Donetskek eta Luhanskek Ukrainatik independente direla aitortu dute
Donets eskualdeak Ukrainatik independente dela aitortu du astelehen honetan, erreferendumean aukera hori herritarren % 86,7k babestu eta egun batera. Halaber, Errusiaren parte izatea eskatu zuten.
Independentziaren aldarrikapena Donetskeko "behin-behineko Gobernuak" egin du. Ukrainako hego-ekialdeko eskualdean bizi diren gehienak errusiarrak dira.
Prentsaurreko batean, Denis Pushilin Donetskeko Errepublikako presidenteak Moskuri Errusiako Federazioaren baitan Estatu berriaren integrazioa kontuan hartzea eskatu dio.
"Geu, Donetskeko Errepublikako herria, 2014ko maiatzaren 11n egindako erreferendumaren emaitzak eta RPDren subiranotasun deklarazioa kontuan hartuta, Estatu subiranoa garela aitortzen dugu", nabarmendu du aitorpenak, Pushilinek irakurrita.
Halaber, Luganks herrialdeak (hego-ekialdea) ere Ukrainagandik independente dela aitortu du, erreferendumean % 96k horren alde egin eta egun bat geroago.
Lugansk independentearen Errepublikaren aitorpena mitin jendetsu baten egin dute, hiriburuan, Donetskek bere independentzia iragarri eta zertxobait geroago.
Kievek ez die balio juridikorik eman galdeketei
Alexandr Turtxinov Ukrainako jarduneko presidenteak ez die balio juridikorik ematen atzo Donetsken eta Lugansken egin zituzten erreferendumei.
"Fartsa propagandistiko horrek ez du ondorio juridikorik izango, antolatzaileei dagozkien zigor ardurak salbu", adierazi du presidente ukrainarrak Parlamentuak zabaldutako prentsa-ohar batean.
Errusiazaleek estatu erakundeak eratuko dituzte
"Donetskeko herri errepublikako" (errusiazaleek eskualdeari jarri dioten izena) buruzagi errusiazaleek iragarri dute estatu erakundeak eratuko dituztela atzoko erreferendumen garaipena ospatzeko.
"Orain, epe laburrean, estatu erakundeak sortu behar ditugu", adierazi du Denis Pushilin errepublikaren presidenteordeak.
Buruzagiak ohartarazi duenez, "erreferendumaren emaitzak jakinarazi ostean lurraldean geratzen diren indar militarrak (ukrainarrak) legez kanpokotzat eta indar okupatzailetzat joko ditugu".
Errusiarekin bat egiteko erreferenduma Lugansken
RIA Novosti albiste agentzia errusiarrak Luganskeko errusiazaleen bozeramaile bat aipatuta jakitera eman duenez, baliteke eskualde horretan Errusiarekin bat egiteko erreferenduma antolatzea.
"Erabaki hori hartzen bada, herritarren erabakia aintzat hartuko da", adierazi du bozeramaile errusiazaleak.
Errusiak herritarren borondatea errespetatzen du
Errusiako Gobernuak esan du errespetatu egiten duela erreferendumetan herritarrek agertutako borondatea; hau da, Ukrainiatik independizatzeko nahia.
Gainera, prentsa-agiri baten bitartez, partehartzea handia izan dela azpimarratu du, eta elkarrizketaren bidez emaitza aplikatzea eskatu du.
Bestalde, erreferendumak galarazteko Armada erabili izana leporatu die Errusiak Ukrainako agintariei.
"Partehartze handia azpimarratzen dugu; izan ere, bozketa galarazten saiatu dira gerrillari erradikalen laguntzarekin, Armadarekin, eta armak herritar baketsuen kontra erabiliz. Horrek hildakoak utzi ditu", adierazi du Serguei Lavrov Errusiako Atzerri ministroak.
Yanukovitx: 'Pazientziaren muga gainditu dute'
Viktor Yanukovitx Ukrainako presidente kargugabetuak ohartarazi du Kievek muga gainditu duela Donetskeko eta Luganskeko errusiazaleen kontra eginda.
"Zergatik Donbass inguruko herritarren gehiengo osoak eman zuen botoa beste Estatu mota baten alde, eta herritarrei terrorista deitzen dieten edo herritarrak erabateko zigorgabetasunez hiltzen dituen estatu baten kontra? Ukrainako herritarren pazientziaren muga gainditu dutelako", adierazi du Yanukovitxek Ukrainako hedabideek zabaldutako mezu batean.
EBk ez ditu emaitzak onartuko
Ukraina ekialdeko Donets eta Lujansk eskualdeetan egin diren erreferendumak "legez kanpokoak" direla esan du, Kieven antzera, Europar Batasunak, eta emaitzak onartuko ez dituztela aurreratu du.
"Alde guztiek babesa behar dute maiatzaren 25eko presidentetzarako hauteskundeak askatasunarekin egin eta bidezkoak izan daitezen, krisiari aurre egiteko eta ukrainarrek euren etorkizuna erabakitzeko", azaldu du Catherine Ashton bozeramaileak.
Horrez gain, "Elkarrizketa Nazionalaren baitan, eskualde guztiei babesteko lanean jarraitzea" eskatu dio Ukrainako Gobernuari.
Erreferendumak
Donetsk eta Lugansk eskualdeetako galdeketetako parte hartzeak % 70a gainditu du. Lehenengoaren kasuan, gainera, independentziaren aldeko botoa eman du % 90kek.
Albiste gehiago mundua
Trumpek eta Putinek bilera egingo dute ostiral honetan Alaskan, Ukrainan su-etena lortzeko asmoz
AEBko presidenteak esan du % 25eko aukera dagoela bilerak arrakastarik ez izateko; Kremlinak, berriz, ohartarazi du ez dela aurreikusten akordio formalik sinatzea. Aurrerapenik ezean, Moskuren aurka zigor berriak ezarriko dituela ziurtatu du Trumpek.
Ia 40 pertsona hil dira Kaxmirren izandako uholdeetan, Indian
Gutxienez 38 pertsona hil eta 100 zauritu dira Indiako Jammu eta Kaxmir estatuan izandako euri-jasek eragindako uholdeetan. Erreskate talde ugari mobilizatu dira hondakinen artean harrapatuta egon daitezkeen edo korronteak eraman dituen biktimak aurkitzeko. Gunerik kaltetuenetako bat Chositi izan da. Ur-uholdeek kalteak eragin dituzte etxebizitzetan eta ibilgailuetan. Era berean, uholdeek suntsitu egin dituzte Kishtwar barrutiko Machail Mata santutegia urtero bisitatzen duten erromesentzako kanpin-dendetan jarritako aldi baterako sukaldeak.
Palestinako Aginte Nazionalak nazioarteko laguntza eskatu du Zisjordania hautsiko lukeen proiektuaren aurrean
Benjamin Netanyahuk "Israel Handiari" buruz berriki egindako adierazpenak berresten du plan horrek. Zisjordaniaz eta Gazako Zerrendaz gain, Egipto eta Jordaniako lurraldeen zati bat barne hartuko lituzke, besteak beste.
UEFA, Israelen aurka: "Utzi haurrak hiltzeari, utzi zibilak hiltzeari"
Bi haur errefuxiatu palestinar Paris Saint-Germain eta Tottenham taldeen arteko UEFAko Superkopako finalean izan dira, Aleksander Ceferin UEFAko presidentearekin batera.
Trump Putinengana hurbiltzen saiatuko da Alaskan, Ukrainari buruzko konpromiso irmorik hartu gabe
Ostiraleko bileran (19:30 GMT orduan izango dena, Euskal Herriko 21:30ean) ez da Volodimir Zelenski Ukrainako presidentea izango. Donald Trumpek eta Vladimir Putinek agerraldia egingo dute hedabideen aurrean bileraren amaieran.
Aitor Zabalgogeazkoa (MSF): "Gazako janari banaketa sistema berria basakeria bat da"
Aitor Zabalgogeazkoak zortzi aste egin ditu Gazan Mugarik Gabeko Medikuak erakundearen larrialdietako koordinatzaile bezala lan eginez. Bere hitzetan, 22 hilabeteren ostean, "jendeak esperantza galdu du eta gosetea gero eta handiagoa da". Zabalgogeaskoak gertutik bizi izan du Israelek eta AEBk babesten duten janari banaketa puntuetan gertatzen dena. "Egunero egoten dira hildakoak eta zaurituak" eta askok buruan eta bularrean jasotzen dituztela tiroak adierazi du "Gaur Egun" albistegian egindako elkarrizketan.
Hogeita hamar bat kazetarik protesta egin dute Tel Aviven kazetari gazatarren hilketaren aurka
"Utzi Gazan kazetariak hiltzeari", irakur zitekeen, ingelesez, arabieraz eta hebreeraz idatzitako pankarta batean. Kazetariak ordu erdiz egon dira bilduta Israelgo Kazetarien Elkarte Nazionalaren egoitzaren atarian isiltasunean.
Gutxienez 26 pertsona hil dira Lampedusako kostaldean, ontzi bat hondoratuta
Desagertuen bila jarraitzen dute; izan ere, 95 bat migratzaile zihoazen goizaldean Tripolitik (Libia) abiatu diren bi ontzitan. Horietako batean ura sartzen hasi da, eta, ondorioz, pertsonak bestean ontziratu dira. 60 inguru erreskatatu dituzte.
Aitor Zabalgogeazkoa Gazatik itzuli berri da eta Zerrendako egoera "inoiz baino okerragoa" dela uste du
Bilbon komunikabideekin egindako topaketa batean, 2012ra arte Mugarik Gabeko Medikuak erakundeko zuzendari nagusi izan denak eta gaur egun larrialdietako koordinatzailea den Aitor Zabalgogeazkoak Gazan eman dituen azken zortzi asteak deskribatu ditu. Gaur gauean, "Gaur Egun" albistegian elkarrizketa egingo diote, Gazako Zerrendan bizi den egoera azaldu dezan.
Europako buruzagiek su-etena eskatu diote Trumpi, ostiralean Putinekin Alaskan egingo duen bileraren abiapuntu gisa
Macronen arabera, AEBko presidenteak bideokonferentziaz baieztatu die NATO ez dela Ukrainaren segurtasun bermeetan inplikatuta egongo. Gainera, Frantziako presidenteak azaldu du Trumpek bermatu diela Zelenskik bakarrik negoziatuko dituela Ukrainak Errusiari lagako omen dizkion lurraldeak.