Behatzaile talde batekin kontaktua galdu duela esan du OSCEk
OSCE Europako Segurtasunerako eta Lankidetzarako Elkarteak jakinarazi duenez, Ukrainan zegoen talde berezi batekin kontaktua galdu du, Donetsk hiriaren alboan, herrialdearen ekialdean.
"Errutinazko patruilarekin zegoen taldea, Donetsk ekialdean, kontaktua galdu genuenean. Ezin izan dugu kontaktua berreskuratu orain arte", azaldu du OSCEk agiri batean.
Atzoko 18:00etan (15:00 GMT) galdu zuten kontaktua, OSCEk jakinarazi duenez. Lau adituk osatzen dute taldea.
Bere aldetik, Viacheslav Ponomariov Donetsk herri-Errepublikako liderrak azaldu duenez, Errusiaren aldeko taldeek Slaviansk (Ukraina ekialdean) hiria utzi nahi dutenei lagunduko diete. Horrela jakinarazi du Itar-Tass Errusiako albiste-agentziak.
"Umeak hiria uzteko prestatzeko eskatzen dugu eta baita hiria utzi nahi duten helduak ere. Gaur erabakiko dugu nora joan daitezkeen", azaldu du Ponomariovek.
100 hildako
Matxinoen eta Ukrainako militarren artean istiluak izan ziren astelehenean Donetsk hirian, eta 100 hildako izan ziren, Errusiaren aldeko erreboltarien eta zibilen artean, Aleksander Borodai errepublikako lehen ministroaren arabera.
Gaur ere izan da istilurik, eta aireportuan izan dira indartsuenak. Atzo, berriz, Ukrainako hegazkinek eraso egin zuten, eta tren-geltokian eta hiriko beste puntu batzuetan aritu ziren.
"Aireportua gure kontrolpean da. Etsaiak hainbat baja izan ditu, guk bat ere ez", azaldu du Arsen Avakov Barne ministroak agiri batean.
Negoziazioak Errusiarekin
Arseni Jatseniuk Ukrainako lehen ministroak baztertu egin du Errusiarekin negoziazioak izango direla Ameriketako Estatu Batuek eta Europar Batasunak ez badute parte hartzen.
"Gobernuaren jarrera hori da. Gaur egungo baldintzetan, ezinezkoa da Errusiarekin negoziatzea AEBen eta Europar Batasunaren presentzia gabe", azaldu du Jatseniukek Ministro Kontseiluan.
Moskun, ordea, Dmitri Peskov Kremlineko bozeramaileak azaldu du "goiz" dela Putinen eta Poroxenkoren arteko bilera bati buruz hitz egiteko. "Goiz da horri buruz hitz egiteko", azaldu du Peskovek Kommersant egunkarian eskainitako elkarrizketa batean.
Arseni Jatseniuk Ukrainako presidenteak adierazi duenez, Errusiako buruzagiekin bilera eginez gero, ezin da "bostekoa eman" eta beste ezer ez egiteko izan, eta ondo prestatu behar dela gaineratu du. Poroxenkoren ustez, Errusiaren parte-hartzerik gabe "ezinezkoa litzateke gerra gelditu eta herriaren ekialdera bakea eramatea".
Ukrainako Gobernua Errusiaren aldeko milizien aurka borrokan ari da Donetsk eta Luhansk eskualdeetan.
Albiste gehiago mundua
Trumpek eta Putinek bilera egingo dute ostiral honetan Alaskan, Ukrainan su-etena lortzeko asmoz
AEBko presidenteak esan du % 25eko aukera dagoela bilerak arrakastarik ez izateko; Kremlinak, berriz, ohartarazi du ez dela aurreikusten akordio formalik sinatzea. Aurrerapenik ezean, Moskuren aurka zigor berriak ezarriko dituela ziurtatu du Trumpek.
Ia 40 pertsona hil dira Kaxmirren izandako uholdeetan, Indian
Gutxienez 38 pertsona hil eta 100 zauritu dira Indiako Jammu eta Kaxmir estatuan izandako euri-jasek eragindako uholdeetan. Erreskate talde ugari mobilizatu dira hondakinen artean harrapatuta egon daitezkeen edo korronteak eraman dituen biktimak aurkitzeko. Gunerik kaltetuenetako bat Chositi izan da. Ur-uholdeek kalteak eragin dituzte etxebizitzetan eta ibilgailuetan. Era berean, uholdeek suntsitu egin dituzte Kishtwar barrutiko Machail Mata santutegia urtero bisitatzen duten erromesentzako kanpin-dendetan jarritako aldi baterako sukaldeak.
Palestinako Aginte Nazionalak nazioarteko laguntza eskatu du Zisjordania hautsiko lukeen proiektuaren aurrean
Benjamin Netanyahuk "Israel Handiari" buruz berriki egindako adierazpenak berresten du plan horrek. Zisjordaniaz eta Gazako Zerrendaz gain, Egipto eta Jordaniako lurraldeen zati bat barne hartuko lituzke, besteak beste.
UEFA, Israelen aurka: "Utzi haurrak hiltzeari, utzi zibilak hiltzeari"
Bi haur errefuxiatu palestinar Paris Saint-Germain eta Tottenham taldeen arteko UEFAko Superkopako finalean izan dira, Aleksander Ceferin UEFAko presidentearekin batera.
Trump Putinengana hurbiltzen saiatuko da Alaskan, Ukrainari buruzko konpromiso irmorik hartu gabe
Ostiraleko bileran (19:30 GMT orduan izango dena, Euskal Herriko 21:30ean) ez da Volodimir Zelenski Ukrainako presidentea izango. Donald Trumpek eta Vladimir Putinek agerraldia egingo dute hedabideen aurrean bileraren amaieran.
Aitor Zabalgogeazkoa (MSF): "Gazako janari banaketa sistema berria basakeria bat da"
Aitor Zabalgogeazkoak zortzi aste egin ditu Gazan Mugarik Gabeko Medikuak erakundearen larrialdietako koordinatzaile bezala lan eginez. Bere hitzetan, 22 hilabeteren ostean, "jendeak esperantza galdu du eta gosetea gero eta handiagoa da". Zabalgogeaskoak gertutik bizi izan du Israelek eta AEBk babesten duten janari banaketa puntuetan gertatzen dena. "Egunero egoten dira hildakoak eta zaurituak" eta askok buruan eta bularrean jasotzen dituztela tiroak adierazi du "Gaur Egun" albistegian egindako elkarrizketan.
Hogeita hamar bat kazetarik protesta egin dute Tel Aviven kazetari gazatarren hilketaren aurka
"Utzi Gazan kazetariak hiltzeari", irakur zitekeen, ingelesez, arabieraz eta hebreeraz idatzitako pankarta batean. Kazetariak ordu erdiz egon dira bilduta Israelgo Kazetarien Elkarte Nazionalaren egoitzaren atarian isiltasunean.
Gutxienez 26 pertsona hil dira Lampedusako kostaldean, ontzi bat hondoratuta
Desagertuen bila jarraitzen dute; izan ere, 95 bat migratzaile zihoazen goizaldean Tripolitik (Libia) abiatu diren bi ontzitan. Horietako batean ura sartzen hasi da, eta, ondorioz, pertsonak bestean ontziratu dira. 60 inguru erreskatatu dituzte.
Aitor Zabalgogeazkoa Gazatik itzuli berri da eta Zerrendako egoera "inoiz baino okerragoa" dela uste du
Bilbon komunikabideekin egindako topaketa batean, 2012ra arte Mugarik Gabeko Medikuak erakundeko zuzendari nagusi izan denak eta gaur egun larrialdietako koordinatzailea den Aitor Zabalgogeazkoak Gazan eman dituen azken zortzi asteak deskribatu ditu. Gaur gauean, "Gaur Egun" albistegian elkarrizketa egingo diote, Gazako Zerrendan bizi den egoera azaldu dezan.
Europako buruzagiek su-etena eskatu diote Trumpi, ostiralean Putinekin Alaskan egingo duen bileraren abiapuntu gisa
Macronen arabera, AEBko presidenteak bideokonferentziaz baieztatu die NATO ez dela Ukrainaren segurtasun bermeetan inplikatuta egongo. Gainera, Frantziako presidenteak azaldu du Trumpek bermatu diela Zelenskik bakarrik negoziatuko dituela Ukrainak Errusiari lagako omen dizkion lurraldeak.