Urduritasuna nagusi Ukrainan, hausnarketa egunean
Ukraina hausnarketa egun estua izaten ari da, igandeko presidentziarako hauteskundeen bezperan. Segurtasuna bermatu gabe dago herrialdeko zenbait eremutan.
Herrialdea presidentea aukeratzeko hauteslekuak prestatzen ari da, baina ez dago oso argi hauteskunde eguna ospatuko ahal izango den ala ez. Larunbatean hauteskundeen kontrako erasoa izan zen Donetsk hirian eta hautesleku bati ere eraso egin zioten.
Bitartean, hautagaiek kanpainako azken orduak agortu dituzte telebistan, inkesta guztietan faboritoa den Petro Poroxenko oligarka izan ezik.
Julia Tymoxenko lehen ministro ohiak, ostera, ahalak egin ditu. Tymoxenkok bigarren txanda egongo dela adierazi du, "hauteskundeak txanda bakar batean diktaduretan bakarrik erabakitzen direlako" argudiatuz.
Bestalde, Sergey Tigipko ekialdeko hautagaiak polemika piztu du, hedabideetan egindako adierazpen batzuekin. Tigipkok Krimeako anexio prozesuan erasotzaile izatea leporatu dio Errusiari.
Segurtasuna
Igandean 33 milioi ukrainarrak hauteslekuetara deituta daude, eta 100.000 agentek bermatuko dute segurtasuna.
Arazo gehien separatistek mehatxatu dituzten Donetsk eta Luhansk eskualdeetan izango da. Bertan hauteslekuak blokeatu dituzte, eta hautestontziak eta inprimategiak hartu dituzte.
Ukrainako Hauteskunde Batzordeak adierazi du heritarren % 5ek ezin izango duela botoa eman, mehatxuen ondorioz. Egoera horrek kolokan ipini dezake presidente berriaren zilegitasuna.
Putinek erabakia errespetatuko du
Bitartean, Vladimir Putin presidenteak Errusiaren aldeko gotorlekuen kontrako erasoa kritikatu du. Hala eta guztiz ere, aurreratu du Moskuk herriaren erabakia errespetatuko duela.
Albiste gehiago mundua
UEFA, Israelen aurka: "Utzi haurrak hiltzeari, utzi zibilak hiltzeari"
Bi haur errefuxiatu palestinar Paris Saint-Germain eta Tottenham taldeen arteko UEFAko Superkopako finalean izan dira, Aleksander Ceferin UEFAko presidentearekin batera.
Trump Putinengana hurbiltzen saiatuko da Alaskan, Ukrainari buruzko konpromiso irmorik hartu gabe
Ostiraleko bileran (19:30 GMT orduan izango dena, Euskal Herriko 21:30ean) ez da Volodimir Zelenski Ukrainako presidentea izango. Donald Trumpek eta Vladimir Putinek agerraldia egingo dute hedabideen aurrean bileraren amaieran.
Aitor Zabalgogeazkoa (MSF): "Gazako janari banaketa sistema berria basakeria bat da"
Aitor Zabalgogeazkoak zortzi aste egin ditu Gazan Mugarik Gabeko Medikuak erakundearen larrialdietako koordinatzaile bezala lan eginez. Bere hitzetan, 22 hilabeteren ostean, "jendeak esperantza galdu du eta gosetea gero eta handiagoa da". Zabalgogeaskoak gertutik bizi izan du Israelek eta AEBk babesten duten janari banaketa puntuetan gertatzen dena. "Egunero egoten dira hildakoak eta zaurituak" eta askok buruan eta bularrean jasotzen dituztela tiroak adierazi du "Gaur Egun" albistegian egindako elkarrizketan.
Hogeita hamar bat kazetarik protesta egin dute Tel Aviven kazetari gazatarren hilketaren aurka
"Utzi Gazan kazetariak hiltzeari", irakur zitekeen, ingelesez, arabieraz eta hebreeraz idatzitako pankarta batean. Kazetariak ordu erdiz egon dira bilduta Israelgo Kazetarien Elkarte Nazionalaren egoitzaren atarian isiltasunean.
Gutxienez 26 pertsona hil dira Lampedusako kostaldean, ontzi bat hondoratuta
Desagertuen bila jarraitzen dute; izan ere, 95 bat migratzaile zihoazen goizaldean Tripolitik (Libia) abiatu diren bi ontzitan. Horietako batean ura sartzen hasi da, eta, ondorioz, pertsonak bestean ontziratu dira. 60 inguru erreskatatu dituzte.
Aitor Zabalgogeazkoa Gazatik itzuli berri da eta Zerrendako egoera "inoiz baino okerragoa" dela uste du
Bilbon komunikabideekin egindako topaketa batean, 2012ra arte Mugarik Gabeko Medikuak erakundeko zuzendari nagusi izan denak eta gaur egun larrialdietako koordinatzailea den Aitor Zabalgogeazkoak Gazan eman dituen azken zortzi asteak deskribatu ditu. Gaur gauean, "Gaur Egun" albistegian elkarrizketa egingo diote, Gazako Zerrendan bizi den egoera azaldu dezan.
Europako buruzagiek su-etena eskatu diote Trumpi, ostiralean Putinekin Alaskan egingo duen bileraren abiapuntu gisa
Macronen arabera, AEBko presidenteak bideokonferentziaz baieztatu die NATO ez dela Ukrainaren segurtasun bermeetan inplikatuta egongo. Gainera, Frantziako presidenteak azaldu du Trumpek bermatu diela Zelenskik bakarrik negoziatuko dituela Ukrainak Errusiari lagako omen dizkion lurraldeak.
Netanyahuren aurkako epaiketari azaroaren 2an helduko diote berriro, hainbat saio bertan behera geratu ostean
Israelgo lehen ministroak, funtzionario-eroskeria, iruzur eta konfiantza-abusu delituak leporatuta, astean hiru aldiz agerraldia beharko du data horretatik aurrera. Netanyahu Israelen historian jardunean dagoela epaitzen duten lehen gobernuburua da.
EBk negoziazioetan Ukrainak duen papera aldarrikatu du eta Errusia ohartarazi du, Hungariak sinatu ez duen mezu batean
"Ukrainako herritarrek beren etorkizuna erabakitzeko askatasuna izan behar dute. Ukrainako bake-bidea ezin da Ukraina gabe erabaki", ohartarazi dute, eta su-etena ezinbestekoa dela edozein aurrerapauso egiteko.
Trumpek beste 90 egunez luzatu ditu Txinarako muga-zergak
Txinako Merkataritza Ministerioak baieztatu duenez, Trumpen agindu exekutiboa baino apur bat lehenago, AEBren "ahaleginak" espero zituen "berdintasunean, errespetuan eta elkarrekiko onuran oinarritutako emaitza positiboa" lortzeko.