Donetsk eta Lugansk errepublikak bategitea negoziatzen hasi dira
Donetsk eta Lugansk errepublikek bategitea aztertzeko negoziazioak hasi dituzte, Donetskeko bozeramaileak RIA Novosti Errusiako agentzia albisteari iragarritakoaren arabera.
Ukrainako ekialdeko bi lurraldeek autodeterminazioaren alde egin zuten igandean egindako bi referendumetan. Astelehenean bertan, Errusiarekin bat egitearen alde agertu ziren.
"Errepublikak bateratzeko ekimena atzo egin genuen. Horretarako elkarrizketak abian jarri dira eta erabakia lider politikoen esku izango da. Elkarrizketak 10:00etan hasi dira", esan du bozeramaileak.
Errusiako Gobernuak ez du oraindik jarrera ofizialik agertu bi lurraldeak Errusian sartzeko aukeraren inguruan. Donetsken eta Lugansken bizi dira, hain zuzen, errusieraz aritzen diren Ukrainako biztanleak.
Atentatua, Luganskeko gobernadorea aurka
Valeri Bolotov Luganseko errepublikako gobernadorea tiroz zauritu dute bere aurka egindako atentatu batean, Vasili Nikitin Eruusiazaleen beste líder batek Life News egunkari errusiar digitalari aditzera emandakoaren arabera.
"Zauritua dago eta klinika pribatu batera eraman dute (…) Ezinezkoa da beragana gerturatzea", azaldu du Nikitinek, atentatuaren inguruan informazio gehiago eman barik.
Estatui eredua berehala erabakitzeko
Estatuaren eredua maiatzaren 25eko presidentetzarako hauteskundeak baino lehen erabakitzeko exijitu dio Errusiak Ukrainari, batez ere Donetsk eta Lugansk lurraldeetan egindako referendumetan independentziaren aldeko emaitza atera ostean.
Moskuko gobernuak ohar baten bidez salatu duenez, "Kieveko agintariek ez dute borondaterik agertu" Ukrainako lurraldeekin elkarrizketatzeko, batez ere hegoaldean eta ekialdean, eta horrek oztopo egiten die tentsioa murrizteko ahaleginei.
Halaber, Europar Batasunak jarritako zigor berriak krisiari konponbidea aurkitzea zaildu egingo dutela adierazi du Errusiak.
Turchinov: 'Operazio militarrak aurrera jarraitzen du'
Oleksander Turchinov Ukrainako jarduneko presidenteak adierazi duenez, Gobernuak ekialdean abian jarritako operazio militarrak aurrera jarraitzen du, nahiz eta Donetsken eta Lugansken egindako referendumetan autodeterminazioaren aldeko emaitza atera.
"Terrorismoaren aurkako operazioak aurrera jarraitzen du, ekintza kriminalei aurre egin eta gure herritarren bizitza eta osasuna defendatzeko", esan du Turchinovek parlamentuan egindako vilera batean.
Gazpromek 1.660 milioiko aurrerapena eskatu du, gasagatik
Gazprom Errusiako gas partzuergoak 1.660 milioi dolarreko agiria aurkeztu dio Naftogaz Ukrainako gas enpresari ekainerako aurreikusita duten kontsumoa aldez aurretik ordaintzeko.
Errusiak Ukrainari gas hornidura ekainaren 3an eteteko asmoa du datorren hilabeterako aurreikusitako kontsumoa aldez aurretik ordaintzen ez badu, Alexei Miller Gazpromeko presidenteak astelehenean iragarritakoaren arabera.
Honen harian, eta Europako Batzordeak argitutakoaren arabera, Ukrainak Europako diru laguntza erabili ahal izango du gasaren faktura ordaintzeko. Laguntza hori astearte honetan bertan onartuko dute Bruselan.
Albiste gehiago mundua
Trumpek eta Putinek bilera egingo dute ostiral honetan Alaskan, Ukrainan su-etena lortzeko asmoz
AEBko presidenteak esan du % 25eko aukera dagoela bilerak arrakastarik ez izateko; Kremlinak, berriz, ohartarazi du ez dela aurreikusten akordio formalik sinatzea. Aurrerapenik ezean, Moskuren aurka zigor berriak ezarriko dituela ziurtatu du Trumpek.
Ia 40 pertsona hil dira Kaxmirren izandako uholdeetan, Indian
Gutxienez 38 pertsona hil eta 100 zauritu dira Indiako Jammu eta Kaxmir estatuan izandako euri-jasek eragindako uholdeetan. Erreskate talde ugari mobilizatu dira hondakinen artean harrapatuta egon daitezkeen edo korronteak eraman dituen biktimak aurkitzeko. Gunerik kaltetuenetako bat Chositi izan da. Ur-uholdeek kalteak eragin dituzte etxebizitzetan eta ibilgailuetan. Era berean, uholdeek suntsitu egin dituzte Kishtwar barrutiko Machail Mata santutegia urtero bisitatzen duten erromesentzako kanpin-dendetan jarritako aldi baterako sukaldeak.
Palestinako Aginte Nazionalak nazioarteko laguntza eskatu du Zisjordania hautsiko lukeen proiektuaren aurrean
Benjamin Netanyahuk "Israel Handiari" buruz berriki egindako adierazpenak berresten du plan horrek. Zisjordaniaz eta Gazako Zerrendaz gain, Egipto eta Jordaniako lurraldeen zati bat barne hartuko lituzke, besteak beste.
UEFA, Israelen aurka: "Utzi haurrak hiltzeari, utzi zibilak hiltzeari"
Bi haur errefuxiatu palestinar Paris Saint-Germain eta Tottenham taldeen arteko UEFAko Superkopako finalean izan dira, Aleksander Ceferin UEFAko presidentearekin batera.
Trump Putinengana hurbiltzen saiatuko da Alaskan, Ukrainari buruzko konpromiso irmorik hartu gabe
Ostiraleko bileran (19:30 GMT orduan izango dena, Euskal Herriko 21:30ean) ez da Volodimir Zelenski Ukrainako presidentea izango. Donald Trumpek eta Vladimir Putinek agerraldia egingo dute hedabideen aurrean bileraren amaieran.
Aitor Zabalgogeazkoa (MSF): "Gazako janari banaketa sistema berria basakeria bat da"
Aitor Zabalgogeazkoak zortzi aste egin ditu Gazan Mugarik Gabeko Medikuak erakundearen larrialdietako koordinatzaile bezala lan eginez. Bere hitzetan, 22 hilabeteren ostean, "jendeak esperantza galdu du eta gosetea gero eta handiagoa da". Zabalgogeaskoak gertutik bizi izan du Israelek eta AEBk babesten duten janari banaketa puntuetan gertatzen dena. "Egunero egoten dira hildakoak eta zaurituak" eta askok buruan eta bularrean jasotzen dituztela tiroak adierazi du "Gaur Egun" albistegian egindako elkarrizketan.
Hogeita hamar bat kazetarik protesta egin dute Tel Aviven kazetari gazatarren hilketaren aurka
"Utzi Gazan kazetariak hiltzeari", irakur zitekeen, ingelesez, arabieraz eta hebreeraz idatzitako pankarta batean. Kazetariak ordu erdiz egon dira bilduta Israelgo Kazetarien Elkarte Nazionalaren egoitzaren atarian isiltasunean.
Gutxienez 26 pertsona hil dira Lampedusako kostaldean, ontzi bat hondoratuta
Desagertuen bila jarraitzen dute; izan ere, 95 bat migratzaile zihoazen goizaldean Tripolitik (Libia) abiatu diren bi ontzitan. Horietako batean ura sartzen hasi da, eta, ondorioz, pertsonak bestean ontziratu dira. 60 inguru erreskatatu dituzte.
Aitor Zabalgogeazkoa Gazatik itzuli berri da eta Zerrendako egoera "inoiz baino okerragoa" dela uste du
Bilbon komunikabideekin egindako topaketa batean, 2012ra arte Mugarik Gabeko Medikuak erakundeko zuzendari nagusi izan denak eta gaur egun larrialdietako koordinatzailea den Aitor Zabalgogeazkoak Gazan eman dituen azken zortzi asteak deskribatu ditu. Gaur gauean, "Gaur Egun" albistegian elkarrizketa egingo diote, Gazako Zerrendan bizi den egoera azaldu dezan.
Europako buruzagiek su-etena eskatu diote Trumpi, ostiralean Putinekin Alaskan egingo duen bileraren abiapuntu gisa
Macronen arabera, AEBko presidenteak bideokonferentziaz baieztatu die NATO ez dela Ukrainaren segurtasun bermeetan inplikatuta egongo. Gainera, Frantziako presidenteak azaldu du Trumpek bermatu diela Zelenskik bakarrik negoziatuko dituela Ukrainak Errusiari lagako omen dizkion lurraldeak.