoen gizona
34 urterekin, Mamdanik Alderdi Demokratako olatu aurrerakoi, kulturaniztun eta ezkertiar berria irudikatzen du, eta astearte honetako New Yorkeko Alkatetzarako hauteskundeak irabazteko faborito argia da. Bere alderdiko liderren babes argirik ez duen arren, ezkerrera biratu eta izaera sozialeko politika publikoen egarri diren gazteen babesa du.
500 milioi haur baino gehiago bizi dira gatazka armatuen eremuetan
Save the Children gobernuz kanpoko erakundearen arabera, 2024an 520 milioi adingabe baino gehiago bizi ziren gatazka-guneetan. Afrika da eskualde kaltetuena: kontinente horretako haur guztien % 32 indarkeria armatuaren eraginpean bizi dira. 2024an, egunero, batez beste, 78 haur erailketen, bahiketen, sexu-erasoen eta mutilazioen biktima izan ziren, besteak beste.
‘Melissa’ urakanak Jamaikan eragindako suntsipena
Melissa urakanak suntsipena eragin du Jamaika uhartean, eta gutxienez 28 hildako dira jada. Urakanak "aurrekaririk gabeko" hondamendia eragin duela adierazi dute Jamaikako agintariek. Horrela geratu da uhartea, Melissaren astinduaren ondoren.
6,3 graduko lurrikara batek Afganistan iparraldea astindu du
Lurrikararen ondorioz, 27 hildako eta 700 zauritu baino gehiago izan dira, baina bilaketa- eta erreskate-lanek aurrera jarraitzen dute, eta ez da baztertzen datozen orduetan hildakoen kopuruak gora egitea.
Trumpek esan du ez duela uste AEBk Venezuelaren kontrako gerrarik egingo duenik, baina ez du planei buruz hitz egin nahi izan
"Zer erantzun diezaioket horrelako galdera bati? Ba al dago Venezuelan eraso bat egiteko planik? Nork esango luke hori? Halakorik balego, esan egingo nizukeela uste duzue, zintzoki? Bai, planak ditugu. Oso plan sekretuak ditugu", esan du 'Air Force One' hegazkinean. "Begira, ikusiko dugu Venezuelarekin zer gertatzen den", adierazi zuen, eta Venezuelako Gobernuak "milaka pertsona bidali zituen kartzeletatik, erakunde mentaletatik eta mendekotasun zentroetatik".
2007tik aurrera jaiotakoei erretzea debekatu die Maldivetako Gobernuak, horrelako erabaki bat hartu duen lehen herrialdea bihurtuz
Debekua aitzindaria da munduan, eta "ohitura ez osasungarriak desagerraraztea eta belaunaldi osasungarria eraikitzea" du helburu, presidenteak azaldu duenez.